YEHEZKIEL 34:16 - WUKE SUSI WATTI'U AL᷊AL᷊USASSA

¹⁶ Iapa nawul᷊i Ta'u reaanna, iapa nilamammiṛṛane sarun Ta'u iapidda mapul᷊e, iapa nal᷊essa Ta'u wa'isanna, wuṛṛu iapa maradda'a ta'u undamanna; arawe iapa matawa wuṛṛu matohassa sarun Ta'u pateanna, ana waugu i Ya'u mallal᷊u'adda apan ma'ola'a apapia.

YEHEZKIEL 34:16 Referans Kwoze

LUKAS 19:10

Ana'u Taumata nirumanta maddea'a wuṛṛu manal᷊amatta taumata apan nial᷊iwune.”

YEHEZKIEL 34:4

Manga domba apan lome tawe paddul᷊iananni yamiu, iapa maradda'a tawe undamanni yamiu, iapa nal᷊essa tawe wa'isanni yamiu, wuṛṛu iapa nilamammiṛṛane tawe reaanna wuṛṛu iapidda apia. Ewe'e lai anambon manga domba udde niola'i yamiu ringannu maṛṛagissa.

YESAYA 49:26

Ya'u sarun ma'ola'a seennu iwu'annu daṛṛa, na'oman sara i mangitou uapapatete. Ne anambon taumata sarun maasingkatta, manungku i Ya'u, Mawu, Mananal᷊amannu; Apan Lembonmatohassa, Ruatan Yakub, Mananubbussa si'o.”

YEHEZKIEL 34:11

Mawu Apan Atanggaṛṛanne nabbisara, “I Ya'u sassane sarun maddea'a manga domba-U wuṛṛu mappadul᷊i si mangitou,

MARKUS 2:17

Mawu Yesus naaringikka aiwal᷊o mangitou udde, see sinumimbakka, “Taumata apan tawe marada'a tawe mappandumma doktere, tumba'u taumata marada'a. I Ya'u nirumanta tawe mamago taumata apan uapendamma ririne mapiate, arawe taumata apan aellehanna aral᷊eoanne.”

YEHEZKIEL 39:18

I mangitou sarun uminassa manga winal᷊unannu atumannaṛṛane, wuṛṛu ma'inumma daṛṛa manga tembonannu runia. Manga tumannaṛṛane wuṛṛu tembonanne udde sarun pateanna ere manga ambinga esakka, ara'e manga bantenga matawa.

YESAYA 10:16

Waugu taumatan Asyur buatte namungan batanganne, Mawu Apan Lembontaṛṛino sarun mandantan al᷊aṛṛusa'itta ipakkuumannu manga tembonannu tantara apan matohassa. I mangitou sarun mamendamma sal᷊ihangnga apan matanggakka ere putungnga apan sidutu mannutungnga.

YESAYA 5:17

Su winal᷊alannu soa ana'u ambingnga wuṛṛu domba sarun umanna nannalo wuṛṛu tawe asueannu pabbawiakka.

MIKHA 7:14

Oh Mawu, lu'arawe uman-Nu, umatta nipile-Nu. I mangitou uatana'a marau su mahurangnge, su pattangngannu leta'a apan masuwukka. Wala'ewe i mangitou maasomba anna su wadda'u nannal᷊on Basan wuṛṛu su Gilead ere sutempo dorone.

YEREMIA 10:24

Puulle i yami oh Mawu, ariewe ringannu papuulla apan tumaniten maataddu'a. Ariewe lai makkuumanni yami napawe I'o nasa'ute, ana waugu i yami sarun mate abbi.

YEREMIA 9:15

Ana waugu udde, paddaringikke apa apan i Ya'u, Mawu Apan Lembontaṛṛino, Ruatan Israel, sarun ma'ola'a: uma-U sarun Ta'u onggol᷊annu sasuanna mapetta annananna wuṛṛu pasangkadda iapa'inumma.

YESAYA 40:11

Naal᷊ihidda sangkatou mallal᷊u'adda winatangnga i Tou napaddul᷊i ammul᷊an-Ne; i Tou sassane nangammulli mangitou. Manga ana'u domba nisal᷊uru-Ne, ringannu masaṛṛionto'a i Tou mangngehetta manga inangngene.

MATIUS 15:24

Mawu Yesus sinumimbakka, “I Ya'u nirolokka tumba'u su walahannu Israel, nangillembo si mangitou apan nial᷊iwune.”

