YEHEZKIEL 32:30 - WUKE SUSI WATTI'U AL᷊AL᷊USASSA

³⁰ Anambon parinsi wuassu sawannakka udde poiaroddi, aroddi lai manga taumatan Sidon. Dorone taṛṛino mangitou nandatan atata'utta, arawe orassa indi i mangitou niapaasili wuṛṛu ringannu tawe nisunatta sinumossokka su runian taumata nate suadio'a ringannu manga taumata nate sulal᷊ummu pangalo. Poiaroddi i mangitou ual᷊allowangnga wuṛṛu uapasanna pasasal᷊a su sampunna ringannu manga taumata apan sinumossokka su runian taumata nate.

YEHEZKIEL 32:30 Referans Kwoze

YEHEZKIEL 38:6

Anambon tummanaṛṛanne wuassu manga wanua Gomer wuṛṛu Bet-Togarma su sawannakka, inaite suaddio'a ringanni tou wuṛṛu manambo walahanna waine tinumantalonga lai.

YEHEZKIEL 39:2

I Ya'u sarun mamal᷊elongi tou, wuṛṛu mangapiddi tou sumabbanga wuassu leta'a marau su sawannakka, watukku manga wowonen Israel.

YEHEZKIEL 38:15

I'o nabbuatta wuassu tampa atatanaannu, marau su sawannakka, tatantalongannu tantara apan bahewalla wuṛṛu matohassa sarangkanambone tantara uasa'e awal᷊o wuassu al᷊awo'u hatin balahanna.

YEHEZKIEL 28:21

“Ei taumata apan mattate, wontehete soa Sidon.

YEREMIA 1:15

I Ya'u sarun mandolokku anambon walahanna su samba'an sawannakka rumanta mangaṛṛo Yerusalem. Manga darandungnga apan uapal᷊iwutta soa indi see lai manga ngaran pasallangannu wahewalla wuṛṛu anambon soa su Yehuda sarun aṛṛoanni mangitou.

YEHEZKIEL 26:20

Ana see i'o Ta'u iiringnga watukku runian taumata nate tadea'u iapaammulu manga taumata wuassu tempon al᷊amona. Ta'u iwala i'o mamanua su runian taumata nate udde, su pattangngannu lanna'u winalalanna sarangkalo'engnge, suadio'a ringannu taumata nate. Ne letangngu tate atanaanna apia, wuṛṛu i'o tate ireengnga suwallattu taumata wiakka.

YEHEZKIEL 28:10

I'o sarun mate ere lai taumata dal᷊ebone ana waugu nipaten taumata raho apan tawe maaillal᷊a Ruata. I Ya'u, Mawu Apan Atanggaṛṛanne buatte nabbisara.”

YEHEZKIEL 28:23

I Ya'u sarun mandantan al᷊aṛṛusa'itta, wuṛṛu mamalan daṛṛa mangngelekka su manga lal᷊annu. I'o sarun pangaloannu seetta wuassu al᷊awo'u pappi'uanne, wuṛṛu tumanangngu sarun pateanna. Ne i'o masingkatte manungku ete i Ya'u Mawu.’ ”