YEHEZKIEL 33:31 - WUKE SUSI WATTI'U AL᷊AL᷊USASSA

³¹ I mangitou nirumanta manambo-nambo wuṛṛu ana waugu uma-U i mangitou niuma'ianna maddaringikka manga wisaranu, arawe apa apan niparentanu tawe tuṛṛutanni mangitou. Wiwikki mangitou tumba'u mapasabbangu wisaran pa'aapulu, arawe naungngi mangitou tumba'u maṛṛingiddu auntunganna.

YEHEZKIEL 33:31 Referans Kwoze

MATIUS 13:22

Wualanna apan nanawo su tangngan ahuranganna ṛoaanna, isassumandingnga su taumata apan uararingikka watti'a udde, arawe sussinggawangnga su ola'u wiakki mangitou wuṛṛu maapulu mabbiakka su al᷊al᷊uassa. Ana waugu udde watti'a wuassu Ruata nawul᷊i wuassu naungngi mangitou na'oman sara tawe buane.

LUKAS 11:28

Arawe Mawu Yesus sinumimbakka, “Nangillembon lal᷊umanna'a lai su taumata apan maddaringikka wisaran Ruata wuṛṛu mappaamattu al᷊aṛṛang-Nge!”

YESAYA 29:13

Mawu nabbisara, “Manga taumata udde tumba'u massubba si Ya'u ringannu manga wisara, arawe naungngi mangitou marau wuassi Ya'u. Agama mangitou tumba'u atorannu taumata apan wotongnge ihapalle.

YEHEZKIEL 8:1

Su allo al᷊imane wul᷊anna aiannume sulal᷊ummu tonna aiannume sutempo pamamuanganni yami, manga piaṛṛa'u taumatan Yehuda niwuangnga nirumanta su wal᷊e'u wuṛṛu niuma'ianna suadio'a ringangku. Inaṛṛombanganne taṛṛino Mawu Apan Atanggaṛṛanne sinumutta si ya'u.

YEREMIA 44:16

“I yami maddiri maddaringikka apa apan iwabbisaranu si yami ringannu arannu Mawu.

YESAYA 28:13

Ana waugu udde Mawu mangngaṛṛa'a si yamiu huruppa ringannu huruppa, wisara ringannu wisara wuṛṛu hatto ringannu hatto. Wuṛṛu sutempo umamatta i yamiu nanawo uataro'o na'oman sara nal᷊essa, niasongnganna wuṛṛu niatawanna.

LUKAS 10:39

I Marta pia tuṛṛangnge wawine aranne i Maria. I Maria indi inuma'ianna marani Mawu Yesus madaringikka manga al᷊aṛṛang-Nge.

LUKAS 8:21

Arawe Mawu Yesus nabbisara si mangitou, “Manga taumata apan madaringikka wisara Ruata wuṛṛu tuttuṛṛutta, ete i mangitou udde inang-Ku wuṛṛu manga tuṛṛang-Ku.”

EFESUS 5:5

Panutukka paapia-pia: taumata apan pallal᷊agune sussandaga, ara'e tawe matataṛṛino, ara'e wal᷊iu (pallal᷊agu ereudde nassul᷊ungngu lai massubba paal᷊uanna), taumata udde tawe masutta su walahanna apan paparentanni Kristus wuṛṛu Ruata.

WATTI'U MANGA RASUL 10:33

Ana waugu udde i ya'u nasasaṛṛawutta nandolokku taumata inai namaggo si Tuangnga. Wuṛṛu i Tuangnga naungnge mapia atonna nirumanta isindi. Orassa indi yami nambo uaammulle isindi su saruannu Ruata madaringikka apa apan niapasilon Ruata si Tuangnga iapa'asingkatta si yami.”

LUKAS 16:14

Manga taumatan Farisi naaringikka al᷊awo'u wisara apan niwisara Mawu Yesus. See i mangitou nilumagen Tou, ana waugu i mangitou wal᷊iun roitta.

MATIUS 19:22

Naaringikka manga wisara udde, taumata umbasanna udde napul᷊ete ringannu naungnga massusa ana waugu i tou taumata tumaniten ala.

MATIUS 6:24

“Tawe saran sangkatou taumata maamanara su ruang katou mawu. Ana waugu i tou sarun lembo marangngu sangkatou wuassu sangkatou apan baine. Ara'e i tou lembo matuṛṛutta su mawune apan sambau wuassu mawune apan baine. Aroddi lai matataṛṛino si yamiu. I yamiu tawe maappammanara manara su Ruata wuṛṛu su darotongnga lai.

YEHEZKIEL 22:27

Manga tembonanne su pamarenta ere serigala apan mammaṛṛu wiakke. I mangitou ma'ola'a pamamate tumba'u ana maddea'a auntunganna.

YEHEZKIEL 14:1

Manga pira wuassu piaṛṛa'u walahannu Israel nirumanta ringangku ma'iwal᷊o apulu Mawu.

DARALO 119:36

Onggol᷊ewe i ya'u apulu tumuṛṛutta parenta-Nu, nilumambalanna wuassu apulu mabbal᷊i ala.

YEREMIA 12:2

I'o nassuanni mangitou ere sinuananna, ana see i mangitou nakkamutta, tinumuwo, wuṛṛu nabbua. I mangitou sidutu mabbisara wisara mangkapia su ola'u watangan-Nu, arawe sulal᷊ummu naungnga, i mangitou tawe mappandumma Si'o.

YEHEZKIEL 22:13

Arawe orassa indi i Ya'u sarun mandissa manga mangangaṛṛo wuṛṛu mamamate si yamiu.

EZRA 4:14

I yami pia utangngu si Tuangnga wuṛṛu maddiri ma'ellega i Tuangnga ruggianna. Ana waugu udde i yami maddorongnga,

YESAYA 42:20

Israel, manambo apan aellehannu, arawe i'o tawe manutukka, tal᷊inganu wawu'anna, arawe i'o tawe maddaringikka.”

YEREMIA 42:21

Orassa indi i ya'u buatte namasingkattu tanata Mawu Ruatang kite si yamiu, arawe i yamiu maddiri tumuṛṛutta tanata udde.