YEHEZKIEL 39:4 - WUKE SUSI WATTI'U AL᷊AL᷊USASSA

⁴ Su puiddu manga wowonen Israel, i Gog suadio'a ringannu anambon tantarane wuṛṛu walahanna hawene sarun mate, wuṛṛu manga winal᷊unanni mangitou sarun Ta'u ionggolla su al᷊awo'u manu'u winalanganna wuṛṛu winatangnga mal᷊aṛṛaga iapa'inassa si mangitou.

YEHEZKIEL 39:4 Referans Kwoze

YEHEZKIEL 33:27

Waugu i Ya'u, Ruata apan biakka Mawu Apan Atanggaṛṛanne, manga taumata apan uatana'a su manga tuiddu soa udde sarun maten hal᷊ele. I mangitou apan uatana'a su manga wadda'a sarun inasannu winatangnga mal᷊aṛṛaga. I mangitou apan uaimbuni su manga wowone wuṛṛu manga loṛṛangnga sarun mate ana waugu al᷊aṛṛusa'itta.

YEHEZKIEL 38:21

Ana see i Gog Ta'u enggenanna rinangnu al᷊awo'u asasilaka. I Ya'u, Mawu Apan Atanggaṛṛanne buatte nabbisara. Tantarane sarun mapapangalo ringannu hal᷊ele mangitou.

YEHEZKIEL 29:5

Wua'udde i'o wuṛṛu al᷊awo'u inassa udde Ta'u ituntungnga su wadda'u anne. Wadangngu sarun mawantingnga su leta'a wuṛṛu tumal᷊allada isudde. Tawe sarang sangkatou apan mallabingu. Wadangngu sarun Ta'u ionggolla su manga manu'u winalanganna wuṛṛu manga winatangnga waine iapa'inassa.

YEREMIA 15:3

I Ya'u, Mawu, buatte nanantunna manungku appatta ṛuumanna apan ma'ata'utta sarun mariaddi si mangitou: i mangitou sarun mate sulal᷊ummu pangalo, winal᷊unanni mangitou sarun wol᷊engannu asu, inasannu manu'u winalanganna, wuṛṛu insueannu winatangnga mal᷊aṛṛaga.

YESAYA 14:24

Mawu Apan Lembontaṛṛino nassalu: “Apan buatte Ta'u nihol᷊aga sarun matipussa.

YESAYA 14:25

Taumatan Asyur su Israel wanua-U, sarun Ta'u pateanna, wuṛṛu apan uatana'a su manga wowone sarun Ta'u ṛindanna. I Ya'u sarun mamallossu pabbawala-U wuassu patataṛṛuallanga wuṛṛu wuassu winabbawa apan iwabbata'i mangitou ṛatangannu taumatan Asyur.

YEREMIA 25:33

Su allo udde winal᷊unannu manga taumata apan nipate Mawu uatal᷊eṛṛongnga su ahewallu runia. I mangitou tawe luaianna, tawe lai wengketanna ilabbinga, arawe iwala aroddi su leta'a ere sapadda ua'ombo.

YEHEZKIEL 35:8

Manga wowone sarun Ta'u omboannu manga winal᷊unannu, wuidda wuṛṛu wawal᷊anne sarun Ta'u peneannu sol᷊en pangalo.

YEHEZKIEL 39:5

Manga tantara udde sarun mawantingnga wuṛṛu nate su manga wawail᷊anna. I Ya'u, Mawu Apan Atanggaṛṛanne buatte nabbisara.

NAHUM 3:3

Tantara uasa'e awal᷊o mammangalo ringannu ikkatta mapia, hal᷊ele lukkenggamma wuṛṛu sambeangnga sussawallo. Taumata apan nate tawe iareengnga, winal᷊unanni mangitou sangkomboanna, na'oman sara taumata mangke mattara.