YEHEZKIEL 30:13 - WUKE SUSI WATTI'U AL᷊AL᷊USASSA

¹³ Mawu Apan Atanggaṛṛanne nabbisara, “I Ya'u sarun makkimunsa'a manga paal᷊uanna wuṛṛu manga monganna su Memfis. Tate lai ratu su Mesir. Anambon tumanangne sarun Ta'u olaanna matta'utta.

YEHEZKIEL 30:13 Referans Kwoze

ZAKARIA 10:11

Napawe i mangitou tumumbe tahal᷊oangngu asasusa, i Ya'u, Mawu sarun mamuulla manga lua'a; ne ṛanassu Sal᷊ukku Nil mabbali mamara-mara. Walahannu Asyur apan mawunga sarun iapawawo, wuṛṛu Mesir apan matohassa sarun iapawul᷊i taṛṛinone.

YEREMIA 46:14

“Yeremia, al᷊iata'e watti'a indi su manga soa Mesir, eteudde su Memfis, Migdol wuṛṛu Tahpanhes, ‘Paasaddiate mangesakku watangannu ana waugu anambo apan tatahuanannu sarun masue sulal᷊ummu papangaloanna!

YEREMIA 2:16

Ei Israel, uta'u puanu nipol᷊on taumatan Memfis wuṛṛu Tahpanhes.

ZAKARIA 13:2

Su allo udde sarun Ta'u pappasanna arannu manga paal᷊uanna wuassu leta'a indi, na'oman sara tate saran sangkatou apan mannaungnga. Anambon taumata apan mangnga'u watanganne nabi sarun Ta'u limbuaṛṛanna suadio'a ringanni mangitou apan niasuttanu ghṛṛaho mallinga.

ZEFANYA 2:11

Mawu sarun ma'ola'a si mangitou matta'utta. I tou sarun makkimunsa'a manga monganna su runia. Wua'udde anambon walahanna mattaṛṛamawu su Mawu, sambau-sambau su wanuane sassane.

HOSEA 9:6

Amungkangngu asasilaka na'omate, wuṛṛu i yamiu niapidda su wanua waine, ne apan matantangnga suwallatti yamiu sarun iammullu manga taumatan Mesir tadea'u pateanna wuṛṛu ilabbingnga su Memfis! Nannal᷊o wuṛṛu rongnga sarun tumuwo manaappa manga tampa lanna'u wal᷊enu wuṛṛu manga saranapanu wuassu sal᷊a'a apan maarega.

YEREMIA 46:25

Mawu Apan Lembontaṛṛino, Ruatan Israel, nabbisara, “I Ya'u sarun makkuumannu Amon, monganna wuassu Tebe, ahewallu Mesir ringannu manga monganne wuṛṛu manga ratune. Ratu Mesir wuṛṛu anambon taumata apan uatantaṛṛimanna tou

YEREMIA 46:5

Arawe i Ya'u, Mawu, ma'asilo si mangitou sinumoṛṛotta matta'utta. Manga tantara mangitou niwaddo, wuṛṛu tinumal᷊angngu atata'utta ringannu tawe nanaille liudde.

YEREMIA 43:12

I Ya'u sarun mande'omma putungnga su manga kuillu manga mongannu Mesir, wuṛṛu ratun Babel sarun manoṛṛobba manga paal᷊uanna sassubbanna su manga kuil ara'e iapidda watukku wanuane. Naal᷊ihidda sangkatou mallal᷊u'adda mammaresi laungnge wuassu utu, aroddi lai ratun Babel sarun manapu mamaresi Mesir wua'udde inaite apia ringannu taweddu maataṛṛangnga si tou.

SASABANGNGA 12:12

Su tempo ṛabbi Ya'u sarun mamal᷊intaddu ahewallu leta'u Mesir, wuṛṛu mamate suapan ana'a esakka pahul᷊une, mawae ete taumata aroddi lai winatangnga. I Ya'u ṛinone makkuumannu anambon mawu su Mesir, ana waugu ete i Ya'u Mawu.

YESAYA 2:18

Manga paal᷊uanna sarun mawul᷊i abbi-abbi.

YEREMIA 44:1

Mawu nabbisara si ya'u su ola'u anambon taumatan Israel apan uatana'a su Mesir, eteudde su soa Migdol, Tahpanhes, Memfis, wuṛṛu su wageangngu timukka.

YEREMIA 46:19

Pandiahite, tumana'u Mesir, maola'a tawananna wuṛṛu iapidda inai! Memfis sarun maola'a tuidda – tampa apan mal᷊annabba ana waugu tawe atanaanna.

YEHEZKIEL 30:16

wuṛṛu soa udde sarun lembon matataṛṛangnga. Atonna, i Ya'u sarun manoṛṛobba Mesir. Manga darandungngu soa Tebe sarun maṛṛa'a wuṛṛu soa udde sarun sanggiurannu manawangnga.

YEREMIA 10:11

I yamiu, ei umatta, ṛinone mamasingkatta si mangitou mangungku manga monganna apan tawe nandiaddi langitta wuṛṛu runia udde sarun ṛimunsaanna. I mangitou sarun mawul᷊i wuassu wowon dunia.)

YEREMIA 43:13

Manga diṛṛin paal᷊uanna su Heliopolis su Mesir, sarun ṛimunsaanna, wuṛṛu manga kuillu manga mongannu Mesir sarun soṛṛowanna insueanna.”