YEHEZKIEL 4:4 - WUKE SUSI WATTI'U AL᷊AL᷊USASSA

^4-5 Ana see lallowangke ual᷊engge watukku aiṛṛi, wuṛṛu i Ya'u sarun mangandangu pasasal᷊an balahannu Israel si'o. Al᷊annune 390 su allone i'o sarun lumallowangnga aroddi wuṛṛu uatataṛṛangngu asasusa ana waugu pasasal᷊an mangitou. Massalo i'o ual᷊allowangnga aroddi maola'a lambanga santonna ṛuumanna su Israel.

YEHEZKIEL 4:4 Referans Kwoze

IMAMATTA 16:22

Ambinga udde uaapiddu anambon dosan balahannu Israel su wageangngu leta'a mamara apan tawe atanaanna wuṛṛu i tou ṛinone ipallossa su wadda'a.

YEHEZKIEL 4:8

I'o sarun Ta'u ṛapusanna ma'oman sara tawe maawal᷊engngu wadangngu wuassu aiṛṛi watukku aikkatanna ara'e iawal᷊i'a maddatingngu pamamangalo udde masue.

REENGANNA 18:1

Mawu nabbisara si Harun, “I'o, manga anangngu wuṛṛu taumatan Lewi ṛinone mamasanna pangillul᷊eannu manga pasasal᷊a apan nariaddi su Rasang-Ku, arawe tumba'u i'o manga anangngu apan ṛinone mamasanna pangillul᷊eannu pasasal᷊a sulal᷊ummu manara manga imam.

IMAMATTA 10:17

“Anio sasamba ipangampunga rosa udde nianni yamiu su tampa apan susi? Sasamba udde lembon susi; Mawu nangonggolla si'o, tadea'u rosan taumatan Israel ampunganna.

1 PETRUS 2:24

Kristus sassane namasanna manga rosan kite su watangan-Ne roso su alu arussa, tadea'u i ite mapallosa wuassu taṛṛinon dosa, wuṛṛu mabbiakka tuttuṛṛuta apulun Duata. Ete manga lessan Kristus apan nangapia si yamiu.

IBRANI 9:28

Aroddi lai i Kristus tumba'u paassa tinantilla maola'a sasamba ipanubussa rosan anambon taumata. I Tou sarun dumanta apia su aruane, wal᷊ine manginsue hatton paddarosa, arawe manal᷊amatta manga taumata apan uaraṛṛaddo daranta-Ne.

MATIUS 8:17

Mawu Yesus na'ola'a sarangkanambone udde, wuṛṛu ringannu aroddi natipusse apa apan niwisara Nabi Yesaya, eteudde, “I Tou mamasanna asasusang kite wuṛṛu mapaapian radda'i ite.”

REENGANNA 14:34

I yamiu sarun mamasanna manga rosanu, appatu pul᷊o su tonnane al᷊annune; santonna ireengnga allo massallo wuassu appatu pul᷊o su allone apan ipappaatti yamiu ipamarikissa leta'a udde. I yamiu sarun maasingkatta erapa olangnge amungkangngu i Ya'u lumawangnga si yamiu!