YEHEZKIEL 37:22 - WUKE SUSI WATTI'U AL᷊AL᷊USASSA

²² I mangitou sarun Ta'u olaanna sambau walahanna su leta'a udde, su panenteannu Israel. I mangitou sarun parentannu sangkatou ratu, wuṛṛu tate matahia maola'a darua walahanna ara'e araratuanna.

YEHEZKIEL 37:22 Referans Kwoze

YEHEZKIEL 37:24

I mangitou sarun i'aukka su al᷊ungngu sangkatou ratu ere i Ratu Daud apan sarun mamarenta saran mal᷊annu-l᷊annu. Ringannu satia i mangitou sarun tumuṛṛutta manga tita-U. Wuṛṛu saran mal᷊annu-l᷊annu i mangitou see papapulunni mangitou sarun mamanua su leta'a udde, leta'a apan Ta'u nionggolla si Yakub wuṛṛu niwanuannu iupungngu al᷊amona mangitou.

YEREMIA 50:4

Mawu nabbisara, “Sutempo udde taumatan Israel sarun dumanta suadio'a ringannu lulluai, maddea'a si Ya'u, Ruata mangitou.

YEREMIA 3:18

Israel sarun ma'aukku Yehuda, wuṛṛu su sampunna rumanta wuassu wanua pinamuanganna su samba'an sawannakka. I mangitou sarun mabbelengnga su wanua apan buatte Ta'u nionggolla maola'a leta'a pussa'an al᷊amonanu.”

HOSEA 1:11

Walahannu Yehuda i wuṛṛu walahannu Israel sarun iapaaukka apia. I mangitou sarun manenegu sangkatou piaṛṛa'a, wuṛṛu i mangitou sarun maṛṛite wuṛṛu su lal᷊umanna'a su wanuan mangitou. Atonna, allon Yizreel sarun maola'a allo apan wahewalla!

SONDAPPA 11:15

See mala'ekatta appitune nattiuppe trompeti tou, ne su surga niaṛṛingiṛṛante manga tingikka ma'ikkatta apan mabbisara, “Taṛṛino ipamarenta runia orassa indi sulal᷊ummu lima Mawung kite wuṛṛu Ratum Punnu Sal᷊amatta apan suete pina'ire-Ne. I Tou sarun mamarenta saran mal᷊annu-l᷊annu!”

YOHANES 10:16

Ta'e pia manga domba waine lai apan tatahuanang-Ku, arawe tawe nareengnga sulal᷊ummu wageangngu domba indi. I mangitou lai ṛinone Ta'u iapidda wuṛṛu i mangitou sarun madaringikka tingi-U. I mangitou sarangkanambone sarun maola'a ammul᷊anna sambau ringannu mallal᷊u'adde sangkatou.

YEREMIA 33:26

aroddi lai Ya'u sarun sidutu uaaggassa pa'aire-U ringannu papulunni Yakub wuṛṛu ringannu allang-Ku Daud. Sangkatou wuassu papapulunni Daud sarun Ta'u pileanna mamarenta papapulunni Abraham, Ishak, wuṛṛu Yakub. I Ya'u sarun umakkannu uma-U, wuṛṛu ma'ola'a si mangitou su lal᷊umanna'a apia.”

YEREMIA 32:39

I Ya'u sarun mangonggolla si mangitou tumba'u sambau tuddan pabbiaṛṛanna: eteudde, mangaddatta si Ya'u sara mal᷊annu-l᷊annu; olangnge sarun mangapiddu apapia si mangitou sassane, wuṛṛu su papapulunni mangitou.

DARALO 72:8

Araratuanne sarun mahewalla wuassu tahal᷊oangnga maddatingu tahal᷊oangnga, uawannada wuassu ra'i maddatingu waṛṛata.

DARALO 72:1

Wuassi Salomo. Oh Ruata, tantiroa'e tita-Nu su ratu, onggol᷊a'e atatul᷊iddu Mawu su ratu.

