YEHEZKIEL 39:23 - WUKE SUSI WATTI'U AL᷊AL᷊USASSA

²³ Wuṛṛu anambon balahanna sarun maatutukka manungku taumatan Israel nirolokka su pamuanganna ana waugu rosa mangitou su saruang-Ku. I mangitou Ta'u nitantangnga wuṛṛu Ta'u niwala niawaddo manga seetta wuṛṛu nipate sulal᷊ummu pangalo.

YEHEZKIEL 39:23 Referans Kwoze

YESAYA 59:2

Ana waugu ete al᷊al᷊eonu i Tou tawe maddaringikka sutempo i yamiu umal᷊iomanna si Tou. Ete manga rosanu apan nakkaen kamiu wuassu Ruata.

YESAYA 1:15

Amungkangngu i yamiu mamatten limanu waugu umal᷊iomanna, i Ya'u maddiri maddaringikka. Tawe pandumme sangkurate anambone aal᷊iomannu, i Ya'u maddirite maddaringikka, ana waugu ringannu limanu udde i yamiu manambote namate.

YEHEZKIEL 39:29

I Ya'u mallal᷊innu Ghaṛṛaho-U su walahannu Israel, wuṛṛu tawe manantangngi mangitou apia. I Ya'u, Mawu Apan Atanggaṛṛanne buatte nabbisara.”

YESAYA 42:24

Isaite apan nanantillu Israel iapaaṛṛo? Wal᷊inewe Mawu udde sassane? Ete su saruanni Tou i ite ma'ola'a rosa, i ite tawe mabbiakka tumuṛṛuttu parenta-Ne, wuṛṛu tawe maddaringikka al᷊aṛṛang-Ne.

TAHIUL᷊E 32:30

Ereapa wotongnge sangkatou ma'aenggenna saṛṛiwu su atoune, wuṛṛu ruan katou maaola'a mapul᷊o ṛiwu su atoune tumal᷊angnga? Mawu, Ruata mangitou, buatte nabbal᷊u'i mangitou; i mangitou tinantangken Duata apan matohassa.

TAHIUL᷊E 32:20

Wisara-Ne, ‘I Ya'u maddirite mantul᷊ungngi mangitou apia; walate Ta'u ellehanna tanne ereapa panginsueanni mangitou. Ana waugu walahanna udde maatikka puane wuṛṛu mangke tawe tumuṛṛutta.

IMAMATTA 26:25

I Ya'u sarun mandantan pangalo su pattangngannu ipakkuumanni yamiu ana waugu i yamiu buatte nilumawanga pa'aire-U si yamiu. Wuṛṛu amungkangngu i yamiu ma'ammula su soanu maddea'a pattillummanna, i Ya'u sarun mandantan radda'a apan tawe iapapia, na'oman sara i yamiu sarun manantilu watangannu su seennu.

YEHEZKIEL 36:36

Ne manga walahanna al᷊indonganne apan ta'e isudde sarun maasingkatta manungku i Ya'u, Mawu, buatte napararisikku apia manga soa apan naṛṛimunsa'e, wuṛṛu nammanara apia manga wawail᷊anna apan nal᷊ol᷊okke. I Ya'u, Mawu, buatte nabbisara wuṛṛu atonna sarun ma'ola'a udde.”

LAL᷊ALLU 1:8

Yerusalem malluhudda watanganne sassane ringannu ma'ola'a manambo rosa apan maarantinna. Sarangkanambone apan dorone mangngaddatta si tou, orassa indi mangngal᷊uandaga ana waugu naasilo uatantol᷊ene. I tou sussal᷊iomanna, ana waugu inawul᷊ianten hatine.

YEREMIA 33:5

tawe gunane lumawangnga taumatan Babel, ana waugu olangnge udde tumba'u ma'ola'a soa indi mapenen binal᷊unannu manga taumata apan nipate-U sulal᷊ummu asasa'u wuṛṛu araṛṛagi-U si mangitou. I Ya'u maddirite lai ma'ellega soa indi ana waugu taumatane buatte na'ola'a al᷊al᷊eo.

YESAYA 64:7

Taweddu niumal᷊iomanna Si'o, ara'e maddorongnga a'ontolla Si'o, ana waugu I'o mammunin hati-Nu si yami, wuṛṛu namalang kami pappateannu rosang kami.

YESAYA 8:17

Mawu buatte namunin batangan-Ne wuassu pallaṛṛiten Yakub, uman-Ne, arawe i ya'u mangngimanna wuṛṛu uaantimma si Tou.

DARALO 106:41

Ne i Tou nanantilli mangitou su manga walahanna, niwala-Ne i mangitou tataṛṛinoannu seetta.

DARALO 30:7

Sutempo naapendama langnganna, i ya'u nabbisara, “I ya'u sarun tawe iawaddo!”

DARALO 10:1

Anio I'o marau, oh Mawu wuṛṛu na'imbuni sutempo i yami sulal᷊ummu asasusa?

MAL᷊AṚṚUUNGNGA 3:8

Ne Mawu nasa'u su taumatan Israel, wuṛṛu namalan mangitou niwaddon Ratu Kusyan-Risyataim wuassu Mesopotamia. Ual᷊u tonna al᷊annune ratu udde uaparenta si mangitou.

YEREMIA 44:22

Mawu tate maataṛṛangnga lai ma'ellega si yamiu mangngonggollu sasamba su manga mawu waine. Pallal᷊agunu udde lal᷊eo maarantinna. I yamiu narosa su lantakku hati Mawu wuṛṛu tawe tumuṛṛutta manga parenta-Ne. Ana waugu udde orassa indi lai wanuanu naṛṛimunsa'e na'oman sara tate atanaanna apia, wuṛṛu aranne iapaatta maola'a wawontoga. Taumata apan naasilo naapendamma atata'utta.”

YEHEZKIEL 7:22

I Ya'u tawe mangambangnga napawe Wal᷊e-U nihohakka wuṛṛu niluhurannu manga mangangaṛṛo udde.

YEHEZKIEL 20:27

Ne, taumata apan mattate, wal᷊oa'a su taumatan Israel, apa apan i Ya'u Mawu Apan Atanggaṛṛanne mabbal᷊o si mangitou: Indi sonto waine apan mapal᷊iatta'a ereapa iupungngu al᷊amonanu nangal᷊uandaga si Ya'u wuṛṛu tawe satia si Ya'u.

EZRA 9:7

Ro'en sutempo al᷊amonan kami naddatingngu orassa indi, i yami uman-Nu tumaniten marosa Si'o. Ana waugu udde i yami buatte niawaddon manga ratun banua waine. I yami nipate, nipangaṛṛoanna wuṛṛu niapidda maola'a tawananna. I yami mangke nilobbossa, ere su olangnge allo indi.