YEHEZKIEL 37:12 - WUKE SUSI WATTI'U AL᷊AL᷊USASSA

¹² Ana waugu udde pani'atte su uma-U Israel udde manungku i Ya'u, Mawu Apan Atanggaṛṛanne sarun mamu'a labbingi mangitou. I Ya'u sarun mapasabbangngi mangitou wua isudde wuṛṛu memelengngi mangitou su leta'u Israel.

YEHEZKIEL 37:12 Referans Kwoze

YESAYA 26:19

Uman-Nu apan natete sarun mabbiakka apia, manga winal᷊unanni mangitou sarun mabbangunna apia. Taumata apan buatte nilabbinga sulal᷊ummu leta'a sarun mabbangunna wuṛṛu lumala'a. Naal᷊ihidda wal᷊angngukka apan ma'al᷊uassa runia, I'o napawiakku uman-Nu apan mal᷊annute nate.

HOSEA 13:14

Walahanna indi sarun tawe Ta'u iapasal᷊amatta wuassu taṛṛinon runian taumata nate. Ei papate, paasabbarea'e raddangngu! Amata'e manaranu apan maaṛṛimunsa'a udde! I Ya'u sarun umakkannu walahanna indi apia.

1 TESALONIKA 4:16

Paṛṛadote mala'ekatta mawantuga sarun umui ringannu tingikka ma'ikkatta wuṛṛu trompetu Ruata iapatuntingikka maola'a sambau tatiala iapasaddia. See Mawu Yesus sassane sarun sumossokka wuassu surga, wuṛṛu manga taumatan Saṛṛani apan natete sarun iapaawiakka dorone.

YESAYA 66:14

Naasilo udde, i yamiu sarun lumuassa, wuṛṛu mabbal᷊i matohassa wuṛṛu sehatta ere nannal᷊o wakku. Ne manga allang-Ku sarun ma'apendamma taṛṛino-U wuṛṛu manga see-U sarun ma'apendamma asasa'u-U.”

SONDAPPA 20:13

See tahal᷊oangnga nanantillu manga taumata nate sulal᷊umme. Papate wuṛṛu Runiam Papate lai nanantillu manga taumata nate sulal᷊ummi tou. Wuṛṛu manga taumata nate sarangkanambone udde niṛṛuumanna uasul᷊ungngu pallal᷊agu mangitou.

HOSEA 6:2

Sulal᷊ummu darua ara'e tatallu su allone indi i tou sarun mapaapian kite, wuṛṛu i ite sarun mabbiakka sulal᷊ummu tilla'uppu Mawu.

YEHEZKIEL 36:24

Wuassu anambon balahanna wuṛṛu wanua, i ya'u sarun Ta'u iammulla wuṛṛu Ta'u iapapul᷊e watukku letangngu sassane.

YEHEZKIEL 37:21

Ana see wal᷊oa'e si mangitou manungku i Ya'u, Mawu Apan Atanggaṛṛanne sarun mangul᷊e apia anambon walahang-Ku wuassu manga wanua suapa i mangitou buatte nanu. I mangitou sarun Ta'u iammulla wuṛṛu Ta'u iapidda apia watukku wanua mangitou sassane.

YEHEZKIEL 28:25

Mawu Apan Atanggaṛṛanne nabbisara, “I Ya'u sarun mangammullu manga taumatan Israel wuassu manga wanua marau sutampa i mangitou apan buatte Ta'u nisal᷊iawukka, wuṛṛu anambon balahanna sarun maasingkatta i Ya'u na'ukkassa. Walahannu Israel sarun matana'a apia su leta'i mangitou sassane, leta'a apan buatte Ta'u nionggolla si allang-Ku Yakub.

TAHIUL᷊E 32:39

Pa'ellege, i Ya'u Ruata Apan Tinggassa, tawe Duata wal᷊ine tumba'u i Ya'u. I Ya'u mammate wuṛṛu mappaawiakka mallessa wuṛṛu mangngapia. Napawe i Ya'u mammanarate, tawe saran sangkatou apan botongnge lumawangnga.

1 SAMUEL 2:6

Mawu wotongnge mamate, i Tou lai mapawiakka. Watukku runian taumata nate i Tou nanossokku taumata. Wuṛṛu ete i Tou lai apan mangal᷊appa wua poiaroddi.

YEHEZKIEL 37:4

Wua'udde Mawu nandolo'u mamasingkattu tanata-Ne su manga duṛṛi apan naaige udde,

YEHEZKIEL 37:13

Napawe i Ya'u buatte na'ola'a sarangkanambone udde, uma-U sarun maasingkatta manungku ete i Ya'u Mawu.

DANIEL 12:2

Manambo suwallatti mangitou apan natete sarun tate mabbiakka apia; sambageanganna lai sarun aṛṛiaannu asasusa wuṛṛu atata'utta saran mal᷊annu-l᷊annu lai.

ZEFANYA 3:20

Tempone sarun dumanta, tumanangngu apan uasal᷊iawukka Ta'u ehetanna mapul᷊e. I yamiu Ta'u olaanna tumelengnga su ahewallu runia, wuṛṛu lal᷊umanna'a sarun Ta'u iapaawelengnga apia.” Mawu buatte nabbisara.

YESAYA 11:11

Su allo udde Mawu sarun paassa lai mappaattu taṛṛino-Ne mangapidda mapul᷊e uman-Ne lambene su Asyur wuṛṛu su Mesir, su manga wanua Patros, Sudan wuṛṛu Elam, su Babel, Hamat wuṛṛu manga taṛṛanusa apan marau.

YOEL 3:5

Wul᷊awanna wuṛṛu sal᷊a'a-U buatte niaṛṛon kamiu, wuṛṛu darotong-Ku apan maarega buatte niṛṛuwon kamiu watukku kuilli yamiu.