YEHEZKIEL 38:22 - WUKE SUSI WATTI'U AL᷊AL᷊USASSA

²² I tou sarun Ta'u iṛṛuumanna ringannu al᷊aṛṛusa'itta wuṛṛu uapapate. Uranna masassaga wuṛṛu uranna eisse, putungnga wuṛṛu beleranga sarun Ta'u iwoso si tou wuṛṛu tantarane wuṛṛu su anambon balahanna apan buatte naammulli tou.

YEHEZKIEL 38:22 Referans Kwoze

SONDAPPA 16:21

Uranna eisse apan wahewa, sambau-sambau awakkane limam pul᷊o su kilone, nanawo wuassu langitta nangema'a manga taumata. Ne i mangitou namontoga Ruata ana waugu asasusan uranna eisse apan wahewalla udde.

DARALO 11:6

Taumata lal᷊eo niṛṛuuman-Ne ringannu asasilaka, ringannu putungnga, mal᷊elanga wuṛṛu anginna apan maaepodda.

YEHEZKIEL 13:11

Ei, manga nabi awusu, tanda'a sarun maṛṛa'a. I Ya'u manosokku uranna masassaga. Tanda'a udde sarun tiupannu anginna wuṛṛu aṛṛiaannu uranna eisse

YEREMIA 25:31

Naddatingngu pentakku runia tingik-Ke nunnalunna; Mawu na'ola'a hatto su saruannu manga walahanna. Anambon taumata sarun parikisanna wuṛṛu iapa lal᷊eo sarun iṛṛuumanna pateanna.’ ”

YESAYA 66:16

Ana waugu anambon taumata apan niasangkal᷊anna nassal᷊a sarun iṛṛuuman-Ne ringannu putungnga wuṛṛu hal᷊ele, wuṛṛu manambote apan niṛṛuumanna pateanna.

YESAYA 28:17

Atatul᷊idda Ta'u olaanna tal᷊i auukka, wuṛṛu apapia Ta'u olaanna tal᷊in passaranna.” Uranna watu sarun mamaresi anambon bawahia apan pangngartimanna ara'e ia'asakki yamiu. Manawangnga sarun mangonoddu tampa pa'imbuniannu.

YEHEZKIEL 5:17

Wal᷊ine wuassu silaka al᷊aṛṛutumma sarun Ta'u iaparanta lai al᷊aṛṛusa'itta, araṛṛagissa wuṛṛu pangalo ipamate tumanangngu, wuṛṛu manga winatangnga mal᷊aṛṛaga iapapate manga ana'i mangitou. I Ya'u, Mawu, buatte nabbisara.”

YESAYA 29:6

Mawu Apan Lembontaṛṛino sarun mamallossu soa udde ringannu anginna ma'ikkatta wuṛṛu linukka apan masaddata. I Tou sarun mandatan anginna al᷊isusu wuṛṛu putungnga apan mangngepodda.

YOSUA 10:11

Su tempo manga taumatan Amori tantal᷊anna sussossokka su sendakku wowone udde ana waugu tul᷊angngu watanganne wuassu tantaran Israel, Mawu nanossoku uranna eisse apan wahahewalla wuassu langitta si mangitou su al᷊o'engngu lal᷊anna naddatingngu Azeka. Ingana'a nate naemaannu uranna eisse udde mannamboanna wuassu nipaten taumatan Israel.

PANDARIADDI 19:24

Inaṛṛombanganne Mawu nanossokku uranna belerangnga pia putungnge su Sodom wuṛṛu Gomora.

MATIUS 7:27

Su tempo nanguranna wuṛṛu nammanawangnga lapiddu anginna ma'ikkatta tinumiuppa su wal᷊e udde, wal᷊e udde naṛṛa'a. Wuṛṛu ahahohakke wahewalla atonna!”

SONDAPPA 8:7

Mala'ekatta paarorone nattiuppe trompeti tou, ne uranna eisse wuṛṛu putungnga lal᷊o'annu ṛaṛṛa nangansala su runia. Sepertiga wuassu runia nasue natutungnga; aroddi lai sepertiga wuassu manga aaluanna, wuṛṛu al᷊awo'u nannal᷊o apan ma'elomma.

SONDAPPA 14:10

taumata udde sarun ma'inumma anggore wuassu Ruata, eteudde anggoru asasa'u-Ne apan suete nilal᷊inni Tou sulal᷊ummu tampane, apan tawe nihaingnga sarang kadio'a! Anambon taumata udde sarun sansaranna sulal᷊ummu putungnga wuṛṛu belerangnga su saruannu manga mala'ekatta susi wuṛṛu su saruannu Ana'u Domba udde.

SONDAPPA 20:9

Ne i mangitou nassal᷊iawukke su ahewallu runia, see nattalliwunte atatana'annu al᷊aṛṛana'u Ruata wuṛṛu soa arangnguannu Ruata. Arawe putungnga nonto'a wuassu langitta wuṛṛu namate si mangitou.

YESAYA 34:3

Manga winal᷊unanni mangitou sarun tawe ilabbinga, arawe iwalate aroddi mawukku'a wuṛṛu mahal᷊uru. Manga wowone sarun masa'u ana waugu nielleṛṛannu daṛṛa mangitou.

YEHEZKIEL 28:23

I Ya'u sarun mandantan al᷊aṛṛusa'itta, wuṛṛu mamalan daṛṛa mangngelekka su manga lal᷊annu. I'o sarun pangaloannu seetta wuassu al᷊awo'u pappi'uanne, wuṛṛu tumanangngu sarun pateanna. Ne i'o masingkatte manungku ete i Ya'u Mawu.’ ”

YEHEZKIEL 39:6

I Ya'u sarun mandatan soṛṛobba su leta'u Magog wuṛṛu su manga apanne, suapa tumanangnge mabbiakka ringannu matammuda. Ne i mangitou sarangkanambone masingkatte manungku ete i Ya'u Mawu.

YOEL 3:2

Anambon walahanna sarun Ta'u iammulla wuṛṛu Ta'u iapidda watukku Wawal᷊annu Pakkuunganna. Ana see i mangitou Ta'u parikisana isudde wuassu al᷊al᷊eone su saruannu uma-U ana waugu i mangitou buatte nattahia leta'u Israel wuṛṛu uma-U niwuangngi mangitou watukku al᷊awo'u wanua.