YEHEZKIEL 30:21 - WUKE SUSI WATTI'U AL᷊AL᷊USASSA

²¹ “Ei taumata apan mattate, i Ya'u buatte namaddi ta'iakku ratu Mesir, wuṛṛu taweddu apan mama'issa ta'iakke udde ara'e maṛṛamissa tadea'u umul᷊e wuṛṛu mabbal᷊i matohassa ipangagassa hal᷊ele apia.

YEHEZKIEL 30:21 Referans Kwoze

YEREMIA 46:11

Ei tumana'u Mesir, roote watukku Gilead paddea'a undamma! Arawe, salaiwe aroddi tawe undamma apan botongnge maapia si yamiu.

YEREMIA 30:13

Tawe saran sangkatou apan umakkanna maddea'a apapianu, tawe undamma su manga hannenu, tate antimma si'o apan mapia.

YEREMIA 48:25

Atatohassu Moab buatte nipaddi, wuṛṛu taṛṛinone niṛṛimunsa'a. I Ya'u, Mawu, buatte nabbisara.”

DARALO 37:17

Ana waugu taṛṛinon taumata lal᷊eo sarun paddiannu Mawu, arawe taumata mapia sidutu lal᷊uaran-Ne.

YEHEZKIEL 30:24

Ana see Ta'u tohassanna ta'iakku ratun Babel, wuṛṛu Ta'u iaddo hel᷊ele-U su limane. Arawe ta'iakku ratu Mesir sarun Ta'u paddianna ma'oman sara i tou sumal᷊iomanna wuṛṛu mate su saruannu ratun Babel, seenne.

DARALO 10:15

Paddite taṛṛinon taumata lal᷊eo wuṛṛu mal᷊awangnga; ṛuumana'e i mangitou ana waugu inolaanne ma'oman sara i mangitou mawal᷊u.

SONDAPPA 18:21

Napawe wua'udde, sangkatou mala'ekatta apan matohassa namengketa sambau watu – ere ahewallu watung gahilinganna apan wahewalla – see tinuntunga watukku tahal᷊oangnga lapiddu nabbisara, “Arendi olangnge soam Babel apan tinumelengke udde sarun iramme ringannu ma'ikkatta ma'oman sara tate asombanganna apia.

NAHUM 3:16

Manga mabbawal᷊ungngu anambone nangillembo wuassu manga anumpitanna su langitta! Arawe orassa indi i mangitou nawul᷊i ere saṛṛappalanna apan nani'akka papaidde see tinumalla'a tate asiloanna.

YESAYA 1:6

Wuassu pua maddatingngu pal᷊addu ledda taweddu mapia su waddangngu. I yamiu napenen manga hanne, manga liwitta wuṛṛu manga lessa. Manga lessanu udde taambe niwaresi ara'e niwa'issa, tawe lai niundamannu lana.

YEREMIA 44:30

Hofra ratun Mesir sarun Ta'u itanttilla su manga seetta apan mappulu mamate si tou, ere lai Ya'u nanantilli Zedekia ratun Yehuda si Nebukadnezar ratun Babel, seenne apan mappandumma mamate si tou.”

YEHEZKIEL 39:3

Isudde sarun Ta'u puul᷊anna darangeanne ma'oman sara mapallossa wuassu limane aiṛṛi, wuṛṛu Ta'u iapaema'a manga anaanna wuassu limane aikkatanne.

ZAKARIA 11:17

Niawontohante mallal᷊u'adda apan tawe gunane udde! It ou buatte nanantangngu ammul᷊annu dombane. Ta'iakke sarun mabbal᷊i lome wuṛṛu mata aikkatanne mabbal᷊i wuta.”

DARALO 89:43

I'o nangonggolu auntunganna su manga seenne, wuṛṛu na'ola'a anambon ro'amme lullala'a.