YEHEZKIEL 36:38 - WUKE SUSI WATTI'U AL᷊AL᷊USASSA

³⁸ Manga soa apan orassa indi naṛṛimunsa'e, sal᷊immurine sarun mapenen tumanangnge ere Yerusalem su manga allo wahewa sutempo nal᷊iu, napene manga domba apan niola'a sasamba. Ne i yamiu masingkatte manungku ete i Ya'u Mawu.”

YEHEZKIEL 36:38 Referans Kwoze

YOHANES 10:16

Ta'e pia manga domba waine lai apan tatahuanang-Ku, arawe tawe nareengnga sulal᷊ummu wageangngu domba indi. I mangitou lai ṛinone Ta'u iapidda wuṛṛu i mangitou sarun madaringikka tingi-U. I mangitou sarangkanambone sarun maola'a ammul᷊anna sambau ringannu mallal᷊u'adde sangkatou.

1 MARARATU 8:63

Hunan sasamban paddarame i Salomo nangonggolla 22.000 sapi wuṛṛu 120.000 domba. Etearoddi ratu wuṛṛu anambon tumanangnge na'ola'a lal᷊aghun patatenegu Wal᷊en Mawu.

YEHEZKIEL 34:31

Atonna, ete i yamiu ammul᷊annu domba-U apan Ta'u nionggol᷊annu anna. I yamiu uddewe uma-U, wuṛṛu i Ya'u Ruatanu. I Ya'u, Mawu Apan Atanggaṛṛanne buatte nabbisara.”

YEREMIA 30:19

Tumanangnge sarun maddalo si Ya'u ringannu aantari, wuṛṛu u'ui ringannu al᷊al᷊uassa. I Ya'u na'ola'a si mangitou a'addatanna wuṛṛu tate al᷊uandahanna, wuṛṛu reenganni mangitou sidutu aatambanna.

2 TAWARIKH 7:8

Salomo wuṛṛu anambon ṛuangannu Israel na'ola'a ramea Sabbuan Rongnga al᷊annune pitu allo. Tumaniten manambo taumata apan naammulla su ramea udde. I mangitou nirumanta wuassu wanua araune sara Lal᷊annu Hamat su sawannakka naddatingngu passarannu Mesir su timukka.

TAHIUL᷊E 16:16

Anambon esakku taumatan Israel rinone rumanta massubba Mawu Ruatanu su tampa apan buatte nipile-Ne paatallu santonna, eteudde su Allo Ramean Paskah, su Andeangngu Pangangitinga wuṛṛu Andeangngu Rasannu Rongnga. Suapan taumata ṛinone mangapiddu sasambane,

SASABANGNGA 34:23

Paatallu santonna anambon taumata esakka ṛinone rumanta massubba si Ya'u, Ruatan Israel.

SASABANGNGA 23:17

Suapan tonna su tempo mallaghun tatallu ramea udde, anambon taumata esakka ṛinone rumanta mattaṛṛamawu si Ya'u, Ruatanu.

YOHANES 2:14

Su Wal᷊e Mawu su Yerusalem i Tou naaratingnga mabawal᷊u'u sapi, domba, wuṛṛu manga manu'a merpati; wuṛṛu lai manga mananu'addu roitta ua'ianna isudde.

YOHANES 10:7

Ne Mawu Yesus nabbisara paassa lai, “Mangke atonna wisara-U indi: Ete i Ya'u ngara suttannu domba.

YOHANES 10:9

Ete i Ya'u ngara. Isai apan sumutta sumabbi si Ya'u, sarun masal᷊amatta; i tou sumabangnga wuṛṛu sumutta sarun maasomba wiakka.

DARALO 74:1

Antari tatantiro Asaf. O Ruata, sarangkal᷊o'engnge I'o manantangngi yami? Anio I'o sidutu massa'u al᷊aṛṛanang-Ngu sassane?

DARALO 100:3

Paanaungete manungku Mawu uddewe Ruata. I Tou nandiaddi si ite wuṛṛu i ite tatahuanan-Ne; i ite al᷊aṛanang-Nge, walahanna apan papadul᷊ianan-Ne.

YEREMIA 23:1

Mawu Ruatan Israel nabbisara, “Nasilakate i yamiu ei piaṛṛangnge apan mammate wuṛṛu mannal᷊iawukku uma-U! I yamiu ṛinone mappadul᷊i uma-U, arawe i yamiu tawe na'ola'a; i yamiu namalane uasal᷊arenga wuṛṛu tinumal᷊angnga. Orassa indi Ya'u sarun makkuumanni yamiu ana waugu al᷊al᷊eonu.

YEHEZKIEL 36:37

Mawu Apan Atanggaṛṛanne nabbisara, “Ei walahannu Israel, i yamiu Ta'u iwala apia maiontolla si Ya'u; i Ya'u sarun manimu reengannu ere ammul᷊annu domba.

YEHEZKIEL 46:9

Nawal᷊i'a, amungkangngu su manga allo wahewalla tumanangnge rumanta mattaṛṛamawu su Mawu, ne i mangitou apan sinumutta niumamattu sasuttanna su sawannakka, mapul᷊e ṛinone umamattu sasuttannu timukka napawe i mangitou nuddusse mattaṛṛamawu. Wuṛṛu i mangitou apan sinumutta su sasuttannu timukka, mapul᷊e ṛinone sumabbangngu sasuttanu sawannakka. Manga taumata imbaṛṛangnga mapul᷊e umamattu lal᷊anna apan niamatanna sutempo sinumutta; i mangitou ṛinone mapul᷊e umamattu sasuttanna su sambaane.