YEHEZKIEL 36:22 - WUKE SUSI WATTI'U AL᷊AL᷊USASSA

²² Ana waugu udde, wal᷊oa'e apa apan i Ya'u Mawu Apan Atanggaṛṛanne nabbisara su walahannu Israel, ‘Apa apan sarun Ta'u olaanna sal᷊immurine wal᷊inewe ana waugu i yamiu, ei manga taumatan Israel, ewe'e ana waugu arang-Ku apan na'ukkassa, apan buatte nilal᷊eong kamiu watuakkuapa i yamiu inai.

YEHEZKIEL 36:22 Referans Kwoze

DARALO 106:8

Arawe Mawu nanal᷊amatta si mangitou ana waugu watangan-Ne sassane, ana see atatohan-Ne lumiatta'a.

YEHEZKIEL 36:32

Naungete ei Israel, manungku sarangkanambone udde sarun Ta'u olaanna wal᷊inewe ana waugu i yamiu. I yamiu ṛinone maapendamma asasili wuṛṛu addio'a ana waugu pallal᷊agunu. I Ya'u Mawu Apan Atanggaṛṛanne buatte nabbisara.’ ”

WATTI'U MANGA RASUL 2:36

Ana waugu udde anambon taumatan Israel ṛinone maasingkatta atonna-tonna manungku Mawu Yesus apan niarussang kamiu udde, eteudde Mawu Yesus apan nitenegu Ruata maola'a Mawu wuṛṛu Ratum Punnu Sal᷊amatta!”

DARALO 109:21

Arawe ontol᷊ewe i ya'u ere buatte nipa'ire-Nu, oh Mawu Ruata'u, sal᷊amatewe i ya'u ana waugu apapia wuṛṛu darangngu-Nu.

YESAYA 43:25

Arawe i Ya'u Ruata apan namappassa rosanu, i Ya'u nangampungnga si'o ana waugu etearoddi apulu-U; i Ya'u tate mannaungnga rosanu.

YEHEZKIEL 20:9

Arawe i Ya'u tawe na'ola'a udde, tadea'u arang-Ku tawe al᷊uandahannu manga walahanna su tampa i mangitou uatana'a. Ana waugu su saruannu manga walahanna udde, i Ya'u buatte namasingkatta manungku walahannu Israel sarun Ta'u iapidda sumabbangnga wuassu Mesir.

YEHEZKIEL 20:44

Sutempo i yamiu buatte Ta'u niola'a aroddi hunan awawantugu arang-Ku, wuṛṛu wal᷊ine nassul᷊ungngu ala'uannu apan dal᷊eo see inolaannu apan tawe matataṛṛino, i yamiu taumatan Israel maasingkatte manungku ete i Ya'u Mawu. I Ya'u Mawu Apan Atanggaṛṛanne buatte nabbisara.”

2 MARARATU 19:34

Soan Yerusalem sarun Ta'u lu'aranna wuṛṛu riaganna ana waugu arang-Ku sassane wuṛṛu ana waugu pa'aire-U ringannu allang-Ku i Daud.’ ”

YESAYA 48:11

Udde Ta'u niola'a hunan batangang-Ku sassane, ana waugu i Ya'u tawe mamalan arang-Ku lal᷊eoanna; awawantu-U tawe tahiang-Ku sisai-sai.”

YEHEZKIEL 16:61

I'o sarun maanaungnga wuṛṛu maapendamma asasili sutempo manga tuṛṛangngu Ta'u iwelengnga ringannu. I mangitou sarun Ta'u oala'ana ere manga anangngu, salaiwe olangnge udde tawe nasutta sulal᷊ummu pa'aire-U si'o.

YEHEZKIEL 39:25

Mawu Apan Atanggaṛṛanne nabbisara, “Arawe orassa indi i Ya'u sarun umakkannu umattu Israel papapulunni Yakub, wuṛṛu ma'ola'a si mangitou su lal᷊umanna'a apia. Ringannu aroddi i Ya'u uariaga tadea'u arang-Ku sidutu aadatanna.

DANIEL 9:18

Daringiṛṛewe i yami, oh Ruata, elehetewe i yami wuṛṛu intannoiwe asasusan kami see ahahohakku soa apan isassago ringannu aran-Nu. I yami umal᷊iomanna Si'o wal᷊inewe ana waugu manga inasaharanni yami, ewe'e ana waugu I'o napenen darangngu.