YEHEZKIEL 39:10 - WUKE SUSI WATTI'U AL᷊AL᷊USASSA

¹⁰ Nariaddi i mangitou salaiwe lasa'e mangammulu alu papputunganna su wawail᷊anna ara'e manuwangnga alu su mahurangnge, ana waugu manga lutangnga apan nitantanga udde tumaniten manambo maola'a alu papputunganna. I mangitou sarun mangaṛṛo wuṛṛu maṛṛampassa darotongngu manga taumata apan buatte nangaṛṛo wuṛṛu naṛṛampassa darotongngi mangitou. I Ya'u, Mawu Apan Atanggaṛṛanne buatte nabbisara.”

YEHEZKIEL 39:10 Referans Kwoze

YESAYA 33:1

Nasilakate manga seetti ite! I mangitou makkampassa salaiwe i mangitou tawe nipakkampassanna, wuṛṛu mandal᷊eo salaiwe tawe nilal᷊eo. Arawe napawe buatte nakkampassa wuṛṛu nandal᷊eo, i mangitou sarun mabbal᷊i sal᷊em pallaṛṛampassa wuṛṛu pandalal᷊eo.

YESAYA 14:2

Manambo pabbawlaga apan mantul᷊ungngu walahannu Israel mabelengnga su wanua apan nionggollu Mawu si mangitou, wuṛṛu poiaroddi manga walahanna udde mattaṛṛuallangnga su Israel. Israel sarun manawanna manga taumata apan buatte nanawanna si mangitou wuṛṛu mamarenta manga taumata apan buatte nangallangnga si mangitou.

MIKHA 5:8

Israel sarun mamaddon manga seenne see makkimunsa'a si mangitou sarangkanambone.

SONDAPPA 18:6

Ola'awe i tou su ereapa i tou suete na'ola'a si yamiu; wal᷊isete i tou paarua wuassu anambon pallal᷊agu apan suete niolangnge. Loṛṛoi mangkone ringannu ua'e inumanna apan paarua maattiṛṛana wuassu ua'e inumanna apan nasaddiate iapa'inumma si yamiu.

SONDAPPA 13:10

“Taumata apan ṛinone iṛṛuumanna, atonna i tou sarun iṛṛuumanna. Wuṛṛu taumata apan ṛinone pateannu hal᷊ele, atonna i tou sarun pateannu hal᷊ele. Ana waugu udde walahannu Ruata ṛinone matammuda wuṛṛu matuṛṛuta.”

MATIUS 7:2

Ana waugu su ereapa i yamiu maṛṛuungngu taumata waine, aroddi lai Ruata sarun maṛṛuungngi yamiu. Wuṛṛu uuṛṛanna apan ipanguukki yamiu su taumata waine sarun ipanguukku Ruata lai si yamiu.

HABAKUK 3:8

Oh Mawu, ana wauge ete tahal᷊oangnga I'o nasa'u? Ete manga sal᷊ukka apan naaola'a Si'o mandona? I'o sinuma'e winabbawa naola'a awal᷊o wuṛṛu keretan pangalo, sutempo uman-Nu nionggol᷊a-Nu auntunganna.

HABAKUK 2:8

I'o buatte nangaṛṛo manambo walahanna, arawe manga walahanna apan naal᷊assangnga sarun mangaṛṛo si'o, ana waugu pamamate apan buatte niolangngu, wuṛṛu ana waugu araṛṛagissa apan buatte niolangngu su manga wanua, manga soa wuṛṛu tumanangnge.

SASABANGNGA 12:36

Mawu na'ola'a naungngu taumata Mesir masaṛṛionto'a su taumatan Israel, na'oman sara i mangitou nangonggolu al᷊awo'a apan raddorongannu taumatan Israel. Ringannu olangnge udde taumatan Israel nangapiddu pa'a'alan taumata Mesir sinumabbangnga wuassu wanua udde.

SASABANGNGA 3:22

Suapan wawinen Israel sarun madorongnga su al᷊indonganne taumata Mesir wuṛṛu wuassu wawinen Mesir apan uatana'a su wal᷊en sambau, laubba see lai lal᷊ogakka sal᷊a'a wuṛṛu wul᷊awanna. Udde sarun iluṛṛeng kamiu su manga anangngu. Ringannu olangnge aroddi yamiu sarun mangaṛṛo taumata Mesir.”

YEHEZKIEL 39:11

Mawu nabbisara, “Napawe sarangkanambone udde nariaddite, i Ya'u sarun mangonggolla si Gog leta'a pallabinganna su Israel, su Wawal᷊annu Pamareanna apan addone su samba'an ra'i wuassu Tahal᷊oangnga Nate. Ete isudde i Gog wuṛṛu anambon tantarane ilabbinga, wuṛṛu wawal᷊anne udde sarun isaggo ‘Wawal᷊annu Tantaran Gog’.

ZAKARIA 14:14

Manga esakka su Yehuda sarun mapapangalo manahekku Yerusalem. Maola'a ere saranapa niaaṛṛo i mangitou sarun manganu anambon darotongngu manga walahanna su al᷊indonganne ere inai wul᷊awanna, sal᷊a'a wuṛṛu laubba mangke ua'ombo.