YEHEZKIEL 41:22 - WUKE SUSI WATTI'U AL᷊AL᷊USASSA

²² Atanggakke sambau setenga metere wuṛṛu al᷊alakke sambau su meterene. Manga pabbuuanne, apampakke wuṛṛu darandunge niola'a wuassu alu. Esakka udde nabbisara si ya'u, “Eteindi medda apan uaraddo su saruannu daranta Mawu.”

YEHEZKIEL 41:22 Referans Kwoze

MALEAKHI 1:12

Arawe i yamiu mallobbossa si Ya'u ana waugu massunna mezbah-U tawe ereggane, wuṛṛu mangngongngollu sasamba isudde anna apan nitol᷊a'i yamiu!

MALEAKHI 1:7

Ringannu mangonggollu anna sasamba apan tawe suṛṛinone maola'a sasamba su wowon mezba-Ku. Wua'udde i yamiu maiwal᷊o, ‘Ringannu olangnge ereapa i yami mangngaddio'a Si'o?’ Ringannu nandal᷊eo mezbah-U.

YEHEZKIEL 44:16

Tumba'u i mangitou sassane apan botongnge sumutta su Wal᷊e-U, mangimbe si Ya'u su manga mezbah-Ku, wuṛṛu mamiaṛṛa'u patataṛṛamawu su Wal᷊e-U.

YEHEZKIEL 23:41

Wua'udde itarua niuma'ianna su wowon tampa atatiil᷊anna apan maṛṛansanga. Su saruanne pia medda apan napenen anna ua'imbe, nasutta amania wuṛṛu lanan zaitun apan buatte Ta'u nionggolla si tarua.

SONDAPPA 8:3

Sangkatou mala'ekatta waine, apan uaapiddu sambau pananutunganna amania wul᷊awanna, nirumanta wuṛṛu dirumarisikka su saruannu meddan sasamba. Si tou nionggol᷊annu manambo amania ipanguntudu manga aal᷊iomannu anambon walahannu Ruata wuṛṛu iaddo su meddan sasamba wul᷊awanna apan uaraddo su saruannu adderan araratuanna.

1 MARARATU 6:20

Wabbo'a udde al᷊o'engnge, al᷊alakke wuṛṛu atanggakke nassul᷊ungnga, eteudde sio metere. Mezbah su saruannu Wabbo'a Lembon Susi udde niola'a wuassu alu cemaran Libanon. Su ngara sasuttanna watukku wabbo'a udde niwatadda ṛate wulananna. Ahewallu wageangngu lal᷊ummu Wal᷊en Mawu udde nasutta Wabbo'a Lembon Susi wuṛṛu mezbahne nilapisannu wul᷊awanna tutune.

IMAMATTA 24:6

Addoa'e roti udde darua ual᷊isansunna, annumma roti suapan sansunne, su wowon medda lal᷊apisannu wul᷊awanna tutune apan uaraddo su Rasanna Mawu.

SONDAPPA 3:20

Pa'ellega! I Ya'u uarisikka su saruannu ngara wuṛṛu manengkela. Amungkangu pia taumata apan naaringikka tingi-U, wuṛṛu namu'a ngara, i Ya'u sarun sumutta maisasomban tou; i Ya'u sarun umanna suadio'a ringanni tou wuṛṛu i tou umanna suadio'a ringang-Ku.

1 KORINTUS 10:21

I yamiu tawe wotongnge ma'inumma wuassu tampa pa'inumannu Mawu, wuṛṛu wuassu tampa pa'inumannu ghaṛṛaho lal᷊eo lai. Yamiu tawe wotongnge umanna su medda Mawu, wuṛṛu wuassu medda ghaṛṛaho lal᷊eo lai.

ANTARI MAWANTUGA 1:12

Tantal᷊anna ratu'u su lal᷊allowanganna, tinumopangnga hal᷊uru mawangngi narwastu'u.

AMSAL 9:2

I tou buatte nakkata winatangnga olaanna andeangnga, namakkan ua'en anggore wuṛṛu nangimbeng kanna.

2 TAWARIKH 4:19

Ratu Salomo lai nandolokka niapal᷊anginnu manga saranapa waine wuassu wul᷊awanna tutune tadea'u iaddo su Wal᷊en Mawu. Indiwe manga saranapa apan nilanginne udde: Mezbah Medda pangimbeannu roti Anambon leddan sol᷊o ringannu sol᷊one wuassu wul᷊awanna tutune tadea'u re'omanna su saruannu Wabbo'a Lembon Susi, ere buatte niṛṛiinna Manga lal᷊ogakka saṛṛene ere bunga Manga sol᷊o Manga sasipitta Wawaresi sumbun sol᷊o Manga mangko Manga lama'a amania Manga lama'a human waṛṛa Anambon ngara suttanna su Wal᷊en Mawu wuṛṛu ngara Wabbo'a Lembon Susi nioosannu wul᷊awanna.

1 MARARATU 7:48

I Ratu Salomo lai nandolokka niapaola'a manga saranapa waine wuassu wul᷊awanna hunan Wal᷊en Mawu. Eteindi manga saranapa apan niolangnge udde: Mezbah Medda pangangaddoannu roti apan ionggolla su Ruata Mapul᷊o leddan sol᷊o apan niaddo su Wabbo'a Lembon Susi, eteudde lima su samba'an timukka wuṛṛu lima lai su samba'a sawannakka. Manga bunga Manga sol᷊o Manga sasipitta Manga mangko Manga lama'a pangaddoannu amania Manga lama'a pangaddoannu waṛṛa Manga hensellu ngara Wabbo'a Lembon Susi wuṛṛu manga ngaran liuddu Wal᷊en Mawu.

SASABANGNGA 30:8

Olangnge udde sarun olaanne lai su tempo i tou mande'omma sol᷊o wawallo. Sasamba amania udde ṛinone sidutu mammanaranna su al᷊o'engngu tempo.

SASABANGNGA 25:23

“Pa'ola'e sambau medda wuassu alu akasia al᷊o'engnge 88 sentimetere, al᷊alakke 44 sentimetere, wuṛṛu atanggakke 66 sentimetere.