YEHEZKIEL 33:25 - WUKE SUSI WATTI'U AL᷊AL᷊USASSA

²⁵ Ana waugu Mawu Apan Atanggaṛṛanne nandolo'u napapasingkattu tanata-Ne indi si mangitou, “I yamiu u'inassa ṛemessa apan ta'e pia daṛṛane; i yamiu massubba paal᷊uanna wuṛṛu ma'ola'a pamamate. Waṛṛani atonna i yamiu mangnga'u leta'a indi pussaanu.

YEHEZKIEL 33:25 Referans Kwoze

TAHIUL᷊E 12:16

Tumba'u imbaṛṛangnga daṛṛane inasanna, arawe ṛinone iwoso su leta'a ere namoson ua'e.

PANDARIADDI 9:4

Tumba'u sambau apan tawe wotongnge annananni yamiu eteudde ṛemessa apan ta'e pia daṛṛane, ana waugu niawane udde ta'e sulal᷊ummu daṛṛa.

YEHEZKIEL 22:27

Manga tembonanne su pamarenta ere serigala apan mammaṛṛu wiakke. I mangitou ma'ola'a pamamate tumba'u ana maddea'a auntunganna.

YEHEZKIEL 22:6

Anambon piaṛṛa'u Israel mangngasakku atatohanne sassane wuṛṛu ma'ola'a pamamate.

YEHEZKIEL 18:6

I tou sarun tawe massubba paal᷊uannu taumatan Israel ara'e umanna sasamba su manga tampa passubbanna manga monganna. I tou tawe saran paassa mamono'a awingngu taumata waine ara'e matiilla suadio'a ringannu wawine apan tantal᷊anna a'amatannu radda'u wawine.

IMAMATTA 3:17

Taumatan Israel imbaṛṛangnga umanna tawa ara'e daṛṛa. Atoranna udde iapaamatta saran mal᷊annu-l᷊annu wuṛṛu tattuṛṛutannu suapan taumatan Israel apan uatana'a su al᷊awo'u tampa.

WATTI'U MANGA RASUL 21:25

Arawe su ola'u taumata apan wal᷊ine taumatan Yahudi apan nangngimante Mawu Yesus, i yami suete napaapiddu suratta si mangitou su ola'u ṛaṛṛawessu hattong kami, manungku imbaṛṛangnga umanna anna apan suete pinassubba paal᷊uanna, tawe wotongnge ma'inumma ṛaṛṛa, ara'e uminassa winatangnga apan nate niattongnga; wuṛṛu tawe wotongnge ma'ola'a inolaanna apan lal᷊eo.”

WATTI'U MANGA RASUL 15:29

imbaṛṛangnga umanna anna apan suete pinassubba paal᷊uanna; imbaṛṛangnga ma'inumma ṛaṛṛa, imbaṛṛangnga uminassa ṛemessu winatangnga nate niattongnga, wuṛṛu paaraun inolaanna apan lal᷊eo. Amungkangngu i yamiu mangindaun watanganni yamiu wuassu manga inolaanna udde, i yamiu suete na'ola'a apapia. Na'omate isindi, tabea!”

YEHEZKIEL 22:9

Suwallattu tumanangngu pia manga taumata taṛṛa sondo apan apulune mallobbossa taumata waine tadea'u iṛṛuumanna pateanna. Piaddu lai apulune u'inassa ṛemessa apan buatte nionggolla su manga monganna. Piaddu lai apulune ma'ola'a pasasandaga.

YEHEZKIEL 18:15

Ana'a udde maddiri massubba paal᷊uannu taumatan Israel, ara'e umanna sasamba apan nionggolla su manga tampa pasasubbanna manga monganna. I tou taambe namono'a awingngu taumata waine,

YEHEZKIEL 18:12

I tou apulune mallinga taumata asiangnga, mangngaṛṛo, mangnganu saranapa wataṛṛun taumata apan nabballassa si tou. I tou inaite su manga kuillu taumata apan tawe maaillal᷊a Mawu wuṛṛu massubba paal᷊uanna apan ma'arantinna.

