YEHEZKIEL 38:10 - WUKE SUSI WATTI'U AL᷊AL᷊USASSA

¹⁰ Mawu Apan Atanggaṛṛanne nabbisara si Gog, “Sutempo udde i'o sarun mangatokku ṛiinnu apan dal᷊eo.

YEHEZKIEL 38:10 Referans Kwoze

MIKHA 2:1

Nasilakate manga taumata apan manggolagu al᷊al᷊eo tantal᷊anna ual᷊allowangnga su tampan tatiil᷊anna sutempo ṛabbi, ana see niola'a sutempo marua allo ana waugu i mangitou pia atatohassa ipa'ola'a udde.

DARALO 36:4

Manga wisarane lal᷊eo wuṛṛu napenen wawahia, i tou tate lai ma'ola'a apapia wuṛṛu apapande.

1 KORINTUS 4:5

Ana waugu udde, amungkangu taambe tempone, arie i yamiu mal᷊iha-l᷊ihakka manantunna manungku sangkatou nassal᷊a ara'e tawe. Paṛṛadote Ruata rumanta. Ete i Tou sarun mamu'a al᷊awo'u addapingnga apan uawuni sulal᷊ummu ararandumma. Ete i Tou apan mamongkakku anambon pandumanna apan uawuni sulal᷊ummu naungngu taumata. Su tempo udde suapan taumata wakkute udde maasengkamma daralo wuassu Ruata apan wotongnge sengkamanni tou.

WATTI'U MANGA RASUL 8:22

Ana waugu udde tantanga'e pandumannu apan lal᷊eo udde, wuṛṛu padorongke su Mawu tadea'u i Tou mangampungnga ṛingiṛṛannu apan lal᷊eo udde!

WATTI'U MANGA RASUL 5:9

See i Petrus nabbisara si tou, “Anio i'o wuṛṛu awingngu na'ire mannal᷊u'atta Ghaṛṛahon Ruata? Padaringika! Manga taumata apan nallabingngu awingngu nabelengke. I mangitou sarun mangapiddu lai su liudde.”

WATTI'U MANGA RASUL 5:3

Ne i Petrus nabbisara si tou, “Ananias, anio i'o namalan Setanna namiaṛṛa'u naungngu, na'oman sara i'o nangawusu Ghaṛṛahon Ruata, ringannu mal᷊anna-l᷊annaba nama'ungnga roitta ipaannu sassane sambageanganna roitta la'unnu leta'a udde?

YOHANES 13:2

Mawu Yesus wuṛṛu manga mallal᷊aṛṛenggen-Ne tantal᷊anna u'anna annu ṛabbi. Setanna suete napaasuttam pandumanne sulal᷊ummu naungngi Yudas ana'i Simon Iskariot ipamate Mawu Yesus.

MARKUS 7:21

Ana waugu wuassu lal᷊umme eteudde wuassu lal᷊ummu naungnga, sumabangnga ṛingiṛṛanna lal᷊eo apan panginsueanne taumata ma'ola'a al᷊al᷊eo, manna'ote, mammate,

YESAYA 10:7

Arawe ratun Asyur pia gol᷊age sassane. I tou mappandumma mappaattu araṛṛagissa ipamate manambo walahanna.

AMSAL 19:21

Taumata pia manambo ṛiinna, arawe tumba'u laṛṛawessu Mawu apan maola'a.

AMSAL 12:2

Taumata mapia arangnguannu Mawu, arawe taumata apan makkiinnu al᷊al᷊eo sarun iṛṛuumanna.

AMSAL 6:14

Ṛingiranne apan mawukku'a napenen ṛiinna lal᷊eo wuṛṛu mamonsen patatiakka su al᷊awo'u tampa.

DARALO 139:2

I'o masingkattu al᷊awo'u inolaangku; wuassu marau I'o maasunna ṛingirangku.

YEHEZKIEL 11:5

Wua'udde Ghaṛṛahon Mawu nangooppa si ya'u, wuṛṛu i ya'u nirolokku Mawu iapawisara su taumatan Israel, “Ei walahannu Israel, i Ya'u masingkatta apa apan iwabbisaran kamiu wuṛṛu ihaagolagi yamiu.