YEHEZKIEL 35:13 - WUKE SUSI WATTI'U AL᷊AL᷊USASSA

¹³ Ei walahannu Edom, moṛṛongngi yamiu mal᷊oangnga wuṛṛu mabbisara ringannu mawunga si Ya'u. I Ya'u naaringikke sarangkanambone udde.

YEHEZKIEL 35:13 Referans Kwoze

DANIEL 11:36

Ratun banua sawannakka sarun ma'ola'a walate apulun naungnge. Ringannu mawunga i tou sarun mabbisara manungku i tou manggewal᷊anne wuassu al᷊awo'u monganna, ewe'e lai manggewal᷊anna wuassu Ruata Apan Atanggaṛṛanne. I tou sarun wotongnge ma'ola'a ma'oman sara asasa'un Duata masue. Ana waugu apa apan buatte nitantunnu Ruata udde ṛinone maola'a paarorone.

YEHEZKIEL 35:12

Ne i yamiu masingkatte manungku i Ya'u, Mawu, naaringikke aal᷊uandagu sutempo i yamiu mabbisara: Manga wowon Israel nabbal᷊ite mal᷊annabba wuṛṛu nitantilla maola'a pabbawiakki ite.

YEREMIA 29:23

Etearoddi ola'u wiakki mangitou ana waugu buatte na'ola'a manga rosa wahewalla su Israel: i mangitou sussandaga, wuṛṛu nappaattu arannu Mawu ipabbatti'u manga inolaanna awusu. Udde napapaṛṛalan apulu Mawu. I tou masingkattu apa apan a'olaanni mangitou, wuṛṛu i tou sassane nabal᷊i tialane lumawangnga si mangitou. Mawu buatte nabbisara.”

YESAYA 36:20

Monganna suapa apan buatte namallossu wanuane wuassu taṛṛino'u? Tawe mariaddi Mawu manal᷊amatta Yerusalem!’ ”

1 SAMUEL 2:3

Illol᷊oa'e tal᷊imoṛṛongannu apan tawe loṛṛone! Insuete hattonu apan mawunga! Ana waugu Mawu udde Ruata apan lembon masingkatta; apan makkuungngu al᷊awo'u inolaannu taumata.

YUDAS 1:15

ana waugu makkuumannu anambon taumata. Mawu sarun makkuumannu manga taumata lal᷊eo ana waugu manga inolaanni mangitou apan tawe matataṛṛino. Wuṛṛu i Tou sarun makkuumannu taumata marosa wuṛṛu lal᷊eo, ana waugu anambon manga wisarane apan ipangngal᷊uandaga.

2 PETRUS 2:18

I mangitou na'ola'a manga papasingkata apan napenen papal᷊onotta wuṛṛu tawe loṛṛone; apulune sussandaga iapaati mangitou ipangal᷊iwu manga taumata apan wakku napallosa wuassu tampan taumata apan mabbiakka su al᷊al᷊eo.

MALEAKHI 3:13

Mawu nabbisara, “Manga wisaranu atonna mallobbossa si Ya'u.” “Arawe i yamiu ma'iwal᷊o, ‘Apa apan niwisaran kami su olang-Ngu?’

YESAYA 37:29

wuṛṛu i Ya'u naaringikke su ola'u asasa'unu wuṛṛu awawunganu udde. Orassa indi Ya'u mantaingngu pe'anna su ngirunnu wuṛṛu tal᷊i su moṛṛongngu, tadea'u i'o Ta'u wol᷊enganna mapul᷊e umamatta su lal᷊anna apan niamatannu sutempo nirumanta.”

YESAYA 37:23

Masingkattawe i'o isai apan lallelannu wuṛṛu aal᷊uandahannu udde? I Ya'u, Ruatan Israel, Ruata apan na'ukkassa.

YESAYA 37:10

ratun Yehuda. Arendi tingikku suratta udde, “Arie awahiannu pa'airen Duata apan pangunsandaṛṛannu udde manungku i'o sarun tawe manawo su lima'u.

