YEHEZKIEL 32:27 - WUKE SUSI WATTI'U AL᷊AL᷊USASSA

²⁷ I mangitou tawe nilabbingnga ringannu mawantuga ere pahlawanna sutempo dorone apan sinumossokka su runian taumata nate ringannu ahidda nasuungnga. Manga pahlawanna udde nilabbinga ringannu hal᷊ele aillul᷊unanna wuṛṛu allungnga uarandanga su ro'o Sutempo ta'e wiakka, manga pahlawanna udde matohassa na'oman sara mammata'utta al᷊awo'u taumata.

YEHEZKIEL 32:27 Referans Kwoze

YEHEZKIEL 32:21

Manga pahlawanna apan waṛṛani wuṛṛu manga taumata apan napapangalo nanamba'a Mesir mannal᷊oho ringannu lulluassa darantan taumata Mesir su runian taumata nate. I mangitou u'ui arendi, ‘Manga taumata apan waggan Duata udde natete sulal᷊ummu pangalo. Orassa indi i mangitou nirumantate isindi wuṛṛu tinumatterete isindi!’

DARALO 109:18

Si tou mantal᷊a udde inolaanna inanaramanna, ere lai i tou malluṛṛen laubba. Wala'e tatal᷊a udde umallinna ere ua'e su waddange, wuṛṛu ere lana umisippa sulal᷊ummu manga duṛṛine.

AYUB 20:11

Salaiwe i tou dario'a wuṛṛu matohassa, arawe tal᷊angkadio'a lai i tou maola'a awu sassane.

2 KORINTUS 10:4

Manga ahidda apan ipappaatti yami sulal᷊ummu manaran kami wal᷊inewe ahidda wuassu runia indi, arawe ahidda wuassu Ruata uataṛṛino. Ringannu manga ahidda udde i yami maṛṛimunsa'a manga tampa mangitou; i yami manniko'u manga patatatiakka

YOHANES 8:24

Ana waugu udde i Ya'u mabbisara si yamiu, manungku i yamiu sarun mate sulal᷊ummu manga rosanu. Wuṛṛu atonna i yamiu sarun mate sulal᷊ummu manga rosanu, amungkangngu i yamiu tawe mangngimanna manungku, ‘ete i Ya'u i Tou apan isassago I YA'U INDI’. ”

YEHEZKIEL 18:20

Taumata apan ma'ola'a rosa, ete i tou apan sarun mate. Ana'a sarun tawe mamasanna pangillul᷊eannu pasasal᷊an iamange; ewe'e, iamange lai sarun tawe mamasanna pangillul᷊eannu manga rosan anange. Taumata apan mapia sarun maasomba bawal᷊inne apan mapia ana waugu inolaanne apan mapia. Wuṛṛu taumata apan dal᷊eo sarun matataṛṛanga ana waugu pangillul᷊eannu al᷊al᷊eone.

YESAYA 54:17

Arawe suapan lutangnga apan nisassalla ipando'appa si'o, sarun tawe ma'apate. Wuṛṛu suapan a'ansilla sulal᷊ummu pallaṛṛuungnganna sarun iapasingkannu nassal᷊a. I Ya'u sarun mangonggollu auntunganna su manga allang-Ku,” etearoddi wisara Mawu.

AMSAL 14:32

Taumata lal᷊eo nate ana waugu al᷊al᷊eo, taumata mapia nilu'arannu apapiane.

DARALO 92:9

ana waugu I'o, Mawu, uataṛṛino sarangkal᷊o'engnge.

DARALO 92:7

Taumata woddo tawe maasunna, taumata longonna maaṛṛingidda.

DARALO 49:14

Etearoddi pal᷊addu taumata apan mangngasakku watanganne, wuṛṛu allo addantane su taumata apan nawusaten wisarane.

YEHEZKIEL 32:28

Etearoddi taumata Mesir sarun ilabbinga wuṛṛu iapatattere su tangnga manga taumata apan wagga Duata wuṛṛu nate sulal᷊ummu pangalo.

YESAYA 14:16

I mangitou apan uatana'a isudde sarun ma'ellega wuṛṛu manutudda si'o. I mangitou sarun maiwal᷊o, ‘Eteindi taumatane apan mangngio'u runia wuṛṛu mappahahio manga araratuanna?

YEHEZKIEL 26:17

Wua'udde i mangitou mangantarin aantari pallal᷊abinga indi si'o: Naṛṛimunsa'e soa apan raddal᷊oanna! Al᷊awo'u apalla nisahangginna wuassu laudda. Tumanangnge dorone uataṛṛino su tahal᷊oangnga na'oman sara taumatan sahatta matta'utta.