YEHEZKIEL 38:13 - WUKE SUSI WATTI'U AL᷊AL᷊USASSA

¹³ Tumana'u Syeba wuṛṛu Dedan see manga mabbawal᷊u'a su manga wanuan Spanyol sarun maiwal᷊o si yamiu arendi, ‘Apa i'o sarun mandolokku tantaranu tumba'u ipangaṛṛo wuṛṛu maṛṛampassa wul᷊awanna sal᷊a'a, winatangnga wuṛṛu darotongnga, see maṛṛoota sarangkanambone udde?’ ”

YEHEZKIEL 38:13 Referans Kwoze

YEHEZKIEL 27:15

Tumana'u Rodus nabbal᷊u'a lai ringannu wuṛṛu tumana'u leta'u apanne namalli manga saranapa wal᷊u'annu ringannu gadingnga wuṛṛu watul᷊ine.

YEHEZKIEL 32:2

“Ei taumata apan mattate, onggol᷊e'on tatagu apan maṛṛagissa su ratu Mesir. Wal᷊oa'e tanata-U indi si tou, ‘I'o nattanno ere singa parangganga suwallattu manga walahanna, arawe i'o naal᷊ihidda wuala apan mannalangnga sulal᷊ummu ua'e. Leddanu mallabukka wuṛṛu mannapadda al᷊awo'u sal᷊ukka.

YEHEZKIEL 27:25

Saranapa wal᷊u'annu niapiddu wuntuannu apallu ragangnga apan wahahewalla. I'o naal᷊ihidda apalla apan mawakkatta luranne, apalla apan mammare laudda.

YEHEZKIEL 27:20

Tumana'u Dedan namaekka manga saranapanu ringannu manga mal᷊aṛṛenessa apampakku manga aiananna su awal᷊o.

YEHEZKIEL 27:12

I'o mabbal᷊u'u manga saranapa wal᷊u'annu apan manambo-nambo watukku Spanyol, wuṛṛu maola'a wawaekke i'o nanengkamma sal᷊a'a, atta'a, timah mawira wuṛṛu timah ma'itumma.

YEHEZKIEL 25:13

Ana waugu udde i Ya'u mangal᷊iata manungku i Ya'u sarun makkuumannu Edom wuṛṛu mamate suapan taumata wuṛṛu suapan binatangnga poiaroddi. Ahewallu wanua udde, wuassu soa Teman maddatingngu soan Dedan, Ta'u olaanna mal᷊annabba; tumanangnge sarun mate sulal᷊ummu pangalo.

YEREMIA 51:38

Taumatan Babel mammansinga ere singa, wuṛṛu mammansaga ere ana'u singa.

YESAYA 10:6

I Ya'u nandolokku Asyur niapapangalo pabbawala-U apan massinaadda wuṛṛu ma'ola'a si Ya'u nasa'u. I Ya'u nanddolokku Asyur iapaaṛṛo wuṛṛu iapata'o se'e iapaṛṛinda pabbawala-Ku ere awu su lal᷊anna.”

ZAKARIA 11:3

Paddaringikke lal᷊uai manga tembonanne nawul᷊ite awawantugi mangitou! Paddaringikke wawassingngu manga singa su mahurangnge; ana waugu nahohakke atatanaanni mangitou su al᷊o'engngu Sal᷊ukku Yordan.

YEREMIA 50:17

Mawu nabbisara, “Taumatan Israel ere ammul᷊annu domba apan a'enggenanna wuṛṛu nisal᷊iawukku singa. Paarorone i mangitou nipangaloannu ratun Asyur, wua'udde i Nebukadnezar ratun Babel nallaso'a manga duṛṛi mangitou.

YEREMIA 15:13

Mawu nabbisara si ya'u, “I Ya'u sarun mandolokku seetta iapaṛṛootta pa'aala wuṛṛu darotongngu uma-U maola'a ṛuumanna su manga rosan mangitou su ahewallu wanua.

DARALO 57:4

Wuassu surga i Tou sinumimbakka wuṛṛu nanal᷊amatta si ya'u; i Tou namaddon manga taumata apan mangngallanga si ya'u. I Tou sarun mapal᷊iatta'a manungku i Tou ual᷊ua'adda si ya'u, wuṛṛu sidutu marangngu si ya'u.

YOEL 3:8

Manga umbasanna maṛṛualanu sarun Ta'u iwal᷊u'a su tumana'u Yehuda, apan sarun mabbal᷊ungnge apia su Syeba, wanua apan marau. I Ya'u Mawu, buatte nabbisara.