YEHEZKIEL 40:12 - WUKE SUSI WATTI'U AL᷊AL᷊USASSA

¹² Su saruannu manga wabbo'a pandiaganna apan uuṛṛane tallu ikalin tatallu metere udde, pia darandunga mawawo apan atanggakke setenga metere, wuṛṛu aappale setenga metere lai.

YEHEZKIEL 40:12 Referans Kwoze

YEHEZKIEL 40:7

Su liuddu ngara udde pia sambau lal᷊anna wuṛṛu suapan sandiṛṛanne pia tatallu wabbo'a pandariaganna. Suapan wabbo'a udde uasul᷊ungnga ahewalle; saṛṛene uataṛṛa wu'u appatta, wuṛṛu al᷊o'engngu manga sandiṛṛanne udde tallu metere. Darandunga sasarannu manga wabbo'a uasul᷊ungnga aappale, darua setenga metere. Lal᷊anna udde nal᷊o'engnga tallu metere lai wuṛṛu mattudda watukku wabbo'a wahewalla udde wuṛṛu inauranna al᷊oangnge appattu metere; tampane su pentakku ngara pasallanganna, samba'an dal᷊umme, eteudde apan aranianne ringannu Wal᷊e Mawu. Manga darandunga su wageangnge apan uasaruanna Wal᷊e Mawu, aappale satu metere.

YEHEZKIEL 40:11

Wua'udde esakka udde nanguukka al᷊al᷊akku lal᷊anna su ngara pasallanganna; annuma setenga metere, wuṛṛu lai al᷊alakku ngara udde lima metere.

YEHEZKIEL 40:13

Ana see esakka udde nanguukka wallattu darandungu liudde sambau wabbo'an pandariaganna naddatingngu darandungu wabbo'a pandiaganna su sambaane, eteudde 12,5 metere.

YEHEZKIEL 40:16

Su darandunga samba'a udde wuṛṛu darandunga uasara manga wabbo'a udde pia manga jandela maradio'a. Manga darandunga su wageangu lal᷊umme apan uasaruanna lal᷊anna, nilogaṛṛannu manga ukirannu alun palem.

YEHEZKIEL 40:29

Manga wabbo'a pandiaganne, wabbo'ane wahewalla, wuṛṛu manga darandungu lal᷊umme uasul᷊ungngu manga sasuttanna waine. Manga wabbo'a su sasuttanna indi lai pia manga jandelane. Lal᷊anna suttanna udde al᷊o'engnge 25 metere wuṛṛu al᷊alakke 12,5 metere.

YEHEZKIEL 40:38

Su rallakku liudde pia sambau wabbo'a nitamba su sasuttannu lal᷊ummu samba'a sawannakka. Wuassu wabbo'a pinanamba pia sambau ngara apan mattudda watukku panumbal᷊e wahewalla. Ete isudde niukkassa manga winatangnga olaanna sasamba itattambunna.