YEHEZKIEL 36:34 - WUKE SUSI WATTI'U AL᷊AL᷊USASSA

³⁴ Dorone manga taumata apan u'amatta su manga wadda'i yamiu naasilo aroddi aṛṛasane leta'a udde, arawe i Ya'u sarun mamalang kamiu mamanara leta'a udde.

YEHEZKIEL 36:34 Referans Kwoze

YEHEZKIEL 6:14

Ore, i Ya'u sarun mamaten lima-U wuṛṛu makkimunsa'a wanua mangitou, ma'oman sara maola'a mal᷊annaba, manattakka wuassu Wadda'u Timukka maddatingngu soa Ribla su sawannakka. Wuassu manga tampa apan wawanuannu taumatan Israel, taweddu saran sambau apan iapaasal᷊amatta. Ne anambon taumata masingkatte manungku ete i Ya'u Mawu.”

2 TAWARIKH 36:21

Etearoddi natipusse sarangkanambone apan niwisaran Mawu si Yeremia manungku wanua udde sarun maola'a wanua lol᷊okka 70 su tonnane al᷊annune apan maola'a lal᷊anna'u manga allon Sabat apan tawe ilaghu.

YEHEZKIEL 36:9

I Ya'u uasamba'a si yamiu ei Israel, wuṛṛu i Ya'u manantunna ringannu atonna manungku letangngu sarun pasol᷊anna apia wuṛṛu asi'annu wualanna.

YEHEZKIEL 36:33

Mawu Apan Atanggaṛṛanne nabbisara, “Napawe i yamiu Ta'u niwaresi wuassu al᷊awo'u rosanu, i yamiu sarun Ta'u iwala matana'a su manga soanu apia, wuṛṛu mapararisikku apia manga winalal᷊anne.

YEHEZKIEL 36:35

Ne anambon taumata sarun tumiangnga, ana waugu leta'a apan tanginna maṛṛasa udde orassa indi nawal᷊ute nabbal᷊i wawail᷊annu Eden, wuṛṛu manga soa apan tanginna mal᷊annabba, naṛṛimunsa'a wuṛṛu naola'e manga winalal᷊anna, orassa indi naola'e manga soa apan matohassa taṛṛapane wuṛṛu manambo tumanangne.

YEHEZKIEL 5:14

I'o sarun maola'a manga tuidda wuṛṛu manga walahanna maraninu sarun mangal᷊uandaga si'o; suapan taumata apan sumabbi sarun mangindaunu.