YEREMIA 50:11

Mawu nabbisara, “Ei taumatan Babel, i yamiu mangngaṛṛo uma-U. I yamiu sussolo'u al᷊al᷊uassa ere awal᷊o manuntingi, wuṛṛu ere sapi apan tantal᷊anna u'anna.

YEREMIA 23:15

Mawu Apan Lembontaṛṛino nabbisara, “Sarun Ta'u ionggolla su manga nabi su Yerusalem udde sasuanna mapetta iapaanna wuṛṛu pasangkadda iapa'inumma, ana waugu i mangitou buatte naaola'a taumata su ahewallu wanua tate mangaddatta si Ya'u.”

TAHIUL᷊E 32:15

Mawu nabbal᷊i ala, arawe apulune lullawangnga, i mangitou mangkatawa, nal᷊aiddu anna. Ana see i mangitou nanantangngu Ruata, Mandariadine, wuṛṛu nanol᷊a'u Mananal᷊amatti mangitou apan matohassa.

DARALO 147:3

I Tou mangundamma taumata apan naungnge massusa, wuṛṛu mama'issa manga lessan mangitou.

YESAYA 1:5

Anio i yamiu sidutu mangke mannompolla? I yamiu mappulu iṛṛuumanna lembon awakkatanne lai? Puanu napeneten manga pinsulla, naungnga wuṛṛu ṛingirannu maradda'a.

YEREMIA 31:8

Wuassu sawannakka i mangitou Ta'u niapidda apia; Ta'u nihemonna i mangitou wuassu manga pentakku runia. Taumata wuta wuṛṛu taumata lome sarun tumantalongnga ringanni mangitou, see lai wawine apan wakkute nangunsiwe wuṛṛu apan uailloṛṛo mawakkatte. I mangitou sarangkanambone sarun rumanta apia sulal᷊ummu reenganne apan manambo su wanua indi.

YEREMIA 50:6

Uma-U naal᷊ihidda domba apan niwalate manga mallal᷊u'adde nilamammiṛṛanne su panenteanna. I mangitou mammal᷊intadda wuassu wowone sambau watukku wowone waine wuṛṛu waggate tanne suapate wal᷊e mangitou.

ZEFANYA 3:19

Tempone sarun dumanta manga allangngu Ta'u ṛimunsaanna, wuṛṛu taumata peṛṛo Ta'u iapasal᷊amatta; anambon taumata niwuangnga Ta'u ehetanna mapul᷊e. Aal᷊uandagi mangitou Ta'u wal᷊uanna mabbali aaddata; suapan tampa, ewe'e lai su ahewallu runia, i mangitou sarun wantuhanna wuṛṛu raloanna.

DARALO 72:2

Antimanna I'o makkuungngu al᷊aṛṛanang-Ngu tumuṛuttu tita, wuṛṛu ma'ola'a taumata niallangnga ringannu atatul᷊idda.

YEREMIA 23:5

Mawu nabbisara, “Sarun a'omanna tempone, i Ya'u sarun manenegu sangkatou ratu apan matul᷊idda wuassu papapulunni Daud. Ratu udde sarun mamarenta ringannu masiṛṛongnga, wuṛṛu mapaamattu atatul᷊idda wuṛṛu atonna su ahewallu wanua.

YEHEZKIEL 24:5

Paata'e ṛemessu domba apan matawa wuṛṛu muda tambai lai alune su sunggilla. Wala'a pahogoṛṛa'a wuṛṛu sumopa ua'ene lantute ṛemessa udde ringannu manga duṛṛine.”

MIKHA 5:3

Napawe piaṛṛa'a udde rumanta, i Tou sarun mamarenta uman-Ne ringannu atatohassa wuṛṛu taṛṛino wuassu Mawu Ruata-Ne sassane. Umman-Ne sarun mabbiakka ringannu matammudda, ana waugu anambon taumata su ahewallu runia sarun manga'u awawantu-Ge,

ZAKARIA 10:3

Mawu nabbisara, “I Ya'u nasa'u atonna su tembonanne uaparenta uma-U, wuṛṛu i mangitou Ta'u iṛṛuumanna. Arawe tumana'u Yehuda uddewe pussa'a-U, wuṛṛu i Ya'u, Mawu Apan Lembontaṛṛio sarun mamadul᷊i si mangitou. I mangitou sarun Ta'u olaanna awal᷊on pangalo apan matohassa si Ya'u.