YEHEZKIEL 33:28 - WUKE SUSI WATTI'U AL᷊AL᷊USASSA

²⁸ Wanua udde sarun Ta'u olaanna wadda'u anne apan mal᷊annabba, wuṛṛu taṛṛino apan ipammunga mangitou sarun masue. Manga wowone su Israel sarun mabbal᷊i mal᷊annabba ma'oman sara tawe saran sangkatou waṛṛani umamatta isudde.

YEHEZKIEL 33:28 Referans Kwoze

YEHEZKIEL 7:24

Manga walahanna apan aṛṛagisanne sarun Ta'u iaparanta iapaatana'a su manga wal᷊enu. Manga taumata awaṛṛanianne apan atohasanne sarun mangindo napawe manga walahanna udde Ta'u iwala manggohakka manga tampa patataṛṛamawuannu.

MIKHA 7:13

Arawe runia sarun mabbal᷊i lol᷊okka ana waugu al᷊al᷊eon tumanangnge.

YEHEZKIEL 24:21

iapapasingkattu tanata indi si yamiu: I yamiu mammungan atatohassu Wal᷊e Mawu. I yamiu apulune ma'ellega wuṛṛu inai isudde, arawe Mawu sarun mandal᷊eo Wal᷊en-Ne. Wuṛṛu lal᷊oṛṛon amonannu apan ta'e dario'a, apan uatana'a su Yerusalem, sarun pateanna sulal᷊ummu pangalo.

YEHEZKIEL 6:14

Ore, i Ya'u sarun mamaten lima-U wuṛṛu makkimunsa'a wanua mangitou, ma'oman sara maola'a mal᷊annaba, manattakka wuassu Wadda'u Timukka maddatingngu soa Ribla su sawannakka. Wuassu manga tampa apan wawanuannu taumatan Israel, taweddu saran sambau apan iapaasal᷊amatta. Ne anambon taumata masingkatte manungku ete i Ya'u Mawu.”

YEREMIA 44:22

Mawu tate maataṛṛangnga lai ma'ellega si yamiu mangngonggollu sasamba su manga mawu waine. Pallal᷊agunu udde lal᷊eo maarantinna. I yamiu narosa su lantakku hati Mawu wuṛṛu tawe tumuṛṛutta manga parenta-Ne. Ana waugu udde orassa indi lai wanuanu naṛṛimunsa'e na'oman sara tate atanaanna apia, wuṛṛu aranne iapaatta maola'a wawontoga. Taumata apan naasilo naapendamma atata'utta.”

YEREMIA 44:6

Ana waugu udde i Ya'u napasabbangngu asasa'u-U wuṛṛu al᷊al᷊eo naung-Ku su manga soan Yehuda wuṛṛu manga lal᷊anna su Yerusalem. Sarangkanambone Ta'u nisoṛṛobba na'oman sara nabbal᷊i ete manga tuidda wuṛṛu nal᷊ol᷊okka ere lai aellehanna orassa indi.

YEREMIA 44:2

Eteindi tanata Mawu Apan Lembontaṛṛino, Ruatan Israel, si mangitou, “I yamiu sassane buatte naasilo asasilaka apan Ta'u niṛṛia'a su Yerusalem wuṛṛu su anambon soa waine su Yehuda. Na'oman sara orassa indi lai manga soa udde ta'e naṛṛimunsa'a tawe tumatanangnge.

YEHEZKIEL 15:8

I mangitou tawe satia si Ya'u, ana waugu udde, leta'a udde sarun Ta'u olaanna wadda'a. I Ya'u Mawu Apan Atanggaṛṛanne buatte nabbisara.”

YEHEZKIEL 12:20

Manga soa apan orassa indi napenen tumanangnge sarun ṛimunsaanna wuṛṛu manga wawail᷊anna sarun mabbal᷊i wadda. Ne i mangitou maasingkatte manungku ete i Ya'u Mawu.”

