YEHEZKIEL 36:28 - WUKE SUSI WATTI'U AL᷊AL᷊USASSA

²⁸ Ne i yamiu sarun matana'a su leta'a apan buatte Ta'u nionggolla su iupungngu al᷊amonanu. I yamiu sarun maola'a uma-U wuṛṛu i Ya'u lai sarun maola'a Ruatanu.

YEHEZKIEL 36:28 Referans Kwoze

YEHEZKIEL 37:27

I Ya'u sarun manata'a suadio'a ringanni mangitou, i Ya'u sarun maola'a Ruata mangitou wuṛṛu i mangitou uma-U.

YEREMIA 32:38

I mangitou sarun maola'a uma-U, wuṛṛu i Ya'u sarun maola'a Ruata mangitou.

YEREMIA 31:33

Eteindi pa'aire wakku apan Ta'u niola'a ringannu umattu Israel: Manga tita-U sarun Ta'u iaddo sulal᷊ummu naungngi mangitou, wuṛṛu Ta'u iwoṛṛetta sulal᷊ummu ate mangitou. I Ya'u sarun maola'a Ruatan mangitou, wuṛṛu i mangitou sarun maola'a uma-U.

YEHEZKIEL 37:23

I mangitou tate mandal᷊eo watanganni mangitou ringannu ma'ola'a rosa wuṛṛu massubba manga paal᷊uanna apan maarantinna. I Ya'u sarun mamallossi mangitou wuassu al᷊awo'u tal᷊engko apan naaola'a si mangitou nangal᷊uandaga si Ya'u. I Ya'u sarun mapaasusi mangitou; i mangitou sarun maola'a uma-U, wuṛṛu i Ya'u Ruatan mangitou.

YEHEZKIEL 11:20

Ne i mangitou sarun matuṛṛutta su manga atorang-Ku wuṛṛu mararingikka anambon parenta-U. I mangitou sarun maola'a uma-U wuṛṛu i Ya'u sarun maola'a Ruata mangitou.

SONDAPPA 21:7

Manga taumata apan naauntunga sarun manengkama manga wawal᷊issu inolaanne udde wuassia-U. I Ya'u sarun maola'a Ruatane, wuṛṛu i tou sarun maola'a ana-U.

MATIUS 22:32

‘Ete i Ya'u Ruatan Abraham, Ruatan Ishak wuṛṛu Ruatan Yakub.’ Ruata udde wal᷊inewe Ruatan taumata nate. I tou Ruatan taumata wiakka!”

YEHEZKIEL 14:11

Sarangkanambone udde Ta'u olaanna tadea'u taumatan Israel tate mangindau-U wuṛṛu lai tate malluhudda watanganne ringannu rosa. Ringannu aroddi i mangitou sarun maola'a uma-U, wuṛṛu i Ya'u maola'a Ruata mangitou.” I Ya'u, Mawu Apan Atanggaṛṛanne buatte nabbisara.

ANTARI MAWANTUGA 6:3

I ya'u tatahunannu arangnguangku, wuṛṛu i tou pussaa'u, i tou mallu'adda manga domba su pattangngannu manga bunga bakung.

SONDAPPA 21:3

See i ya'u naaringikka wuassu adderan araratuanna udde mabbisara ma'ikkatta, “Orassa indi tampa atatanaannu Ruata suadio'a ringannu taumata! I Tou sarun mabbiakka suadio'a ringanni mangitou, wuṛṛu i mangitou sarun maola'a al᷊aṛṛanang-Nge. Ruata sassane sarun matana'a ringanni mangitou wuṛṛu maola'a Ruata mangitou.

IBRANI 11:16

Arawe nasemakke, manungku i mangitou maapulun sambau soa lembon mapia, eteudde Soa su surga. Ana waugu udde Ruata tawe masili amungkangu i mangitou managone Ruata mangitou, ana waugu Ruata suete nanaddia sambau soa si mangitou.

IBRANI 8:10

Arawe orassa indi, ete indi paaire apan sarun olaangku su walahannu Israel su miallo-miallo apan sarun dumanta unnu Mawu: I Ya'u sarun mantaṛṛon tita-U sulal᷊ummu ṛingiṛṛanni mangitou wuṛṛu iwoṛṛeta su naungngi mangitou. I Ya'u sarun maola'a Ruata mangitou, wuṛṛu i mangitou sarun maola'a pabbawala-U.

