YEHEZKIEL 37:26 - WUKE SUSI WATTI'U AL᷊AL᷊USASSA

²⁶ I Ya'u sarun makkiinnu sambau pa'aire ringanni mangitou apan manohassa atatammudi mangitou saran mal᷊annu-l᷊annu. I Ya'u sarun mangal᷊amatta wuṛṛu manamba reenganni mangitou. Su leta'i mangitou sarun Ta'u iapararisikka Wal᷊e-U apan sidutu poiaroddi saran mal᷊annu-l᷊annu.

YEHEZKIEL 37:26 Referans Kwoze

YESAYA 55:3

Paddaringikke, ei pabbawala-U, rantate ringang-Ku, i yamiu sarun Ta'u onggol᷊annu wiakka tutune. Ringannu darangngu wuṛṛu tatuṛṛutta apan pina'ire-U si Daud, i Ya'u nangiittu riandi apan tawe auddusanne si yamiu.

YEHEZKIEL 34:25

I Ya'u sarun makkiinnu pa'aire ringanni mangitou, apan uariaga atatammudi mangitou. I Ya'u sarun mallimbuakka anambon binatangnga mal᷊aṛṛaga wuassu ahewallu wanua, ma'oman sara manga domba-Ku wotongnge matana'a ringannu matammuda su manga wadda'a wuṛṛu matiilla su manga mahurangnge.

YEREMIA 30:19

Tumanangnge sarun maddalo si Ya'u ringannu aantari, wuṛṛu u'ui ringannu al᷊al᷊uassa. I Ya'u na'ola'a si mangitou a'addatanna wuṛṛu tate al᷊uandahanna, wuṛṛu reenganni mangitou sidutu aatambanna.

YEHEZKIEL 43:7

“Ei taumata apan mattate, eteindi adderan araratuang-Ku. Ete isindi i Ya'u sarun matana'a su pattangngu umattu Israel wuṛṛu mamarenta si mangitou saran mal᷊annu-l᷊annu. Mawae ete i mangitou aroddi lai manga ratu mangitou, tate lai mandal᷊eo arang-Ku apan na'ukkassa ringannu massubba paal᷊uanna ara'e ringannu mallabingu winal᷊unannu manga ratu mangitou su tampa indi.

IBRANI 6:14

I Tou nabbisara, “I Ya'u ma'ire sarun mangal᷊amatta si'o wuṛṛu ma'ola'a walahannu mabbal᷊i manambo,”

2 KORINTUS 6:16

Apa sul᷊ungnge Wal᷊e Mawu wuṛṛu wal᷊em paal᷊uanna? I ite indi Wal᷊en Mawu, eteudde Ruata apan wiakka. Ruata sassane nabbisara, “I Ya'u sarun matana'a su pattangnganni mangitou, wuṛṛu mabbiakka suadio'a ringanni mangitou. I Ya'u sarun maola'a Ruata mangitou wuṛṛu i mangitou sarun maola'a al᷊aṛṛana-U.

YOHANES 14:27

Al᷊al᷊uassa Ta'u itantangnga si yamiu. Al᷊al᷊ua-U sassane apan Ta'u nionggolla si yamiu. Ta'u nionggolla udde wal᷊ine ere nionggolu runia indi si yamiu. Arie passinggawangnga, arie pa'ata'utta.

YEHEZKIEL 36:37

Mawu Apan Atanggaṛṛanne nabbisara, “Ei walahannu Israel, i yamiu Ta'u iwala apia maiontolla si Ya'u; i Ya'u sarun manimu reengannu ere ammul᷊annu domba.

YEHEZKIEL 16:62

I Ya'u sarun ma'ola'a pa'aire apan bakku ringannu. Ne i'o maasingkatte manungku ete i Ya'u Mawu.

YEREMIA 32:40

I Ya'u sarun ma'ola'a paaire apan tawe pattaal᷊anne ringanni mangitou. I Ya'u tawe mangillol᷊o ma'ola'a apapia si mangitou. I Ya'u sarun ma'ola'a si mangitou matta'utta wuṛṛu maaddatta si Ya'u ringannu ahewallu naungnga tadea'u i mangitou tawe mangindau-U.

2 SAMUEL 23:5

Aroddi lai papapulungku nial᷊amatannu Ruata, pa'aire-Ne si ya'u, tawe mawal᷊u, pa'aire-Ne udde mal᷊annu-l᷊annu wuṛṛu nasuungnga, mangke sidutu uaatokka su sarangkanambone. Ruata uariaga auntungangku wuṛṛu nangutungngu al᷊awo'u apulun naungku.

PANDARIADDI 17:7

I Ya'u sarun manipussa paaire-U si'o wuṛṛu su papapulunnu, uasasansunna, wuṛṛu paaire udde tawe panguddusanne. I Ya'u sarun maola'a Ruatanu wuṛṛu Ruatan papapulunnu.

ZAKARIA 2:5

Mawu buatte naddiandi manungku i Tou sassane sarun maola'a darandungnga putungnga apan uapal᷊iwutta soa udde tadea'u mallu'adda wuṛṛu i Tou sarun matana'a poiaroddi sulal᷊ummu al᷊awo'u taṛṛino wuṛṛu awawantu-Ne.”

