YEHEZKIEL 36:37 - WUKE SUSI WATTI'U AL᷊AL᷊USASSA

³⁷ Mawu Apan Atanggaṛṛanne nabbisara, “Ei walahannu Israel, i yamiu Ta'u iwala apia maiontolla si Ya'u; i Ya'u sarun manimu reengannu ere ammul᷊annu domba.

YEHEZKIEL 36:37 Referans Kwoze

YEHEZKIEL 14:3

“Ei taumata apan mattate, manga taumata indi buatte nanantillu watanganne su paal᷊uanna na'oman sara i mangitou nanawote sulal᷊ummu rosa. Manui mangitou maiwal᷊o si ya'u?

1 YOHANES 5:14

Wuṛṛu i ite waṛṛani sumaruanna Ruata, ana waugu i ite mangngimanna manungku i Tou naddaringikka aal᷊iomanni ite, amungkangu i ite maddorongnga apa apan uatuṛṛuta su apulu-Ne.

ZAKARIA 10:9

Salaiwe i mangitou Ta'u isal᷊iawukka su pattangngannu manga walahanna, i mangitou sidutu uanaungnga si Ya'u poiaroddi. I mangitou sarun masal᷊amatta, aroddi lai al᷊aṛṛaanangnge wuṛṛu sarun mapul᷊e suadio'a watukku wanuane.

ZAKARIA 10:6

“Tumana'u Yehuda sarun Ta'u tohasanna, umattu Israel sarun Ta'u iapaasal᷊amatta. Ta'u iapidda i mangitou mabbelengnga watukku wanuane ana waugu i Ya'u marangngu si mangitou. I mangitou sarun Ta'u olaanna ere walahanna apan tawe Ta'u niawusuanna. Ete i Ya'u Mawu Ruata mangitou, al᷊awo'u rosane sarun Ta'u ellehanna apia.

YEHEZKIEL 20:3

“Ei taumata apan mattate, pabbisarate si manga piaṛṛa'a udde wuṛṛu wal᷊oa'a manungku i Ya'u, Mawu Apan Atanggaṛṛanne nabbisara arendi, ‘Waṛṛani atonna i yamiu maddorongnga tatantiro si Ya'u! Ringannu arang-Ku, Ruata apan biakka, i Ya'u maddiri paddorongannu tatantiro! I Ya'u, Mawu Apan Atanggaṛṛanne buatte nabbisara.’

IBRANI 4:16

Ana waugu udde, wette i ite ringannu awawaṛṛani sumaruanna Ruata apan mammarenta ringannu naungnge mapia. Ruata sarun umakkana wuṛṛu mangal᷊amatta si ite tadea'u i ite maasomba tul᷊unganna maṛṛino su tempone.

FILIPI 4:6

Arie paasinggawanga su ola'u manga apa. Sulal᷊ummu al᷊awo'u inolaanna, aal᷊iomante wuṛṛu paddorongke su Ruata. Apa apan ipaapulun kamiu, wal᷊oa'e udde sidutu su Ruata ringannu wisara aadiangkamanna.

YEHEZKIEL 20:31

Ewe'e naddatingngu orassa indi lai i yamiu mandantinnu watangannu ringannu nangapiddu sasamba wuṛṛu nanambunnu manga anangngu maola'a sasamba su manga paal᷊uanna. Ana see ta'e lai waṛṛani i yamiu maddorongnga tatantiro wuassia-U? Sulal᷊ummu arang-Ku, Ruata apan biakka, Mawu Apan Atanggaṛṛanne, i yamiu tawe Ta'u iwala madorongnga tatantiro wuassia-Ku.

DARALO 102:17

napawe Mawu mapararisikku Sion apia, wuṛṛu rumanta sulal᷊ummu awawantu-Ge.

DARALO 10:17

Mawu, I'o maddaringikka aal᷊iomannu taumata lal᷊ebbone, wuṛṛu mannohassa naungngi mangitou.

ZAKARIA 13:9

Tumba'u sepeṛṛe tatallu apan masal᷊amatta. Wuṛṛu i mangitou sarun Ta'u iapaasusi ere taumata mannal᷊u'attu wul᷊awanna. Wua'udde i mangitou sarun umal᷊iomanna si Ya'u, wuṛṛu i Ya'u sarun sumimbakka si mangitou. I Ya'u sarun mabbisara si mangitou manungku i mangitou uddewe uma-Ku, wuṛṛu i mangitou lai sarun manga'u manungku ete i Ya'u Mawu Ruata mangitou.”

YEHEZKIEL 36:36

Ne manga walahanna al᷊indonganne apan ta'e isudde sarun maasingkatta manungku i Ya'u, Mawu, buatte napararisikku apia manga soa apan naṛṛimunsa'e, wuṛṛu nammanara apia manga wawail᷊anna apan nal᷊ol᷊okke. I Ya'u, Mawu, buatte nabbisara wuṛṛu atonna sarun ma'ola'a udde.”

YEHEZKIEL 36:38

Manga soa apan orassa indi naṛṛimunsa'e, sal᷊immurine sarun mapenen tumanangnge ere Yerusalem su manga allo wahewa sutempo nal᷊iu, napene manga domba apan niola'a sasamba. Ne i yamiu masingkatte manungku ete i Ya'u Mawu.”

DANIEL 2:18

I tou nandolokki mangitou umal᷊iomanna su Ruata su surga tadea'u i Tou umakkanni mangitou wuṛṛu mamasingkattu addapingngu wal᷊iawa udde. Ringannu aroddi i mangitou tawe iṛṛumanna pateanna suadio'a ringannu mapapande waine.

TAHIUL᷊E 30:5

Ne i yamiu wotongnge maatahuanna apia leta'a dorone wawanuannu iupungngu al᷊amonanu. Wuṛṛu wiakki yamiu olaanna lembon ala, wuṛṛu reengannu mannamboanna wuassu al᷊amonanu.

YEREMIA 30:19

Tumanangnge sarun maddalo si Ya'u ringannu aantari, wuṛṛu u'ui ringannu al᷊al᷊uassa. I Ya'u na'ola'a si mangitou a'addatanna wuṛṛu tate al᷊uandahanna, wuṛṛu reenganni mangitou sidutu aatambanna.

MIKHA 2:12

Mawu nabbisara apia, “Ei umattu Israel apan ta'e nallambe! I yamiu sarun Ta'u iammulla wuṛṛu Ta'u iaukka ere domba apan nabbelangnga su tandangnge. Naal᷊ihidda wadda'u nannal᷊o apan napenen domba, aroddi lai wanuanu sarun mapene apia ringannu taumata marasai.