YEHEZKIEL 30:9 - WUKE SUSI WATTI'U AL᷊AL᷊USASSA

⁹ Napawe allo udde nia'omante, wuṛṛu Mesir naṛṛimunsa'e, i Ya'u sarun mandolokku manga daroloṛṛanna ringannu manga apalla ipamaṛṛindu'a manga taumatan Sudan apan tawe antage udde, ne i mangitou sarun mata'utta. Atonna, allo udde sarun dumanta!”

YEHEZKIEL 30:9 Referans Kwoze

YESAYA 23:5

Ewe'e taumata Mesir lai sarun ṛumindu'a wuṛṛu maggio napawe maaringikka manungku Tirus buatte niṛṛimunsa'a.

ZEFANYA 2:15

Ete udde apan sarun mariaddi su soa apan lullala'a udde wuṛṛu massunna watanganne mal᷊angnganne su runia. Al᷊annabbawe eteapa wageangngu leta'a udde, taweddu uatana'a tumba'u manga winatangngu ahuranganna apan massal᷊akka isudde! Suapan taumata apan sumabbi su soa udde sarun ṛuminddu'a wuṛṛu maapendamma atata'utta.

ZEFANYA 2:12

See lai tumana'u Sudan sarun aṛṛiannu ṛuumanna pateanna ṛattangannu Mawu.

AMOS 4:2

I Ya'u, Mawu Apan Atangngaṛṛanne uddewe Mawu apan susi, wuṛṛu i Ya'u sarun maddiandi manungku sal᷊immurine i yamiu wol᷊engannu aaitta; i yamiu sarangkanambone naal᷊ihidda inassa su pe'anna.

YEHEZKIEL 39:6

I Ya'u sarun mandatan soṛṛobba su leta'u Magog wuṛṛu su manga apanne, suapa tumanangnge mabbiakka ringannu matammuda. Ne i mangitou sarangkanambone masingkatte manungku ete i Ya'u Mawu.

YEHEZKIEL 38:11

I'o nakkawessa inai mamangalo wanua apan tawe tanda batune udde, suapa tumanangnge mabbiakka ringannu matammuda wuṛṛu mal᷊angnganna su manga soa apan tawe darandungnge wuṛṛu tawe ahiddu pangalo.

YEHEZKIEL 33:33

Sarangkanambone apan ta'u niwisara udde sarun mariaddi, wuṛṛu napawe tempone nia'omante, i mangitou sarun maasingkatta pia sangkatou nabi suwallatti mangitou.”

YEHEZKIEL 27:35

Anambon taumata apan uatana'a su apanne nata'utta naaringikka ola'u wiakku. Manga ratu mangitou lai lembon matta'utta; atata'utta aasiloanna su manga hati mangitou.

YEHEZKIEL 26:16

Naasilo pal᷊addu pabbiaṛṛannu, manga ratu waussu manga walahanna su winggin sahatta sarun dumarisikka wuassu adderan araratuanna, malluatta juban araratuanna wuṛṛu laubbi mangitou apan pia sujine, see inuma'ianna mangngindo su leta'a. I mangitou lembon matta'utta na'oman sara tawe matammudda.

YEREMIA 49:31

‘Otte inaite! Wette mamangalo manga taumata apan uapendamma mal᷊angnganna wuṛṛu matammudda udde. Soa mangitou tawe lal᷊indumme ana waugu tate ngaran pasallanganne wuṛṛu tate papal᷊ene.’ ”

YEREMIA 49:21

Napawe Edom nanawo, sarun aringiṛṛanna hio apan aroddi ahewalle na'oman sara ahewallu runia niumio'a; manga aintul᷊in tumanangnge sarun aringiṛṛanna sara Tahal᷊oangngu Wungkal᷊o.

YESAYA 47:8

Ana waugu udde paddaringikke si Ya'u, ei i'o apan tumba'u apulune maddea'a lal᷊umanna'a! I'o massunna manungku wiakku matammuda, wuṛṛu taweddu ere i'o. I'o maṛṛingidda tawe maola'a inawaluanna, wuṛṛu papapulunnu tawe mate.

YESAYA 20:5

Manga taumata apan mangngasakku ara'e mangngantimma Sudan wuṛṛu mangngasakku Mesir sarun sumassilla wuṛṛu awul᷊iannu antimma.

YESAYA 20:3

Napawe soa Asdod nipangaloanna, Mawu nabbisara, “Allang-Ku Yesaya tatallute su tonnane uatantol᷊e wuṛṛu tawe sapatune. Indiwe tatialane wuassu apa apan sarun mariaddi su Mesir wuṛṛu Sudan.

YESAYA 19:17

Leta'u Yehuda maola'a paggahahion taumatan Mesir suapan i mangitou tagguannu laṛṛawessu Mawu Apan Lembontaṛṛino su ola'i mangitou.

MAL᷊AṚṚUUNGNGA 18:7

Ana see ingana'a siri lima udde inaite watukku Lais. Isudde i mangitou mannaṛasidda tumana'u soa. Niasingkatanna manungku ola'u pabbiaṛannu tumana'u Lais udde naal᷊ihidda ola'u pabbiaṛannu walahannu Sidon. Salaiwe i mangitou uaṛae, wuṛṛu marau wuassu walahannu Sidon, i mangitou mabbiakka matammuda wuṛṛu mal᷊angnganna, tawe seetta, mabbiakka su lal᷊umanna'a, wuṛṛu tawe urangnge saran sambau.

1 TESALONIKA 5:2

Ana waugu i yamiu sassane masingkatta ringannu masemakka manungku allon darantan Mawu udde sarun rumanta ere taṛṛa ta'o su tempo ṛabbi.

YEHEZKIEL 24:14

I Ya'u, Mawu Apan Atanggaṛṛanne buatte nabbisara. Nia'omante tempone si Ya'u mammanara. I Ya'u sarun tawe maabul᷊in paddarosanu wuṛṛu tawe lai mangampungnga ara'e umakkannu. I'o sarun iṛṛuumanna uasul᷊ungngu al᷊awo'u inolaannu. I Ya'u Mawu Apan Atanggaṛṛanne buatte nabbisara.”

HABAKUK 2:3

Woṛṛeta'e udde ana waugu orassa indi taambe tempone. Arawe tempone udde sarun dumanta, wuṛṛu apa apan Ta'u niapasingkatta si'o mariaddi. Salaiwe pemdamanna ta'e mal᷊annu, arawe paṛṛaddote! Tempo udde sarun dumanta wuṛṛu tawe iasoṛṛota.