YEHEZKIEL 32:21 - WUKE SUSI WATTI'U AL᷊AL᷊USASSA

²¹ Manga pahlawanna apan waṛṛani wuṛṛu manga taumata apan napapangalo nanamba'a Mesir mannal᷊oho ringannu lulluassa darantan taumata Mesir su runian taumata nate. I mangitou u'ui arendi, ‘Manga taumata apan waggan Duata udde natete sulal᷊ummu pangalo. Orassa indi i mangitou nirumantate isindi wuṛṛu tinumatterete isindi!’

YEHEZKIEL 32:21 Referans Kwoze

YEHEZKIEL 32:27

I mangitou tawe nilabbingnga ringannu mawantuga ere pahlawanna sutempo dorone apan sinumossokka su runian taumata nate ringannu ahidda nasuungnga. Manga pahlawanna udde nilabbinga ringannu hal᷊ele aillul᷊unanna wuṛṛu allungnga uarandanga su ro'o Sutempo ta'e wiakka, manga pahlawanna udde matohassa na'oman sara mammata'utta al᷊awo'u taumata.

YEHEZKIEL 32:19

Wal᷊oa'e si mangitou, ‘Su sunnanu ete i yamiu apan aṛṛamahanne? I yamiu sarun lumintikka su runian taumata nate, wuṛṛu iapal᷊allowanga suwallattu manga taumata apan tawe maaillal᷊a Ruata.’

YESAYA 1:31

Naal᷊ihidda laṛṛami natutungngu waṛṛan putungnga, aroddi lai manga taumata apan uataṛṛino sarun iapawinasa ana waugu inolanni mangitou sassane apan tumaniten dal᷊eo, wuṛṛu taweddu wotongnge mapaillol᷊on awawinasa udde.

AMSAL 14:32

Taumata lal᷊eo nate ana waugu al᷊al᷊eo, taumata mapia nilu'arannu apapiane.

DARALO 55:15

Dorone i ite uahahawe ringannu mapia, wuṛṛu wotongnge mattaṛṛamawu suadio'a su Wal᷊en Mawu.

DARALO 9:17

Mawu buatte napal᷊iatta'u watangan-Ne ana waugu raṛṛawen-Ne apan matul᷊idda. Taumata lal᷊eo nawontolla sulal᷊ummu inolaanne sassane.

YEHEZKIEL 31:18

Aaluanna udde sasummandingngu ratu Mesir wuṛṛu walahanne. Tawe aaluanna su Eden apan aroddi atanggakke wuṛṛu mawantuga. Arawe orassa indi, ere manga aaluanna lai su Eden, aaluanna udde lai sarun sumossokka watukku runian taumata nate wuṛṛu maammulli mangitou apan tawe maaillal᷊a Ruata wuṛṛu ringanni mangitou apan nate sulal᷊ummu pangalo. I Ya'u, Mawu Apan Atanggaṛṛanne buatte nabbisara.”