YEHEZKIEL 35:11 - WUKE SUSI WATTI'U AL᷊AL᷊USASSA

¹¹ Ana waugu udde, waugu i Ya'u, Ruata apan biakka, Mawu Apan Atanggaṛṛanne, i Ya'u sarun mabbal᷊issa unen naungnga si yamiu, ana waugu i yamiu massa'u, mallobbossa wuṛṛu maddantinnu uma-U. I mangitou sarun maasingkatta manungku i yamiu sarun Ta'u iṛṛuumanna ana waugu inolaannu su saruanni mangitou.

YEHEZKIEL 35:11 Referans Kwoze

MATIUS 7:2

Ana waugu su ereapa i yamiu maṛṛuungngu taumata waine, aroddi lai Ruata sarun maṛṛuungngi yamiu. Wuṛṛu uuṛṛanna apan ipanguukki yamiu su taumata waine sarun ipanguukku Ruata lai si yamiu.

DARALO 9:16

Manga walahanna apan tawe maaillal᷊a Si'o manawo sulal᷊ummu loṛangnga apan nial᷊in mangitou sassane; i mangitou nul᷊ussa sulal᷊ummu seddan mangitou sassane.

AMOS 1:11

Mawu nabbisara, “Tumana'u Edom masokkate ma'ola'a rosa, ana waugu udde i Ya'u sarun makkuumannai mangitou. Ringannu tawe umakkanna, i mangitou buatte namangalo taumatan Israel, manga tuṛṛangngi mangitou. I mangitou sidutu mandona wuṛṛu mangke mangngunne.

DARALO 137:7

Oh Mawu, naungewe inolaannu taumatan Edom sutempo Yerusalem nihohakka. I mangitou nabbisara, “Ṛaa'e, ṛaa'e maddatingngu manga rapappakke!”

YAKOBUS 2:13

Ana waugu Ruata tawe mapaal᷊iatta'u darangngu-Ne su taumata apan tawe maaillal᷊a darangngu. Arawe darangngu mattohasanna wuassu ṛuumanna!

YEHEZKIEL 25:14

Walahang-Ku Israel sarun Ta'u ipaatta ipabbal᷊issa naungnga lal᷊eo su Edom, wuṛṛu Edom sarun olaanna ringannu asaddatu asasa'u-U. Edom sarun maasingkatta ereapa temangnge maola'a tuddan asasa'u-U. I Ya'u Mawu Apan Atanggaṛṛanne buatte nabbisara.”

OBAJA 1:15

“Atonna, maranite allone, i Ya'u, Mawu, makkuungngu manga walahanna. Apa apan niola'i Edom sarun ipabbal᷊issa si tou. I tou sarun maapendamma lai apa apan buatte niolangnge.