YEHEZKIEL 43:2 - WUKE SUSI WATTI'U AL᷊AL᷊USASSA

² wuṛṛu ete isudde i ya'u naasilo nirumanta wuassu samba'a ra'i semakka lullendapa apan manniala darantan Duatan Israel. Tingikku Ruata niaringikka ere lua'a ruddapa su laudda, wuṛṛu runia sussal᷊endapa ana waugu semakku darantan Duata.

YEHEZKIEL 43:2 Referans Kwoze

SONDAPPA 18:1

Napawe wua'udde i ya'u naasilo sangkatou mala'ekatta waine sinumossoka wuassu surga. I tou uatahuanna taṛṛino apan wahewalla, wuṛṛu awawantuge naaola'a ahewallu runia nabbal᷊i masemakka.

YEHEZKIEL 11:23

Wua'udde semakka apan maal᷊angitta udde nanantangngu Yerusalem wuṛṛu nangingkatta watukku wowone su samba'an ra'in soa udde.

YESAYA 6:3

I mangitou mangngintul᷊i sambau ringannu waine: “Susi, susi, susi. Susi Mawu Apan Lembontaṛṛino. Runia napenen daranta-Ne apan mawantuga.”

YEHEZKIEL 10:4

Semakka ma'al᷊angitta apan mammasingkattu daranta Mawu natuakka wuassu manga mala'ekatta udde wuṛṛu na'ingkatta watukku ngara sasuttanna su Wal᷊en Mawu, na'oman sara rallakke nabbal᷊i masema-semakka.

YEHEZKIEL 1:28

wuṛṛu manambo kalurene ere randipakka. Eteudde semakka lullansiangnga apan mapal᷊iatta'u daranta Mawu. Naasilo udde, i ya'u nanawo uarammangnga su leta'a. See i ya'u naaringikka tingikka apan

SONDAPPA 1:15

ledda-Ne luṛṛena naal᷊ihida witu'a itattambuna. Tingik-Ke naal᷊ihidda tingikku ua'e mappampassa apan wahewalla.

YEHEZKIEL 3:23

Ne i ya'u inaite watukku wawal᷊anne, wuṛṛu isudde i ya'u naasilo semakka sussal᷊ol᷊ota apan mammasingkattu daranta Mawu ere lai apan buatte ta'u niasiloanna su winggin Sal᷊ukku Kebar. Wua'udde i ya'u nawal᷊atta uarammangnga su leta'a.

YEHEZKIEL 1:24

Amungkangngu i mangitou tumalla'a, i ya'u maaringikka tingikku papaidde; tingikke ere ua'e mappampassa, ere lempangngu tantara apan manambo, ere tingikku Ruata Apan Lembontaṛṛino. Amungkangngu i mangitou tawe tumalla'a, i mangitou mallappu manga papaidde,

SONDAPPA 21:23

Soa udde tate mappandumma semakku matannallo ara'e semakku wul᷊anna, ana waugu awawantugu Ruata mananemakke, wuṛṛu eteudde Ana'u Domba sol᷊one.

SONDAPPA 14:2

See i ya'u naaringikka tingikka wuassu langitta mangngelekka naal᷊ihidda tingikku ua'e wahewalla apan mappampassa wuṛṛu naal᷊ihidda tingikku rallu'a apan masaddata. Tingikka udde niaṛṛingiṛṛana naal᷊ihidda tingikku musikka wuassu mananalangnga kecapi apan tantal᷊anna mannengkella kecapine.

SONDAPPA 19:6

Napawe wua'udde i ya'u naaringikka sambau ere tingikku ammul᷊annu taumata nambo atonna; tingikke naal᷊ihidda lua'a mabbasse wuṛṛu ere rallu'a mappose. I ya'u naaringikka i mangitou mabbisara, “Paddalote Ruata! Ana waugu Ruatang kite Lembon Taṛṛino udde, orassa indi uaparenta!

SONDAPPA 19:1

Napawe wua'udde i ya'u naaringikka sambau naal᷊ihidda tingikku taumata nambo wuassu surga apan u'ui, “Paddalote Ruata! Ruatang kite eteudde Ruata apan mannal᷊amatta; i Tou Ruata awantuhanne wuṛṛu mataṛṛino!

YOHANES 12:41

Yesaya nabbisara aroddi ana waugu i tou suete naasilo awawantugu Mawu Yesus wuṛṛu nabbatti'a su ola'i Tou.

HABAKUK 3:3

I'o Ruata Apan Lembonsusi nirumanta wuassu Teman, I'o nirumanta wuassu panenteannu Paran. Langitta aoosannu awawantu-Gu; runia napenen daralo Si'o.

HABAKUK 2:14

Arawe naal᷊ihidda tahal᷊oangnga napenen ua'e, aroddi runia lai sarun peneannu asingkatta su ola'u Mawu wuṛṛu taṛṛino-Ne.

YEHEZKIEL 9:3

See semakka lullansianga apan mamasingkattu darantan Duatan Israel, natuakka wuassu manga mala'ekatta, ana see na'ingkatta wuassu tampane paarorone udde watukku ngara suttanna su Wal᷊en Mawu. Ne Mawu namago taumata apan uapeddettu linen udde, wisara-Ne,

SONDAPPA 21:11

ringannu araṛṛamaga wuṛṛu awawantugu Ruata. Soa udde sussal᷊endapa naal᷊ihidda watu permata, naal᷊ihidda watu baiduri pandan apan matilangnga naal᷊ihidda kristal.

YESAYA 17:12

Manga walahanna apan matohassa tantal᷊anna maggio; tingikke maddallu'a naal᷊ihidda tingikku lua'a mabbasse.

YEHEZKIEL 11:22

Manga mala'ekatta udde mannattakke tuttalla'a wuṛṛu manga bolane lai uatantalongnga. Semakka ma'al᷊angitta mattiala daranta Mawu Israel udde ringanni mangitou.

YEHEZKIEL 43:4

Semakka lullendappa udde inaite watukku sasutanna samba'a ra'i ana see sinumutta sulal᷊ummu Wal᷊e Mawu.

YEHEZKIEL 44:2

Mawu nabbisara si ya'u, “Sasutanna indi ṛinone sidutu uaṛṛappinga wuṛṛu imbaṛṛangnga wu'anna. Tawe saran sangkatou apan botongnge sumutta, ana waugu i Ya'u, Mawu Ruatan Israel, sinumuttate su Wal᷊e-U niumamattu sasuttanna indi. Nariaddi sasuttanna indi sidutu uaṛṛuudda.

HABAKUK 3:4

I'o nirumanta ringannu semakka lullansiangnga, wuassu lima-Nu sinumabbangnga semakka lullansiangnga, ete isudde taṛṛino-Nu niwuni-Nu.