YEHEZKIEL 30:12 - WUKE SUSI WATTI'U AL᷊AL᷊USASSA

¹² I Ya'u sarun mapaamaran Sal᷊ukku Nil wuṛṛu manantillu ahewallu Mesir su manga taumata lal᷊eo. Manga taumata raho sarun Ta'u irolokka iapaṛṛimunsa'a wanua udde. I Ya'u, Mawu, buatte nabbisara.”

YEHEZKIEL 30:12 Referans Kwoze

YEHEZKIEL 29:3

Mawu Apan Atanggaṛṛanne nandolo'u iapapasingkatta su ratu Mesir tanata indi, “I ya'u indi seennu, ei wuala masallakka apan ual᷊allowanga su sal᷊ukka. I'o mammahia manungku Sal᷊ukku Nil uddewe pussa'anu wuṛṛu manungku ete i'o apan na'ola'a.

SONDAPPA 16:12

Napawe wua'udde mala'ekatta aiannume nallal᷊innu lal᷊oṛṛon cawanne watukku Sal᷊ukku Efrat apan wahewalla udde. Ne sal᷊ukka udde namara na'oman sara manga ratu wuassu samba'an ra'i wotongnge sumabbi umamatta.

1 KORINTUS 10:26

Ana waugu sulal᷊ummu Wuke Susi uawoṛṛetta, “Runia indi ringannu anambon lal᷊oṛṛone udde tatahuanannu.”

NAHUM 1:4

I Tou namansagu tahal᷊oangnga wuṛṛu naapamarane, al᷊awo'u sal᷊ukka niapaatti ua'ene. Wowon Karmel wuṛṛu manga wadda'a su Basan nabbal᷊i lol᷊okka wuṛṛu su Libanon tinumolangke al᷊awo'u wantin bunga.

YEHEZKIEL 31:12

Tantaran araratuanna waine apan tawe ampungnge sarun manuwangnga si tou ana see iwalane. Angkanaene apan napaddite mannawote su anambon bowone wuṛṛu wawal᷊annu wanua udde. Anambon balahanna apan uatanaa'a su al᷊ungnge sarun massal᷊iu manantangngi tou.

YEHEZKIEL 28:10

I'o sarun mate ere lai taumata dal᷊ebone ana waugu nipaten taumata raho apan tawe maaillal᷊a Ruata. I Ya'u, Mawu Apan Atanggaṛṛanne buatte nabbisara.”

YEREMIA 51:36

Ana waugu udde Mawu nabbisara su tumana'u Yerusalem, “I Ya'u sarun manahekku hattonu wuṛṛu mabbal᷊issa inolaannu manga seennu si'o. Manga al᷊imatang kua'e wuṛṛu manga sal᷊ukku Babel sarun Ta'u iapaamara.

YEREMIA 50:38

Paamara'e al᷊awo'u sal᷊ukka wuṛṛu wawail᷊anne! Ana waugu, Babel napenen pasasubba paal᷊uanna apan maarantinna, apan naaolala ingana'a maddaralone nabbewa.

YESAYA 44:27

Ete i Ya'u nabbisara su wantan tahal᷊oangnga: Asahatte! Ya'u maapulu mapaamara manga sal᷊ukki yamiu.