YEHEZKIEL 40:38 - WUKE SUSI WATTI'U AL᷊AL᷊USASSA

³⁸ Su rallakku liudde pia sambau wabbo'a nitamba su sasuttannu lal᷊ummu samba'a sawannakka. Wuassu wabbo'a pinanamba pia sambau ngara apan mattudda watukku panumbal᷊e wahewalla. Ete isudde niukkassa manga winatangnga olaanna sasamba itattambunna.

YEHEZKIEL 40:38 Referans Kwoze

2 TAWARIKH 4:6

Ratu Salomo lai na'ola'a 10 mangko wahewalla, lima niaddo su samba'an timukku Wal᷊en Mawu, wuṛṛu lima lai su samba'a sawannakka. Manga mangko udde hunane pangukkasanna winatangnga apan sarun itambunna olaanna sasamba. Ua'e sulal᷊ummu wensadda wahewalla udde saddianna pangukkasannu manga imam.

IBRANI 10:22

Ana waugu udde, wette i ite mangundani Ruata ringannu naungnga matul᷊ida wuṛṛu pangangimanna apan matohassa; ringannu naungnga apan suete niukassa wuassu apendamma apan sal᷊a, wuṛṛu ringannu wadangnga apan suete niukkassu ua'e waresi.

YEHEZKIEL 42:13

Esakka udde nabbisara si ya'u, “Wal᷊en darua udde na'ukkassa. Isudde, manga imam apan botongnge sumaruanna daranta Mawu, umanna manga sasamba apan lembon na'ukkassa. Isudde lai ṛinone iaddo mangitou manga sasamba apan lembon na'ukkassa, eteudde; sasamba gandumma wuṛṛu sasamba papappasa rosa ara'e sasamba pamaekka arugianna.

YEHEZKIEL 40:17

Wua'udde esakka udde nangapi'u sinumutta su ngara pasallangannu rallakku liuddu su Wal᷊e Mawu. Su sandiṛṛannu darandungu liudde uapal᷊iwutta Wal᷊e Mawu udde niola'a 30 wabbo'a. Su saruannu manga wabbo'a udde apampakke watu,

YEHEZKIEL 40:12

Su saruannu manga wabbo'a pandiaganna apan uuṛṛane tallu ikalin tatallu metere udde, pia darandunga mawawo apan atanggakke setenga metere, wuṛṛu aappale setenga metere lai.

IMAMATTA 1:9

Ana see taumata udde ṛinone mangukkasa tinaine see palangngu sapi udde, wuṛṛu imam apan uamanara ṛinone manambunnu sarangkanambone. Hal᷊urun sasamba itattambunna udde ma'al᷊uassa naungngu Mawu.

1 TAWARIKH 28:12

I Daud nanantillu lai anambon ṛiinna apan buatte niṛṛingidde su ipa'ola'a manga rallakka ringannu manga wabbo'a apan uapal᷊iwutta, wuṛṛu manga gudangnga panahipunanna aola'u Wal᷊en Mawu udde see lai manga gudangnga panahipunanna manga aonggola su Mawu.

NEHEMIA 13:5

Elyasib nangonggolla si Tobia sambau wabbo'a wahewalla apan ṛinone nisaddia hunan panahipunanna sasamba gandumma, amania, manga mananalangnga musikka wuṛṛu mandariaga ngara wahewallu Wal᷊en Mawu.

NEHEMIA 13:9

Wua'udde i ya'u nandolokka tadea'u olaanna lal᷊aghu pamamaresi manga wabbo'a udde. Wua'udde i ya'u namelengnga isudde alawo'u sasamba gandumma wuṛṛu amania see manga saranapan Wal᷊en Mawu.

YEREMIA 35:4

I ya'u nangapiddi mangitou watukku Wal᷊e Mawu sulal᷊ummu wabbo'a manga mal᷊aṛṛenggeni Nabi Hanan ana'i Yigdalya. Wabbo'a udde addone al᷊iurosone wuassu wabbo'a Imam Maaseya ana'i Salum, maranin wabbo'a manga mammamanara waine. Maaseya uddewe pegawe apan atanggaṛṛanne apan uariaga manga ngara su Wal᷊en Mawu.

YEREMIA 36:10

Ana see i Barukh nabbasa wuassu buke lallul᷊unanna udde al᷊awo'a apan buatte ta'u niwal᷊o, wuṛṛu sarangkanambone uararingikka. Pabbawasa udde niola'a su Wal᷊e Mawu su antorin Gemarya, ana'i Safan ruddu tul᷊issu araratuanna. Antori udde addone su rallakka al᷊iu rosone, maranin dal᷊anna sumutta watukku Ngara pasallanganna Wakku su Wal᷊en Mawu.

YEHEZKIEL 40:44

Wua'udde esakka udde nangapi'u watukku rallakku lal᷊umme. Isudde pia darua sabbua, sambau su sandiṛṛannu sasuttanna su sawannakka, wuṛṛu sambau lai su sansidaṛṛannu sasuttanna samba'a timukka wuṛṛu uasaruanna watukku sawannakka.

YEHEZKIEL 40:45

Esakka udde nabbisara si ya'u manungku sabbua'a apan uasaruanna watukku timukka udde nisaddia su manga imam apan mammanara su Wal᷊e Mawu,

YEHEZKIEL 40:46

wuṛṛu lai sabbua apan uasaruanna watukku sawannakka nisaddia su manga imam apan mammanara su mezbah. Anambon imam udde ṛinone wuassu papapulunni Zadok. Ana waugu wuassu ṛuanganni Lewi tumba'u papapulunni Zadok apan botongne sumaruanna Mawu wuṛṛu mangimbe si Tou sulal᷊ummu patataṛṛamawu.

IMAMATTA 1:13

Ana see taumata udde ṛinone mangukkassa tinaine wuṛṛu palangngu winatangnga udde. Wua'udde manga imam ṛinone mangonggolu sarangkanambone su Mawu, wuṛṛu manambunna su wowon mezbah. Hal᷊urun sasamba itattambunna udde ma'al᷊uassa naungngu Mawu.