YEHEZKIEL 35:12 - WUKE SUSI WATTI'U AL᷊AL᷊USASSA

¹² Ne i yamiu masingkatte manungku i Ya'u, Mawu, naaringikke aal᷊uandagu sutempo i yamiu mabbisara: Manga wowon Israel nabbal᷊ite mal᷊annabba wuṛṛu nitantilla maola'a pabbawiakki ite.

YEHEZKIEL 35:12 Referans Kwoze

YEHEZKIEL 36:2

‘Sutempo manga walahanna su al᷊indongannu namangalo wuṛṛu nangaṛṛo si yamiu, i mangitou buatte nallobbossa ahewallu Israel. Ringannu lulluassa i mangitou mabbisara manungku orassa indi manga wuiddu al᷊amona udde nabbal᷊ite pussa'a mangitou. Ana waugu udde ei manga wowone wuṛṛu manga wuidda, manga sungene wuṛṛu wawal᷊anne, ei manga soa apan naola'e winalal᷊anna wuṛṛu apan buatte nitantangngu manga mamanuane see nipangaṛṛoanna wuṛṛu nial᷊uandahannu manga walahanna al᷊indonganne, paddaringikke wisara Mawu Apan Atanggaṛṛanne si yamiu: Sulal᷊ummu sasopan asasa'u-U i Ya'u mammasagu manga walahanna su al᷊indongannu wuṛṛu lembonete Edom, ana waugu i mangitou ringannu mal᷊uassa wuṛṛu mallobbossa, buatte nanganu leta-U wuṛṛu nangaṛṛo manga wadda'u nannal᷊one. Orassa indi i Ya'u massa'u wuṛṛu mandona ana waugu walahanna udde tumaniten manggelo see nangaddio'a si yamiu.

DARALO 83:12

Olaawe piaṛṛa'i mangitou ere i Oreb wuṛṛu i Zeeb, pasuṛṛubawa'a tembonanni mangitou ere i Zebah wuṛṛu Salmuna,

YEHEZKIEL 35:9

Wanuanu sarun ta'u olaanna wadda'a mal᷊alangnga saran mal᷊annu-l᷊annu, wuṛṛu manga soanu tate atanaannu taumata apia. Ne i yamiu masingkatte manungku ete i Ya'u Mawu.

YEHEZKIEL 6:7

Suapa-suapa pia taumata apan iapate, wuṛṛu i mangitou apan nasal᷊amatta sarun maasingkatta manungku ete i Ya'u Mawu.

YEREMIA 50:7

I mangitou nitalliwunanna wuṛṛu nisansaran anambon taumata apan nassomba mangitou. Manga seettu uma-U mabbisara, ‘Apa apan niola'i ite, tawe sal᷊ane, ana waugu manga taumata udde narosate su lantakku hati Mawu. Al᷊amonan mangitou mangngimanna Mawu, nariaddi ṛinone lai i mangitou sidutu satia si Tou.’

OBAJA 1:12

Tawe su lal᷊anne i'o lumuassu asasusan Yehuda wuṛṛu lumala'a su allo tuṛṛangngu udde nate. Tawe su ṛinone i'o mattal᷊imoṛṛonganna sutempo i tou massussa.

DARALO 79:12

Oh Mawu, wal᷊isete walahanna udde anambone paapitu ana waugu anambon aal᷊uandagi mangitou su saruan-Nu.

YEHEZKIEL 35:13

Ei walahannu Edom, moṛṛongngi yamiu mal᷊oangnga wuṛṛu mabbisara ringannu mawunga si Ya'u. I Ya'u naaringikke sarangkanambone udde.

ZEFANYA 2:8

Mawu Apan Lembontaṛṛino nabbisara, “I Ya'u buatte naaringikka manga wlahannu Moab wuṛṛu Amon mallobbossa wuṛṛu mangngal᷊uandaga uma-U. I mangitou mattal᷊imoṛṛongana naudde manganu leta'u uma-U.