DARALO 2:12

al᷊intuddate susaruan-Ne ringannu mangngindo, arie ma'oman sara Mawu mabbal᷊i masa'u wuṛṛu i yamiu pateanna ringannu mal᷊ihakka, ana waugu asasa'u-Ne ṛumenggamma ringannu sangkaṛṛondappa. Lal᷊umanna'a su taumata apan uatullindumma su Mawu!

DARALO 2:6

Wisara-Ne, “Su Sion wui-U apan susi buatte Ta'u nitenega ratu nipile-U.”

PANDARIADDI 49:10

I Yehuda sarun mangagassa ta'innu araratuanna, papapalunne sarun mamarenta saran mal᷊annu-l᷊annu. Manga walahanna sarun mangapiddu aonggolla, wuṛṛu umal᷊intudda ringannu uasuṛṛubbawa su saruanne.

YEREMIA 33:24

“Buattewe i'o nanutukka wisaran taumata ipabbisara Israel wuṛṛu Yehuda? I mangitou mabbisara manungku i Ya'u buatte nandammen walahanna darua indi apan buatte Ta'u nipile udde. Ana waugu udde i mangitou mangngaddio'a uma-U, wuṛṛu tate lai ma'ellega si mangitou udde sambau walahanna.

YEREMIA 50:5

I mangitou sarun maiwal᷊on lal᷊anna watukku Sion, ana see niumamatte su lal᷊anna udde. I mangitou sarun ma'ola'a pa'aire sarangkal᷊o'enge si Ya'u, wuṛṛu sidutu uaagassa pa'aire udde.

YEHEZKIEL 17:22

Eteindi apan niwisara Mawu Apan Atanggaṛṛanne, “Wuassu punnu alu cemara apan al᷊angkasanne, sarun ta'u sappoanna lal᷊uwone see Ta'u paddianna sambau rannane apan ta'e wakku; Ta'u isuanna ranna udde su wowone apan manunggakka watukku winabbawa.

YEHEZKIEL 20:40

Ana waugu udde su leta'u Israel, su puiddu wowone-U apan na'ukkassa, i yamiu sarangkanambone walahannu Israel sarun massubba si Ya'u. Poiaroddi i Ya'u saru mal᷊uassa wuṛṛu mappulute manengkamma sasambanu, manga aonggolla apan apianne wuṛṛu manga darangngunu apan uaṛṛaete.

YEHEZKIEL 36:10

I Ya'u sarun manamba reengannu uma-U Israel. I mangitou sarun matana'a su manga soa wuṛṛu mapararisikku apia al᷊awo'u winalal᷊anne.

YEHEZKIEL 37:17

Wua'udde aggasse ta'inna darua udde aroddi olangnge ma'oman sara manga pentakke massampa'a wuṛṛu maola'a ta'inna sambau.

YEHEZKIEL 39:25

Mawu Apan Atanggaṛṛanne nabbisara, “Arawe orassa indi i Ya'u sarun umakkannu umattu Israel papapulunni Yakub, wuṛṛu ma'ola'a si mangitou su lal᷊umanna'a apia. Ringannu aroddi i Ya'u uariaga tadea'u arang-Ku sidutu aadatanna.

YEHEZKIEL 40:2

Sulal᷊ummu sambau aellega, Ruata nangapi'u watukku leta'u Israel wuṛṛu i ya'u niaddo su wowone apan atanggaṛṛanne. Su saruangku aellehangku ammul᷊annu bangunanna naal᷊ihidda sambau soa.

MIKHA 5:2

Nariaddi, Mawu sarun mamalan uman-Ne tataṛṛinoannu manga seetti mangitou ma'oman sara wawine apan tinantunna mabbal᷊i inangngu piaṛṛa'a apan manungkangngi Tou. Wua'udde manga taumata sambalahanne apan poi su pamamuanganna sarun iammulla apia ringannu walahanni mangitou.

ZAKARIA 11:14

Wua ude ta'u nipaddi ta'ingku aruane, eteudde apan ta'u nisaggo “Nii'itta”, ne napesangke paa'aukku Yehuda wuassu Israel.

MARKUS 3:24

“Amungkangngu sambau araratuanna mapesangnga sulal᷊ummu pirang kawageanganna apan uasaseetta, araratuanna udde tawe maataṛṛangnga mal᷊annu.