YEHEZKIEL 9:9

Ruata sinumimbakka, “Manga taumatan Israel wuṛṛu Yehuda buatte na'ola'a rosa apan bahewalla. I mangitou na'ola'a pamamate su al᷊awo'u tampa, wuṛṛu Yerusalem nikotorannu al᷊al᷊eo. I mangitou mabbisara manungku i Ya'u, Mawu, buatte nanantangngu wanua indi na'oman sara tate maasilo inolaanni mangitou.

DARALO 24:4

Taumata apan ṛingiranne wuṛṛu inolaanne tawe sangkule, apan tawe massalu awusu wuṛṛu tawe massubba paal᷊uanna.

TAHIUL᷊E 4:19

Ariete i yamiu marosa ana waugu massubba wuṛṛu mattaṛṛamawu su al᷊awo'u apa apan niasiloanni yamiu su langitta; matannallo, wul᷊anna wuṛṛu manga anumpitanna. Mawu Ruatanu namalan manga walahanna waine massubba manga saranapa udde.

IMAMATTA 19:26

Imbaṛṛangnga ma'inumma daṛṛa. Imbaṛṛangnga mappaattu manga wal᷊i'immata.

TAHIUL᷊E 12:23

Arawe ṛemessa apan ta'e pia daṛṛane tawe wotongnge inasanna, ana waugu niawa udde sulal᷊ummu daṛṛa, wuṛṛu i yamiu tawe wotongnge uminassa niawa suadio'a ual᷊omega ringannu ṛemessa.

TAHIUL᷊E 15:23

Daṛṛane imbaṛṛangnga inasanna, arawe ṛinone iwoso su leta'a ere namoson kua'e.”

YEREMIA 7:21

Mawu nabbisara, “Ei uma-U, i yamiu masingkatta manungku apan itattambunni yamiu su wowo mezbah ṛinone itambunna ma'oman sara masue, wuṛṛu sasamba waine wotongnge anananni yamiu. Arawe i Ya'u, Mawu mabbisara, sal᷊amatte umanna sarangkanambone!

IMAMATTA 7:20

Amungkangngu taumata uminassa ṛemessa udde su tempo i tou tantal᷊anna nassal᷊a, i tou tate lai mareengnga al᷊aṛṛana'u Ruata.

IMAMATTA 7:21

Amungkangngu sangkatou uminassa ṛemessu sasamba udde napawe i tou buatte nangeṛṛetta saranapa apan ipappalli, mawae udde wuassu taumata ara'e lai wuassu binatangnga, i tou tate lai mareengnga al᷊aṛṛana'u Ruata.

YEREMIA 7:15

I yamiu sarun Ta'u limbuaṛṛanna wuassu saruang-Ku ere lai Ya'u buatte nallimbuakka manga amonannu, umattu Israel.”

YEHEZKIEL 22:3

Mawu Apan Atanggaṛṛanne nandolo'u niapapasingkattu tanata indi su Yerusalem, “I'o nassal᷊a ana waugu buatte namate wuassu tumanangngu sassane, wuṛṛu buatte nandal᷊eo watangannu ringannu massubba manga paal᷊uanna niolangngu sassane. Ana waugu udde tempo pakkuungannu maranite wuṛṛu su ola'u watangannu maranite masue. I'o Ta'u iwala maola'a punnu aal᷊uandaga wuṛṛu papal᷊age su manga walahanna wuṛṛu su anambon banua.

YEHEZKIEL 36:18

Ta'u niapasabbanga asasa'u-U si mangitou ana waugu i mangitou buatte na'ola'a manambo pamamate su leta'a udde wuṛṛu nandal᷊eo ringannu massubba manga paal᷊uanni mangitou.