YEHEZKIEL 3:8 - WUKE SUSI WATTI'U AL᷊AL᷊USASSA

⁸ Orassa indi i'o Ta'u olaanna pua maatikka wuṛṛu pande ere i mangitou lai.

YEHEZKIEL 3:8 Referans Kwoze

YEREMIA 1:18

Paddaringikka! I'o sarun tompol᷊annu manga tumana'u wanua indi, eteudde manga ratun Yehuda, manga mangangumbele parenta, manga imam, wuṛṛu tumanangnge. Arawe allo indi Ya'u mangonggolla si'o atatohassa ipando'appa si mangitou. I'o sarun mabbal᷊i ere soa pia tanda batune, naal᷊ihidda diṛṛi atta'a wuṛṛu darandungnga witu'a. I mangitou sarun tawe mapamaddonu, ana waugu i Ya'u sarun uarundinganna wuṛṛu ual᷊u'adda si'o. I Ya'u, Mawu, buatte nabbisara.”

IBRANI 11:27

Ana waugu mangngimanna, ne i Musa nanantangu Mesir ringannu tawe matta'utta su asasa'un ratu. Musa niumamatta mattudam pattudanne ere ola'u i tou naasilote Ruata apan tawe asiloanna udde.

MIKHA 3:8

Arawe su ola'u watangangku indi, Mawu buatte nalloṛṛo ringannu ghaṛṛaho-Ne wuṛṛu taṛṛino-Ne. I ya'u nionggol᷊an-Ne pasasunna su ola'u atatul᷊idda, wuṛṛu lai awawaṛṛani tadea'u mapal᷊iatta'a su taumatan Israel manga rosa apan buatte niolangnge.

YEREMIA 15:20

I'o sarun Ta'u olaanna ere tanda'a witu'a su saruanni mangitou. I mangitou sarun mamangalo si'o, arawe tawe mapamaddonu. I Ya'u sarun uaṛundinganna tadea'u mallu'adda wuṛṛu manal᷊amatta si'o.

YESAYA 50:7

Ana waugu Mawu Ruata nantul᷊ungku, ne i ya'u tawe nipansilianna. I ya'u mannohassa naungku tadea'u masabbare; i ya'u masingkatta manungku i ya'u tawe pansilianna.

1 MARARATU 21:20

Sutempo i Ahab naasilo si Elia, i tou nabbisara, “Ei seetta, panginsueanne i'o naasangkalla si ya'u!” “Atonna,” sasimbakki Elia. “Ana waugu i Tuangnga ringannu na'utulla na'ola'a al᷊al᷊eo su aellegu Mawu,

YEREMIA 5:3

Mangke atonna raddorongannu Mawu eteudde tatuṛṛutta. Mawu namuulla si yamiu, arawe i yamiu ma'ielen bagga. I tou nakkimunsa'a si yamiu, arawe i yamiu maddiri aṛṛaanna. I yamiu puane maattikka, wuṛṛu maddiri mawal᷊u wuassu manga rosanu.

YEHEZKIEL 3:7

Arawe walahannu Israel maddiri maddaringikka si'o, ewe'e i Ya'u lai tawe pandumanni mangitou. I mangitou sarangkanambone puane maatikka wuṛṛu apulune lullawangnga.

YEHEZKIEL 3:9

I'o Ta'u olaanna atohanne ere rapappakka wuṛṛu aatikke ere intan. Arie mata'uttu manga lumal᷊awangnga udde.”