YEHEZKIEL 33:30 - WUKE SUSI WATTI'U AL᷊AL᷊USASSA

³⁰ Mawu nabbisara, “Ei taumata apan mattate, i'o nabbal᷊ite ipaggahatton taumata sambalahannu sutempo i mangitou pasi passomba marani manga tanda batun soa ara'e su saruannu manga ngaran bal᷊e. I mangitou nabbisara sangkatou ringannu waine, ‘Wette i ite maddaringikka tanata Mawu allo indi.’

YEHEZKIEL 33:30 Referans Kwoze

MATIUS 15:8

‘Arendi wisaran Ruata: Manga taumata udde tumba'u massubba Si Ya'u ringannu manga wisara, arawe naungngi mangitou marau wuassia-U.

YEREMIA 23:35

Mawal᷊i'a, sauapan taumata ṛinone maiwal᷊o hawene wuṛṛu amonanne, ‘Apa sasimbakku Mawu?’ ara'e ‘Apa apan niwisara Mawu?’

YESAYA 58:2

I mangitou massubba si Ya'u miallo-miallo, wuṛṛu maapulu maasingkatta apulu-U, paṛṛimaunapa i mangitou ma'ola'a apapia, wuṛṛu satia su tita-U. I mangitou mabbisara manungku i mangitou mal᷊uassa massubba si Ya'u wuṛṛu maapulun tita-Ku apan matul᷊idda.”

YESAYA 29:13

Mawu nabbisara, “Manga taumata udde tumba'u massubba si Ya'u ringannu manga wisara, arawe naungngi mangitou marau wuassi Ya'u. Agama mangitou tumba'u atorannu taumata apan wotongnge ihapalle.

YEREMIA 42:20

manungku i yamiu buatte na'ola'a sambau pasasal᷊a apan wahewalla. I yamiu sussal᷊ande tadea'u i ya'u umal᷊iomanna su Mawu Ruatang kite hunang kamiu, wuṛṛu i yamiu naddiandi mapaamattu sarangkanambone apan niwisara Mawu.

YEREMIA 18:18

Taumata mabbisara, “Wette i ite ma'ammulle lumawangnga si Yeremia. Wal᷊ine tumba'u i tou apan botongnge maggahatton Duata. Sidutu sarun pia imam apan botongnge mangonggollu al᷊aṛṛa'a, pia taumata pande apan botongnge mangonggollu tatantiro; wuṛṛu pia nabi apan wotongnge mamasingkatta si ite manga tanata wuassu Ruata. Wette i ite mangalaen tou su mallaṛṛuungnga wuṛṛu lai maddirite maddaringikka manga wisarane.”

YEHEZKIEL 14:3

“Ei taumata apan mattate, manga taumata indi buatte nanantillu watanganne su paal᷊uanna na'oman sara i mangitou nanawote sulal᷊ummu rosa. Manui mangitou maiwal᷊o si ya'u?

YEHEZKIEL 20:3

“Ei taumata apan mattate, pabbisarate si manga piaṛṛa'a udde wuṛṛu wal᷊oa'a manungku i Ya'u, Mawu Apan Atanggaṛṛanne nabbisara arendi, ‘Waṛṛani atonna i yamiu maddorongnga tatantiro si Ya'u! Ringannu arang-Ku, Ruata apan biakka, i Ya'u maddiri paddorongannu tatantiro! I Ya'u, Mawu Apan Atanggaṛṛanne buatte nabbisara.’

YEHEZKIEL 20:31

Ewe'e naddatingngu orassa indi lai i yamiu mandantinnu watangannu ringannu nangapiddu sasamba wuṛṛu nanambunnu manga anangngu maola'a sasamba su manga paal᷊uanna. Ana see ta'e lai waṛṛani i yamiu maddorongnga tatantiro wuassia-U? Sulal᷊ummu arang-Ku, Ruata apan biakka, Mawu Apan Atanggaṛṛanne, i yamiu tawe Ta'u iwala madorongnga tatantiro wuassia-Ku.

YEHEZKIEL 33:29

Sutempo i Ya'u makkuumannu walahanna udde ana waugu manga rosa mangitou wuṛṛu ma'ola'a wanua udde mal᷊anna-l᷊annabba, i mangitou masingkatte manungku ete i Ya'u Mawu.”