YEHEZKIEL 3:17 - WUKE SUSI WATTI'U AL᷊AL᷊USASSA

¹⁷ “Ei taumata apan mattate, i'o Ta'u nitenega maola'a mallal᷊u'addu walahannu Israel. Wal᷊oa'a si mangitou pananaungnga apan Ta'u nionggolla indi.

YEHEZKIEL 3:17 Referans Kwoze

IBRANI 13:17

Paatuṛṛute parenta manga piaṛṛangu, wuṛṛu paasallunga si mangitou. Ana waugu i mangitou sidutu maṛṛingiddu niawanu, wuṛṛu i mangitou ṛinone sumimbakka ola'i yamiu su Ruata. Amungkangu i yamiu matuṛṛuta si mangitou, i mangitou wotongnge mammanara ringannu naungnga mal᷊uassa; amungkangu tawe, ne i mangitou sarun mammanara ringannu naungnga susa, wuṛṛu udde tawe maauntunga si yamiu.

YESAYA 62:6

Su darandungngu Yerusalem i ya'u nangaddo mandariagga; allo ṛabbi i mangitou tawe wotongnge mangillol᷊o, arawe ṛinone uata'a mannaungnga Ruata su pa'aire apan buatte niolang-Nge.

YESAYA 52:8

Paddaringikke aikkuittu al᷊al᷊uassu mandariaga soa, i mangitou mangngintul᷊i suadio'a! Ana waugu ringannu mata pua sassane i mangitou naasilo Mawu nabbelengnga su Sion.

2 TAWARIKH 19:10

Amungkangu pia manga hawenu wuassu soa waine nangapiddu sambau hattom pamamate si'o, nilumawangnga tita ara'e nilumawangnga atoranna, ṛinone i yamiu mangonggolu tatantiro si mangitou. Ringannu aroddi i mangitou tawe massal᷊a su saruannu Mawu, wuṛṛu Mawu tawe masa'u si'o aroddi lai si mangitou. Amata'e parenta indi, ne i yamiu tawe massal᷊a.

KOLOSE 1:28

Eteudde Kristus apan iwabbatti'i yami su anambon taumata. I yami mapaanaungnga wuṛṛu mangngaṛṛa'a si mangitou sarangkanambone ringannu al᷊awo'u apande. Tuddan kami eteudde tadea'u suapan taumata wotongnge iapidda ringannu Ruata, ere sangkatou taumata apan nahurangke su pangangimanna, ana waugu suete naaukka ringanni Kristus.

YEREMIA 6:17

Ana see Mawu masokka-sokka mamile manga mandariagga huna mappanaungngi mangitou tadea'u maddaringikka tingikku tatiala trompetta. Arawe umatta nabbisara, “I yami maddiri maddaringikka.”

1 TESALONIKA 5:14

I yami maddoronga lai, manga tuṛṛangnga, taggue ringannu paddarame taumata apan maddiri mammanara; tohassa naungngu taumata apan matta'utta; tul᷊unga'a taumata apan wotongnge iatul᷊unga, wuṛṛu paasabare su saruannu awadaalla.

2 KORINTUS 5:20

Nariaddi ete i yami udde daroloṛṛanni Kristus. Sulal᷊ummi yami Ruata nabbal᷊on tanata-Ne. Sulal᷊ummu aranni Kristus i yami sumal᷊ande, sengkamawe liman Duata apan namalan kamiu uaaukka apia ringanni Tou.

2 KORINTUS 5:11

I yami masingkata apa atappasanne mata'uttu Mawu; ana waugu i yami maapulu mangaṛṛa'a taumata see mangngimanna ola'u wadangngi ami. Ruata maaillal᷊a si yami, wuṛṛu i ya'u mangantimma i yamiu lai maaillal᷊a si yami sulal᷊ummu naungngu.

1 KORINTUS 4:14

I ya'u namoṛṛettu indi si yamiu, wal᷊inewe pandumanne ipammansili si yamiu, ewe'e ipannantiro si yamiu ere al᷊aṛṛana'u sassane.

