YEHEZKIEL 31:9 - WUKE SUSI WATTI'U AL᷊AL᷊USASSA

⁹ Ete i Ya'u apan na'ola'a si tou maṛṛansangnga ringannu manga rannane apan mal᷊o'engnga wuṛṛu masaṛṛihalo. Al᷊awo'u aal᷊uanna su wawail᷊annu Ruata mannaungnga lal᷊eo si tou.

YEHEZKIEL 31:9 Referans Kwoze

YEHEZKIEL 28:13

Tampa atatanaannu su Eden, wawail᷊annu Ruata. Laungngu lal᷊ogaṛṛannu al᷊awo'u permata: watun delima wuṛṛu intan, topas, watu pirus, watu yakut, ratna, cempaka, watu nilam, zamrud wuṛṛu watu alkali maṛṛamu. Lal᷊ogakka wul᷊awannu lai manambo. Manga saranapa udde niola'a hausannu su allo i'o niriaddi.

YESAYA 51:3

Yerusalem, i Ya'u sarun malluassa si'o, wuṛṛu sarangkanambone apan uatana'a su winalal᷊annu. Manga wadda'a apan mamara Ta'u olaanna wailla, naal᷊ihidda Eden, wawail᷊ang-Ku apan masuwukka. Isudde taumata sarun lumuassa wuṛṛu lumala'a wuṛṛu ma'adiangkamanna ringannu manga aantari.

PANDARIADDI 13:10

I Lot nanaile leta'a apan uapal᷊iwutta si tou wuṛṛu i tou naasilo manungku ahewallu Wawal᷊annu Yordan, maddatingngu soan Zoar manambo ua'ene, naal᷊ihidda Waillu Mawu ara'e naal᷊ihidda leta'u Mesir. (Etearoddi olangnge tantal᷊anna Mawu taambe naṛṛimunsa'a manga soan Sodom wuṛṛu Gomora.)

ZAKARIA 11:2

Ei punnu daru, lalluaite, ana waugu naṛṛaate manga punnu alu cemara, manga aaluanna apan matohassa nawansalle. Ei manga aaluanna masallakka su Basan, lalluaite. Ana waugu manga mahurangnge mal᷊alangnga buatte niwabbassa mal᷊aukka.

DANIEL 2:21

Ete i Tou apan mannantunnu watianna wuṛṛu tempo, i Tou mannal᷊inggi wuṛṛu mannenegu tembonanne. Ete i Tou lai apan mangngonggollu asingkatta, see mangngonggollu pasasunna.

YEHEZKIEL 31:18

Aaluanna udde sasummandingngu ratu Mesir wuṛṛu walahanne. Tawe aaluanna su Eden apan aroddi atanggakke wuṛṛu mawantuga. Arawe orassa indi, ere manga aaluanna lai su Eden, aaluanna udde lai sarun sumossokka watukku runian taumata nate wuṛṛu maammulli mangitou apan tawe maaillal᷊a Ruata wuṛṛu ringanni mangitou apan nate sulal᷊ummu pangalo. I Ya'u, Mawu Apan Atanggaṛṛanne buatte nabbisara.”

YEHEZKIEL 31:16

Sutempo aaluanna udde Ta'u niapasossokka su runian taumata nate, tingikku aemangnge sarun mangio'u manga walahanna. Anambon aaluanna su Eden wuṛṛu manga aaluanna apan nipile su Libanon apan naasomba ua'e manambo-nambo, wuṛṛu apan sinumossokke su runia al᷊iuwowane sarun lumuassa ringannu aema'u aaluanna udde.

YEHEZKIEL 17:24

Al᷊awo'u alu su wanua sarun maasunna manungku ete i Ya'u Mawu. Alu apan al᷊angkasanne Ta'u tuwanganna; alu apan mawawo Ta'u iapatuwo matanggakka. Alu apan mapia ta'u iapaaṛṛagassa; wuṛṛu alu apan naṛṛangu Ta'u onggol᷊annu lal᷊uwo wuṛṛu bungane. I Ya'u, Mawu, buatte nabbisara, al᷊awo'u wisara-U sarun matipussa.”

YEHEZKIEL 17:22

Eteindi apan niwisara Mawu Apan Atanggaṛṛanne, “Wuassu punnu alu cemara apan al᷊angkasanne, sarun ta'u sappoanna lal᷊uwone see Ta'u paddianna sambau rannane apan ta'e wakku; Ta'u isuanna ranna udde su wowone apan manunggakka watukku winabbawa.

YEHEZKIEL 16:14

Anambon balahanna maddalo araṛṛamagu nasuungnga udde, wuṛṛu ete i Ya'u apan na'ola'a si'o maṛṛamaga. I Ya'u Mawu Apan Atanggaṛṛanne buatte nabbisara.

YESAYA 55:12

I yamiu sarun manantangngu Babel ringannu al᷊al᷊uassa, wuṛṛu iuntudda sumabbangnga ringannu sal᷊amatta. Wowone wuṛṛu wuidda sarun lumuassa wuṛṛu maggio, manga aal᷊uanna su wawail᷊anna mattal᷊o'appu lima.

MANNANASE 4:4

I ya'u masingkatta lai manungku taumata mammanara aroddi asahadde, tumba'u ana waugu naungnge lal᷊eo maasilo hessin manaran al᷊indonganne. Sarangkanambone udde atonna tawe gunane ere manara mangngenggenna anginna.

AMSAL 27:4

Asasa'u udde maṛṛaggissa wuṛṛu maasongkakka, arawe sumaruanna lu'adda isai maataṛṛangnga?

1 SAMUEL 18:15

Napawe i Saul naasilo manungku i Daud sidutu ma'ola'a manarane, ne i tou lembon matta'utta.

SASABANGNGA 9:16

Arawe i yamiu Ta'u iwala wiakka, tadea'u i Ya'u wotongnge mapaal᷊iatta'u taṛṛino-U si'o, na'oman sara arang-Ku tinumelengke su ahewallu runia.

PANDARIADDI 37:11

Manga iaangngi Yusuf piate naungnga lal᷊eo si tou, arawe iamangnge sidutu maṛṛingiddu wal᷊iawa udde.

PANDARIADDI 26:14

Taumatan Filistin naungnge lal᷊eo si tou ana waugu i tou uatahuanna manambo allangnga, ammul᷊annu domba wuṛṛu sapi.

YEHEZKIEL 36:35

Ne anambon taumata sarun tumiangnga, ana waugu leta'a apan tanginna maṛṛasa udde orassa indi nawal᷊ute nabbal᷊i wawail᷊annu Eden, wuṛṛu manga soa apan tanginna mal᷊annabba, naṛṛimunsa'a wuṛṛu naola'e manga winalal᷊anna, orassa indi naola'e manga soa apan matohassa taṛṛapane wuṛṛu manambo tumanangne.