YEREMIA 25:11

Ahewallu wanua indi sarun Ta'u iwala maṛṛimunsa'a wuṛṛu mabbal᷊i mal᷊annabba. Manga walahanna maranine sarun mattaṛṛamawu ratun Babel pitun pul᷊o su tonnane al᷊annune.

YEREMIA 16:16

Mawu nabbisara, “I Ya'u sarun mamaggo manambo samakka iapasametta manga taumata indi. Wua'udde i Ya'u mamaggo manambo matataṛṛia su iapasametta si mangitou suapan bowone wuṛṛu wuidda, wuṛṛu su manga loṛṛangngu wuidda watu.

YEREMIA 9:11

Mawu nabbisara, “Yerusalem Ta'u olaanna napapussa'a tampa pa'imbuniannu asun ahuranganna. Manga soan Yehuda sarun mabbal᷊i mal᷊annabba, tampa apan tate lai atanaanna.”

YESAYA 6:11

I ya'u naiwal᷊o, “Pira al᷊annune olangnge sarun iapaamatta, Mawu?” I Tou sinumimbakka, “Ma'oman sara manga soa mahohakka abbi sara tate tumatanangnge, manga wal᷊en tate atanaanna lai, wuṛṛu leta'a naola'a tawe loṛṛone wuṛṛu lol᷊okke,

2 TAWARIKH 36:21

Etearoddi natipusse sarangkanambone apan niwisaran Mawu si Yeremia manungku wanua udde sarun maola'a wanua lol᷊okka 70 su tonnane al᷊annune apan maola'a lal᷊anna'u manga allon Sabat apan tawe ilaghu.

YESAYA 41:15

Pa'ellege, i'o Ta'u olaanna ere pappalla pakkindanna, apan bakku, maṛṛoro wuṛṛu isine ruan daddaga. I'o sarun makkinda manga wowone wuṛṛu makkimunsa'a; manga wuidda niolangngu ere wal᷊a'a.

YEREMIA 9:10

I ya'u, Yeremia, nabbisara, “I ya'u lumuaite wuṛṛu lumal᷊o ana waugu nannal᷊o su wadda'a wuṛṛu su manga wowone apan naṛṛangute wuṛṛu naṛṛaggassa see lai tate amatannu taumata. Tingikku winatangnga tate aringiṛṛanna lai, manu'u winalanganna wuṛṛu manga winatangnga waine tinumalangke wuṛṛu nawul᷊ite.”

YEREMIA 18:16

Wanua indi buatte niola'i mangitou tampa apan maata'utta, wuṛṛu sarangkal᷊o'enge maola'a aal᷊uandaga. Sarangkanambone apan umamatta sarun mapapa'ilingngu pua ana waugu matta'utta.

YEREMIA 52:27

su wageangngu Hamat. Poiaroddi i mangitou sassansaranna wua'udde nipate. Etearoddi manga taumatan Yehuda niṛṛootta wuassu wanua mangitou wuṛṛu niapidda su pamuanganna;

YEHEZKIEL 5:14

I'o sarun maola'a manga tuidda wuṛṛu manga walahanna maraninu sarun mangal᷊uandaga si'o; suapan taumata apan sumabbi sarun mangindaunu.

YEHEZKIEL 33:29

Sutempo i Ya'u makkuumannu walahanna udde ana waugu manga rosa mangitou wuṛṛu ma'ola'a wanua udde mal᷊anna-l᷊annabba, i mangitou masingkatte manungku ete i Ya'u Mawu.”

ZEFANYA 1:2

Mawu nabbisara, “I Ya'u sarun manggohakku al᷊awo'u saranapa su runia:

IMAMATTA 26:19

I yamiu tumaniten mawunga, arawe i Ya'u sarun mapaol᷊obbi yamiu. Uranna sarun tawe mangansala, ma'oman sara letangu mabbal᷊i mamara wuṛṛu maatikka ere atta'a.