2 KORINTUS 6:16

Apa sul᷊ungnge Wal᷊e Mawu wuṛṛu wal᷊em paal᷊uanna? I ite indi Wal᷊en Mawu, eteudde Ruata apan wiakka. Ruata sassane nabbisara, “I Ya'u sarun matana'a su pattangnganni mangitou, wuṛṛu mabbiakka suadio'a ringanni mangitou. I Ya'u sarun maola'a Ruata mangitou wuṛṛu i mangitou sarun maola'a al᷊aṛṛana-U.

ZAKARIA 13:9

Tumba'u sepeṛṛe tatallu apan masal᷊amatta. Wuṛṛu i mangitou sarun Ta'u iapaasusi ere taumata mannal᷊u'attu wul᷊awanna. Wua'udde i mangitou sarun umal᷊iomanna si Ya'u, wuṛṛu i Ya'u sarun sumimbakka si mangitou. I Ya'u sarun mabbisara si mangitou manungku i mangitou uddewe uma-Ku, wuṛṛu i mangitou lai sarun manga'u manungku ete i Ya'u Mawu Ruata mangitou.”

HOSEA 1:10

Walahannu Israel sarun maola'a anambone ere anne su tahal᷊oangnga, na'oman sara i tou tawe iauukka ara'e iareengnga. Orassa indi Ruata nabbisara si mangitou, “I yamiu wal᷊ine uma-U,” arawe sarun a'omanna tempone i Tou sarun mabbisara si mangitou, “Ete i Ya'u Ruata apan wiakka wuṛṛu i yamiu al᷊aṛṛana-U!”

YEHEZKIEL 39:28

Ne uma-U masingkatte manungku ete i Ya'u Mawu Ruata mangitou. Ana waugu ete i Ya'u apan nandolokki mangitou watukku pamamuanganna wuṛṛu i Ya'u lai apan nangapiddi mangitou napul᷊e watukku wanua mangitou sassane, ringannu tawe nanantangngu saran sangkatou wuassi mangitou poiaroddi.

YEHEZKIEL 36:10

I Ya'u sarun manamba reengannu uma-U Israel. I mangitou sarun matana'a su manga soa wuṛṛu mapararisikku apia al᷊awo'u winalal᷊anne.

YEHEZKIEL 28:25

Mawu Apan Atanggaṛṛanne nabbisara, “I Ya'u sarun mangammullu manga taumatan Israel wuassu manga wanua marau sutampa i mangitou apan buatte Ta'u nisal᷊iawukka, wuṛṛu anambon balahanna sarun maasingkatta i Ya'u na'ukkassa. Walahannu Israel sarun matana'a apia su leta'i mangitou sassane, leta'a apan buatte Ta'u nionggolla si allang-Ku Yakub.

YEHEZKIEL 34:30

Ne anambon taumata masingkatte manungku Israel udde uma-U wuṛṛu manungku i Ya'u ual᷊u'adda si mangitou. I Ya'u, Mawu Apan Atanggaṛṛanne buatte nabbisara.

ZAKARIA 8:8

wuṛṛu mangapiddi mangitou mabbelengnga wuassu ra'i wuṛṛu wuassu waṛṛatta, ma'oman sara i mangitou matana'a su Yerusalem apia. I mangitou sarun mabbal᷊i uma-U wuṛṛu i Ya'u Ruatan mangitou. I Ya'u sarun mamarenta si mangitou ringannu satia wuṛṛu atatul᷊idda.”

YEREMIA 24:7

I Ya'u sarun mangonggolla si mangitou apendamma ipassunna manungku ete i Ya'u Mawu. Ne i mangitou sarun maola'a uma-U, wuṛṛu i Ya'u mabbal᷊i Ruata mangitou, ana waugu i mangitou sarun mabbelengnga ringang-Ku ringannu ahewallu naungnga.

YEREMIA 31:1

Mawu nabbisara, “Sarun a'omanna tempone i ya'u maola'a Ruata anambon ṛuangannu Israel, wuṛṛu i mangitou mabbal᷊i uma-U.