MANNANASE 10:14

Atonna, taumata woddo mangke matal᷊imoṛṛongana. Allo addantane uawuni si ite sarangkanambone. Taweddu wotongnge maramallu arariaddianna napawe i ite natete.

AYUB 35:16

Tawe gunane i'o manassu wisaranu; nasemakke, i'o wagga apa apan iwabbisara'u.

AYUB 34:37

Pasasal᷊ane lai tambannu sambau rosa; wuṛṛu mangngaddio'a Ruata su saruanni ite.

2 TAWARIKH 32:19

I mangitou uahahatton ola'u Ruata apan sassubbanna su Yerusalem ere lai su ola'u manga mongannu walahanna waine, eteudde manga paal᷊uanna apan nilanginnu liman taumata.

2 TAWARIKH 32:15

Arie pabbala'a ratunu udde mamahia wuṛṛu mamoddo si yamiu! Arie pangimanna si tou! Ana waugu taambe saran paassa mongannu al᷊awo'u walahanna wotongnge mamallossu walahanne wuassu taṛṛinon ratun Asyur. Wuṛṛu mongannu udde lai tawe maapallossi yamiu!”

2 MARARATU 19:28

I Ya'u masingkatta manungku i'o mangke nasa'u si Ya'u, wuṛṛu i Ya'u naaringikke warabunganu udde. Orassa indi Ta'u iwa'issa aiitta su ngirunnu wuṛṛu ipappiaṛṛa'a su moṛṛongu, tadea'u i'o wol᷊enganna mapul᷊e umamatta sulal᷊anna sutempo i'o nirumanta.”

REENGANNA 14:27

“Sara tingngera manga taumata lal᷊eo udde sussamboṛṛe si Ya'u? Anambon sasal᷊iomanni mangitou i Ya'u na'aringikke.

SASABANGNGA 16:12

“I Ya'u naaringikke sasungkuttu taumatan Israel. Wal᷊oa'e si mangitou manungku su orassu wawallo i mangitou wotongnge uminassa ṛemessa, wuṛṛu su tempo marua allo i mangitou wotongnge umanna roti maddatingngu mal᷊aidda. Ne i mangitou sarun maasingkatta manungku ete i Ya'u Mawu, Ruata mangitou.”

YEREMIA 7:11

Apa i yamiu massunna Wal᷊e-U indi sal᷊akku mallaṛṛampassa?Anambon inolaannu buatte niasiloang-Ku.

YEREMIA 48:26

Mawu nabbisara, “Moab pawu'ana'e, ana waugu i tou mammungan batanganne su saruang-Ku. I tou sarun tumal᷊inggi sulal᷊ummu mutane, wuṛṛu ilaggen taumata.

YEREMIA 48:42

Moab sarun maṛṛimunsa'a wuṛṛu tate lai maola'a sambau walahanna, ana waugu i mangitou mammungan batanganne su saruang-Ku.

REENGANNA 12:2

Unni tarua, “Apa tumba'u wuassi Musa Mawu nabbisara? Wal᷊inewe wuassi ite lai i tou mabbisara?” Mawu naddaringikka sarangkanambone apan niwisaran tarua.

DARALO 74:18

Naungete ereapa seetta mallobbossa Si'o, oh Mawu, manga walahanna apan tawe maillal᷊a Si'o mangngadio'a aran-Nu.

DARALO 94:9

Ruata apan na'ola'a tal᷊inga, apa i Tou tawe maaringikka? I Tou apan na'ola'a mata, apa i Tou tawe maasilo?

YESAYA 37:27

Manga taumata apan uatana'a poiaroddi naal᷊unganne; i mangitou niṛṛumindu'a wuṛṛu matta'utta. I mangitou naal᷊ihidda wal᷊abbukka su wadda'a ara'e wal᷊abbukka apan tinumuwo su atuppu wal᷊en, apan mamara napawe tiupannu anginna ra'i apan mal᷊oso.