YEHEZKIEL 34:11 - WUKE SUSI WATTI'U AL᷊AL᷊USASSA

¹¹ Mawu Apan Atanggaṛṛanne nabbisara, “I Ya'u sassane sarun maddea'a manga domba-U wuṛṛu mappadul᷊i si mangitou,

YEHEZKIEL 34:11 Referans Kwoze

YOHANES 10:16

Ta'e pia manga domba waine lai apan tatahuanang-Ku, arawe tawe nareengnga sulal᷊ummu wageangngu domba indi. I mangitou lai ṛinone Ta'u iapidda wuṛṛu i mangitou sarun madaringikka tingi-U. I mangitou sarangkanambone sarun maola'a ammul᷊anna sambau ringannu mallal᷊u'adde sangkatou.

LUKAS 19:10

Ana'u Taumata nirumanta maddea'a wuṛṛu manal᷊amatta taumata apan nial᷊iwune.”

YEREMIA 31:8

Wuassu sawannakka i mangitou Ta'u niapidda apia; Ta'u nihemonna i mangitou wuassu manga pentakku runia. Taumata wuta wuṛṛu taumata lome sarun tumantalongnga ringanni mangitou, see lai wawine apan wakkute nangunsiwe wuṛṛu apan uailloṛṛo mawakkatte. I mangitou sarangkanambone sarun rumanta apia sulal᷊ummu reenganne apan manambo su wanua indi.

YEREMIA 23:3

Arawe manga uma-U lambene sarun Ta'u iammulla wuassu manga wanua sutempan mangitou Ta'u niwuangnga. I mangitou sarun Ta'u iapidda mabbelengnga apia watukku leta'a niariaddianni mangitou wuṛṛu papapulunni mangitou sarun a'atambanna anambone.

YESAYA 56:8

Ete arendi wisara Mawu Apan Atanggaṛṛanne apan nanguntuddu Israel napul᷊e wuassu pamamuanganna, “I ya'u sarun mangapiddu manga taumata waine tadea marimpul᷊e suaddio'a ringanni mangitou apan naammulle.”

DARALO 80:1

Su piaṛṛa'u mangangantari. Tumuṛṛuttu antari: Wunga hal᷊ohomma. Daralon tatialan Asaf.

YESAYA 45:12

Ete i Ya'u Mawu apan nandiaddi runia, wuṛṛu nandiaddi taumata mamanua isudde. Ringannu taṛṛino-U i Ya'u namilattu langitta, wuṛṛu namarenta matannallo, wul᷊anna wuṛṛu manga anumpitanna.

DARALO 119:176

I ya'u nial᷊iwune ere domba apan nawul᷊i, ne rantate wuṛṛu rea'ete allang-Ngu indi, ana waugu i ya'u tawe manantangngu manga parenta-Nu.

TAHIUL᷊E 32:39

Pa'ellege, i Ya'u Ruata Apan Tinggassa, tawe Duata wal᷊ine tumba'u i Ya'u. I Ya'u mammate wuṛṛu mappaawiakka mallessa wuṛṛu mangngapia. Napawe i Ya'u mammanarate, tawe saran sangkatou apan botongnge lumawangnga.

HOSEA 5:14

Naal᷊ihidda singa apan tumambo, aroddi lai i Ya'u sarun mamangalo taumatan Israel wuṛṛu Yehuda. I Ya'u sassane sarun manggesa'a si mangitou, ana see Ta'u itantangnga. Napawe i Ya'u mamol᷊engnga si mangitou inai, tawe saran sangkatou apan wotongnge mamallossi mangitou.

YEHEZKIEL 6:3

Doloṛṛa'e i mangitou maddaringikka wuṛṛu manutukka apa apan i Ya'u, Mawu Apan Atanggaṛṛanne mabbisara su manga wowone udde, see su manga wuidda, manga rampissa wuṛṛu manga wawal᷊anne. Atonna, i Ya'u sarun mangirimmu hal᷊ele ipanggohakku manga tampa passubbanna paal᷊uanna.

YEHEZKIEL 5:8

Ne i Ya'u, Mawu Apan Atanggaṛṛanne, mamasingkatta manungku i Ya'u uddewe seennu. I'o sarun Ta'u iṛṛuumanna su saruannu manga walahanna waine.

YESAYA 51:12

Mawu nabbisara, “Ete i Ya'u Mawu apan malluassa si yamiu. Anio i'o matta'uttu taumata apan mattate, su taumata apan niramme ere wal᷊abbuka?

YESAYA 48:15

Ete i Ya'u apan nabbisara wuṛṛu namaggo si tou, apan nangehetta si tou na'oman sara i tou naasomba ul᷊ene.

IMAMATTA 26:28

wuṛṛu ringannu massa'u i Ya'u sarun manggesekka si yamiu, wuṛṛu makkuumanni yamiu paapitu mabbakatanna wuassu ṛuumanna nanangkal᷊iu.

PANDARIADDI 6:17

I ya'u sarun mandantan manawangnga ipamate al᷊awo'u riadianna apan mabbiakka su runia. Sarangkanambone su runia sarun mate,

YOHANES 10:11

Tumba'u i Ya'u mallal᷊u'adda apan mapia. Mallal᷊u'adda mapia mannantillu niawa-Ne ipanal᷊i manga domba-Ne.

YEHEZKIEL 11:17

I Ya'u, Mawu Apan Atanggaṛṛanne, mapal᷊iatta'a manungku i Ya'u sarun mangammuli mangitou wuassu manga wanua su tampa i mangitou nisal᷊iawukka, ana see mamelengngu leta'u Israel si mangitou.

YEHEZKIEL 20:41

Napawe i yamiu Ta'u niapidda sinumabbangnga wuassu manga wanua sutampa i yamiu nisal᷊iawukka, i Ya'u sarun mangammulli i yamiu wuṛṛu manengkamma al᷊awo'u sasambanu itattambunna. Ne anambon balahanna maasingkatte manungku i Ya'u indi Ruata Apan na'ukkassa.

ZAKARIA 9:16

Napawe allo nia'omante, Mawu sarun manal᷊amatta uman-Ne, naal᷊ihidda mallal᷊u'adda manal᷊amatta dombane wuassu asasilaka. I mangitou sarun lumansiangnga su leta'u Mawu, naal᷊ihidda permata mahkota apan sussal᷊endappa.

ZAKARIA 10:3

Mawu nabbisara, “I Ya'u nasa'u atonna su tembonanne uaparenta uma-U, wuṛṛu i mangitou Ta'u iṛṛuumanna. Arawe tumana'u Yehuda uddewe pussa'a-U, wuṛṛu i Ya'u, Mawu Apan Lembontaṛṛio sarun mamadul᷊i si mangitou. I mangitou sarun Ta'u olaanna awal᷊on pangalo apan matohassa si Ya'u.