YEHEZKIEL 42:13 - WUKE SUSI WATTI'U AL᷊AL᷊USASSA

¹³ Esakka udde nabbisara si ya'u, “Wal᷊en darua udde na'ukkassa. Isudde, manga imam apan botongnge sumaruanna daranta Mawu, umanna manga sasamba apan lembon na'ukkassa. Isudde lai ṛinone iaddo mangitou manga sasamba apan lembon na'ukkassa, eteudde; sasamba gandumma wuṛṛu sasamba papappasa rosa ara'e sasamba pamaekka arugianna.

YEHEZKIEL 42:13 Referans Kwoze

IMAMATTA 10:17

“Anio sasamba ipangampunga rosa udde nianni yamiu su tampa apan susi? Sasamba udde lembon susi; Mawu nangonggolla si'o, tadea'u rosan taumatan Israel ampunganna.

IMAMATTA 7:6

Suapan esakka sulal᷊ummu amonannu manga imam botongnge uminassa ṛemessu sasamba udde, arawe i mangitou ṛinone uminassa su tampa apan buatte niṛṛae, ana sasamba udde lembon susi.

YEHEZKIEL 40:46

wuṛṛu lai sabbua apan uasaruanna watukku sawannakka nisaddia su manga imam apan mammanara su mezbah. Anambon imam udde ṛinone wuassu papapulunni Zadok. Ana waugu wuassu ṛuanganni Lewi tumba'u papapulunni Zadok apan botongne sumaruanna Mawu wuṛṛu mangimbe si Tou sulal᷊ummu patataṛṛamawu.

IMAMATTA 14:13

Ana'u domba udde ṛinone pototanni tou su tampa apan buatte niṛṛae pamototanna winatangnga maola'a sasamba aampungnga rosa wuṛṛu sasamba itattambunna. Domba udde ṛinone pototanna isudde ana waugu sasamba lal᷊anna'a arugianna wuṛṛu sasamba aampungnga rosa uddewe lembon susi wuṛṛu udde maola'a wageangngu imam.

IMAMATTA 6:29

Suapan taumata esakka sulal᷊ummu amonannu manga imam botongnge umanna sasamba apan lembon susi udde.

SASABANGNGA 29:31

Panganute ṛemessu domba esakka apan nipaatta su patatenegi Harun wuṛṛu manga anangnge wuṛṛu lahate ṛemessa udde su sambau tampa apan susi.

TAHIUL᷊E 21:5

Manga imam Lewi ṛinone lai inai isudde, ana waugu i mangitou ṛinone mangonggolu ṛaṛṛawessa sulal᷊ummu hatton pamamate udde. I mangitou nipilen Mawu Ruatanu tadea'u mattaṛṛamawu si Tou wuṛṛu massinaukku al᷊amatta sulal᷊ummu aran-Ne.

IMAMATTA 24:9

Roti uddewe wageangngi Harun wuṛṛu papapulunne. I mangitou ṛinone umanna su tampa apan susi, ana waugu roti udde maola'a wageangnge apan lembon susi wuassu sasamba anna apan nionggola su Mawu wuattu manga imam.

IMAMATTA 10:3

Ana see i Musa nabbisara si Harun, “Eteudde apan niapasingkattu Mawu su tempo i Tou nabbisara, ‘Sarangkanambone apan mangngimbe si Ya'u ṛinone mangaddata asasusi-U. I Ya'u sarun mapal᷊iatta'u awawantu-U su ahewallu walahanna-Ku.’ ” Arawe i Harun mal᷊anna-l᷊annaba.

NEHEMIA 13:5

Elyasib nangonggolla si Tobia sambau wabbo'a wahewalla apan ṛinone nisaddia hunan panahipunanna sasamba gandumma, amania, manga mananalangnga musikka wuṛṛu mandariaga ngara wahewallu Wal᷊en Mawu.

REENGANNA 18:7

Arawe tumba'u i'o wuṛṛu manga anangngu apan botongnge mapaamattu manara maola'a imam, su al᷊awo'u manara apan pia aukke ringannu mezbah wuṛṛu saranapa su Wabbo'a Lembon Na'ukkassa. Eteudde manaranu, ana waugu i Ya'u buatte nangonggola si yamiu aiananna maola'a sangkatou imam. Suapan taumata apan tawe uatahuanna manara udde, sarun pateanna amungkangngu mangundani manga saranapa udde.”

REENGANNA 16:40

Udde maola'a sambau pananaunganna su walahannu Israel manungku wal᷊ine wuassi Harun, tawe saran sangkatou apan botongnge rumanta watukku mezbah manutungnga amania hunan Mawu. Taumata apan nilumawangnga atoranna udde sarun pateanna ere i Korah wuṛṛu manga mallal᷊aṛṛenggene. Sarangkanambone udde olaanna ere nirolokku Mawu si Eleazar apan nitanata si Musa.

REENGANNA 16:5

Ana see i tou nabbisara si Korah wuṛṛu mallal᷊aṛṛenggene, “Tiṛṛabbi marua allo Mawu sarun mapal᷊iatta'a si ite isai pussa'a-Ne, wuṛṛu isai apan niṛṛaen Tou. Taumata apan nipile-Ne sarun iwala mangundanin Tou.

IMAMATTA 21:22

Arawe i tou wotongnge umanna anna apan nionggola, mawae ete sasamba anna apan susi aroddi lai sasamba anna apan lembon susi.

IMAMATTA 7:1

Eteindi manga atoranna su ola'u sasamba lal᷊anna'a arugianna. Sasamba udde lembon susi.

IMAMATTA 2:10

Lambene udde wuattu manga imam. Roti udde lembon susi ana waugu nianu wuassu anna apan buatte nionggola su Mawu.

IMAMATTA 2:3

Anna ia imbe lambene ionggola su manga imam. Sasamba udde tumaniten susi ana waugu buatte nianu wuassu anna apan buatte nionggola su Mawu.

YEHEZKIEL 40:38

Su rallakku liudde pia sambau wabbo'a nitamba su sasuttannu lal᷊ummu samba'a sawannakka. Wuassu wabbo'a pinanamba pia sambau ngara apan mattudda watukku panumbal᷊e wahewalla. Ete isudde niukkassa manga winatangnga olaanna sasamba itattambunna.

YEHEZKIEL 41:12

Su samba'an rallakka samba'a waṛṛatta, pia bal᷊e wahewalla apan al᷊o'engnge 45 metere wuṛṛu al᷊alakke 35 metere, wuṛṛu aappalu manga darandunge darua setenga metere.

YEHEZKIEL 42:1

Wua'udde esakka udde nangapi'u watukku rallakku liudde wuṛṛu nangehetta si ya'u watukku wal᷊en waine su samba'a sawannakku Wal᷊e Mawu, tawe marau wuassu wal᷊en wahewalla su samba'a waṛṛattu Wal᷊e Mawu udde.

IMAMATTA 6:19

Mawu nangonggola si Musa manga atoranna indi