YEHEZKIEL 31:14 - WUKE SUSI WATTI'U AL᷊AL᷊USASSA

¹⁴ Sarangkanambone udde mariaddi tadea'u manattakka orassa indi, tate lai aaluanna apan tumuwo atanggakke ereudde; tate lai puiddu aal᷊uanna apan maddatingngu winabbawa salaiwe maasomba ua'e manambo-nambo. Sarangkanambone sarun mate ere taumata apan mattate, wuṛṛu maammullu manga taumata apan buatte sinumossokka su runian taumata nate.”

YEHEZKIEL 31:14 Referans Kwoze

2 PETRUS 2:6

Uasul᷊ungnga lai ere Sodom wuṛṛu Gomora: Ruata nanutungnga manga soa udde ringannu putungnga tadea'u maola'a tul᷊ada su ola'u apa apan sarun mariaddi su manga taumata lal᷊eo.

1 KORINTUS 10:11

Sarangkanambone udde mariaddi si mangitou, maola'a tul᷊ada su manga taumata waine. Wuṛṛu sarangkanambone udde uawoṛṛetta lai, maola'a pananaunganna si ite. Ana waugu i ite orassa indi mabbiakka su tempo panginsueanne.

YEHEZKIEL 26:20

Ana see i'o Ta'u iiringnga watukku runian taumata nate tadea'u iapaammulu manga taumata wuassu tempon al᷊amona. Ta'u iwala i'o mamanua su runian taumata nate udde, su pattangngannu lanna'u winalalanna sarangkalo'engnge, suadio'a ringannu taumata nate. Ne letangngu tate atanaanna apia, wuṛṛu i'o tate ireengnga suwallattu taumata wiakka.

DARALO 82:7

Arawe i yamiu sarun mate ere taumata, ere lai manga tembonanne, i yamiu lai sarun nate.”

NEHEMIA 13:18

Ana waugu ete rosa arendi ne Ruata buatte nakkuumannu iupungngu al᷊amonan kite wuṛṛu nakkimunsa'a soa indi. Apa orassa indi i yamiu mapullu lai manamba asasa'un Duata su Israel ringannu mandal᷊eo allon Sabat?”

IBRANI 9:27

Ruata suete nanantuna manungku taumata mate tumba'u paassa wuṛṛu wua'udde parikisannu Ruata.

DANIEL 4:32

I'o sarun limbuaṛṛanna wuassu ammul᷊annu tumana'u soa, wuṛṛu mabbiakka manga winatangnga su wadda'a. Al᷊annune pitu tona i'o sarun umanna nannal᷊o ere sapi. Wua'udde i'o sarun manga'u manungku Ruata Apan Atanggaṛṛanne uataṛṛino su araratuannu taumata wuṛṛu araratuanna udde nionggollu Ruata su anambon taumata apan nipile-Ne.”

YEHEZKIEL 31:18

Aaluanna udde sasummandingngu ratu Mesir wuṛṛu walahanne. Tawe aaluanna su Eden apan aroddi atanggakke wuṛṛu mawantuga. Arawe orassa indi, ere manga aaluanna lai su Eden, aaluanna udde lai sarun sumossokka watukku runian taumata nate wuṛṛu maammulli mangitou apan tawe maaillal᷊a Ruata wuṛṛu ringanni mangitou apan nate sulal᷊ummu pangalo. I Ya'u, Mawu Apan Atanggaṛṛanne buatte nabbisara.”

TAHIUL᷊E 21:21

Ana see manga esakka wuassu soa udde ṛinone manuntungngu watu su ana'a udde ma'oman sara mate. Ringannu aroddi yamiu mangnginsue al᷊al᷊eo udde. Anambon taumatan Israel sarun maaringikka arariadianna udde wuṛṛu mabbal᷊i mata'utta.”

TAHIUL᷊E 13:11

Ne anambon balahannu Israel sarun maaringikka ola'u pamamate udde wuṛṛu mabbal᷊i mata'utta, ma'oman sara tawe saran sangkatou lai apan baṛṛani ma'ola'a al᷊al᷊eo udde.

MATIUS 11:23

Wuṛṛu i yamiu, Kapernaum! Apa i yamiu sarun iapaatanggakka ma'oman sara surga? Tawe! Ewe'e i yamiu sarun iwontolla su naraka! Ana waugu unnu wisara manga al᷊aṛṛindu'a apan niola'a su pattangnganni yamiu udde suete niola'a su Sodom, saran orassa indi ta'e pia Sodom!

EFESUS 4:9

Ne, amungkangu iwisara “I Tou niumawitta” atappasanne manungku i Tou paarorone buatte sinumossokka na'oman sara su tampa awawoanne su runia indi.

REENGANNA 16:30

Arawe amungkangngu Mawu na'ola'a sambau apan taambe saran paassa niaringiṛṛanni yamiu al᷊annune indi, wuṛṛu amungkangngu leta'a mawa'a mangalluppa si mangitou suadio'a ringannu al᷊awo'u darotongngi mangitou, na'oman sara i mangitou masutta ta'e wiakka sulal᷊ummu runian taumata nate, i yamiu maasingkatte manungku manga taumata udde nilumawangnga Mawu.”

REENGANNA 16:33

Ne i mangitou nawontolle ta'e wiakka sulal᷊ummu runian taumata nate ringannu al᷊awo'u darotongngi mangitou. Leta'a apan nawa'a udde nasooppa apia wuṛṛu i mangitou nawul᷊i-wul᷊i nialluppu runia.

AMOS 9:2

Salaiwe i mangitou sumuṛṛi inai watukku runian taumata nate, i Ya'u sarun mamol᷊engnga si mangitou. Salaiwe i mangitou ire'e umawitta su langitta, i Ya'u sarun manossokki mangitou wua poiaroddi.

YUNUS 2:2

“Oh Mawu, sulal᷊ummu asasusa'u i ya'u sumalande Si'o wuṛṛu I'o sinumimbakka si ya'u. Wuassu runian taumata nate i ya'u naddorongnga aontolla, sasal᷊ande'u niraringiṛṛan-Nu wuṛṛu niellehan-Nu.

YUNUS 2:6

I ya'u tinumumpa naddatingngu wantan panenteanna, watukku runia apan ngarane uaṛṛuudda sara panguddusannu tempo. Niawa'u mangke nallome sulal᷊ummu waddangku, ana see i ya'u naanaungnga wuṛṛu sinumal᷊ande Si'o. Ne aal᷊iomangku na'omate ringan-Nu sulal᷊ummu Wal᷊en-Ne apan na'uakkassa. Ana see I'o nabbatunna si ya'u wuassu lal᷊ummu tahal᷊oangnga, oh Mawu Ruata'u!

YESAYA 14:15

Wutte'e i'o niwontolla su wageangnge apan alal᷊umanne wuassu runian taumata nate.