YEHEZKIEL 36:10

I Ya'u sarun manamba reengannu uma-U Israel. I mangitou sarun matana'a su manga soa wuṛṛu mapararisikku apia al᷊awo'u winalal᷊anne.

YEHEZKIEL 11:16

Ana waugu udde, wal᷊oa'e tanata-U indi su manga hawenu sulal᷊ummu pamamuanganna, manungku ete i Ya'u apan mangapiddi mangitou marau-rau wuassu wallattu manga walahanna wuṛṛu manal᷊iawukki mangitou su manga wanua udde. Arawe tantal᷊anna i mangitou poiaroddi, i ya'u sarun uarundinganna si mangitou.

DARALO 68:18

Ringannu su mapul᷊o ṛiwune kereta apan matohassa Ruata nirumanta suwallati mangitou sulal᷊ummu awawantu-Ge.

YEREMIA 31:27

I Ya'u, Mawu, mabbisara manungku sarun a'omanna tempone wanua Israel wuṛṛu Yehuda Ta'u peneannu taumata wuṛṛu winatangnga.

YESAYA 49:21

Ne i'o sarun mabbisara sulal᷊ummu naungnga, ‘Isaite apan nanungkangngu manga ana'a udde si ya'u? Wal᷊inewe i ya'u buatte niawul᷊iannu manga ana'u, wuṛṛu tate mapanungkangnga apia? I ya'u niapidda sulal᷊ummu pamamuanganna wuṛṛu niṛṛae wuṛṛu nitantangnga sassane. Nariaddi wuassuapa manga ana'a udde, wuṛṛu isaite apan nabbuwunna si mangitou?’ ”

YESAYA 27:6

Sutempo apan addantane, walahannu Israel naal᷊ihidda punnu alu apan nakkamutta wuṛṛu nabbalaga, see namene runia ringannu manga wuane.

REENGANNA 25:12

Nariaddi wal᷊oa'a si Pinehas manungku i Ya'u ma'ola'a sambau pa'aire ringanni tou.

YEREMIA 31:31

Mawu nabbisara, “Sarun a'omanna tempone i Ya'u ma'ola'a pa'aire apan bakku ringannu umattu Israel wuṛṛu Yehuda.

YEHEZKIEL 16:60

Arawe i Ya'u sarun mannaungnga pa'aire apan buatte Ta'u niola'a ringannu sutempo i'o ta'e dario'a wuṛṛu ma'ola'a paaire ringannu apan ola'anna saran mal᷊annu-l᷊annu.

YEHEZKIEL 20:37

I yamiu sarun Ta'u olaanna ringannu maṛṛagissa tadea'u i yamiu tumuṛṛutta pa'aire-U.

YEHEZKIEL 20:40

Ana waugu udde su leta'u Israel, su puiddu wowone-U apan na'ukkassa, i yamiu sarangkanambone walahannu Israel sarun massubba si Ya'u. Poiaroddi i Ya'u saru mal᷊uassa wuṛṛu mappulute manengkamma sasambanu, manga aonggolla apan apianne wuṛṛu manga darangngunu apan uaṛṛaete.

YEHEZKIEL 36:11

Tumanangnge wuṛṛu winatangngu sarun Ta'u tambanna, ma'oman sara mabbal᷊i manambo, mannamboanna wuassu paarorone, wuṛṛu i mangitou sarun ṛumana'a mappulunna manambo. I mangitou sarun mabbiakka poiaroddi ere paarorone wuṛṛu Ta'u olaanna ala, ere lai taambe saran paassa niapendamanni yamiu. Ne i yamiu masingkatte manungku ete i Ya'u Mawu.

YEHEZKIEL 43:9

Arawe manattakka orassa insi mangitou ṛinone mangillol᷊o massubba paal᷊uanna wuṛṛu mangingkattu manga winal᷊unannu manga ratu mangitou. Wua'udde, i Ya'u sarun matana'a su pattangnganni mangitou saran mal᷊annu-l᷊annu.”

ZEFANYA 3:15

Ana waugu Mawu nangillol᷊ote makkuumanni yamiu; i Tou buatte nallimbuakka al᷊awo'u seennu. I yamiu lal᷊u'arannu ratun Israel, Mawunu sassane. Orassa indi i yamiu ariete mata'utta apia.

PANDARIADDI 9:16

Napawe randipakka asiloanna su winabbawa, i Ya'u sarun ma'ellega wuṛṛu mannaungnga paaire-U sarangkal᷊o'enge ringannu al᷊awo'u riadianna wiakka su runia.

SASABANGNGA 15:17

Ana see Israel niuntudda watukku tampa apan buatte nipile-Nu maola'a atatanaan-Nu. I mangitou namanua su wuiddu Mawu apan susi, su Wal᷊en apan buatte niolang-Ngu sassane.

SASABANGNGA 25:8

Doloṛṛa'e walahanna udde ma'ola'a rasang-Ku, tadea'u i Ya'u wotongnge matana'a suadio'a ringanni mangitou.

YEHEZKIEL 48:35

Ahewallu darandunga udde al᷊o'engnge si'o kilometere. Wuṛṛu manatakka orassa indi taumata nanagon soa udde: “PIA Mawu ISUDDE!”