HABAKUK 2:1

I ya'u mappulu umawitta su candi pandiagangku, wuṛṛu maṛṛaddo apa apan sarun iwal᷊on Mawu si ya'u, wuṛṛu ereapa sasimbakku Mawu su sal᷊ande'u.

YESAYA 58:1

Mawu nabbisara, “Pangintul᷊ite ringannu ahewallu auatanna! Pasingkata'e su uma-U manga rosa mangitou.

YESAYA 56:10

Mawu nabbisara, “Manga piaṛṛa'u pabbawala-U uddewe manga taumata wuta! I mangitou waggan apa-apa. I mangitou naal᷊ihidda asu mou apan tawe tumawanna, arawe sidutu mattiilla wuṛṛu mabbal᷊iawa. Lal᷊umanna'a atonna i mangitou mattiilla!

1 KORINTUS 12:28

Aroddi lai sulal᷊ummu jamaatta, Ruata buatte nangatokku tampan al᷊awo'u taumata: Paarorone manga rasul; aruane manga nabi, atallune manga huru, see i mangitou apan ma'ola'a al᷊aṛṛindu'a, wua'udde i mangitou apan nionggol᷊annu al᷊amatta mapaapian taumata waine, ara'e ma'ola'a mamamiaṛṛa'a, ara'e lai iapaawisara ringannu al᷊awo'u sasinaukka apan maaṛṛindu'a.

YEREMIA 6:10

I ya'u sinumimbakka, “Mawu, ete sisai i ya'u ṛinone maggahatto, wuṛṛu isai apan ṛinone ta'u iapanaungnga? I mangitou puane maattikka wuṛṛu maddiri maddaringikka. I mangitou mallage'u wuṛṛu maddantinnu tanata-Nu apan ta'u niwal᷊o si mangitou.

YESAYA 21:6

Wua'udde Mawu nabbisara si ya'u, “Roote pangaddon sangkatou mandariaga wuṛṛu doloṛṛa'a i tou mamasingkattu apa apan niellehanne.

YEREMIA 31:6

Atonna, sarun a'omanna tempone manga mandariaga soa umui su panenteannu Efraim, ‘Wette i ite sumaate su Sion, ringannu Mawu Ruatang kite.’ ”

YESAYA 21:8

Wua'udde mandariaga udde umui, “Tuangnga, i ya'u buatte nandiaga suapan allo wuṛṛu ṛabbi.”

ANTARI MAWANTUGA 5:7

I ya'u nisasombannu manga mandariaga soa; i mangitou namuulla wuṛṛu nallessa si ya'u, aal᷊umbaingku nianun mangitou ringannu niwata'a.

ANTARI MAWANTUGA 3:3

I ya'u niasangkal᷊annu mandariaga soa, wuṛṛu ta'u niiwal᷊oanna, “Apa i'o naasilo tatuno naungku?”

MATIUS 3:7

Manambo lai taumatan Farisi wuṛṛu Saduki nirumanta ringanni Yohanes maisaṛṛani. Arawe su tempo i tou naasilo si mangitou nirumanta, i tou nabbisara si mangitou, “I yamiu taumata lal᷊eo! Isai suete nabbal᷊o manungku i yamiu mal᷊iudda wuassu ṛuumannu Ruata apan sarun rumanta?

YEHEZKIEL 2:7

Pasingkata'e anambon tanata-U si mangitou, tanne i mangitou mappulu maddaringikka ara'e maddiri. Naungete manungku i mangitou udde manga lumal᷊awangnga.

YEHEZKIEL 11:25

Wua'udde i ya'u nabbatti'a su manga taumata apan niwuangnga al᷊awo'a apan nipasilo Mawu si ya'u.

HAGAI 1:13

Wua'udde Hagai namasingkatta su tumanangnge tanatan Mawu manungku Mawu buatte naddiandi sarun mallu'adda si mangitou.

YEREMIA 1:7

Arawe Mawu sinumimbakka, “Arie pabbisara manungku i'o ta'e dario'a. Amungkangngu i Ya'u mandolokku inai ringanni sai-sai, i'o ṛinone inai, wuṛṛu sarangkanambone apan Ta'u nirolokka udde iwal᷊onu, ṛinone iapasingkannu si mangitou.