YEHEZKIEL 3:10 - WUKE SUSI WATTI'U AL᷊AL᷊USASSA

¹⁰ Wua'udde Ruata nabbisara, “Ei taumata apan mattate, panutukke paapia-pia wuṛṛu naungete sarangkanambone apan Ta'u iwisara si yamiu.

YEHEZKIEL 3:10 Referans Kwoze

DARALO 119:11

Al᷊aṛṛanang-Ngu ta'u sahipunanna sulal᷊ummu naungku, tadea'u i ya'u tawe marosa su saruan-Nu.

AYUB 22:22

Sengkampe sarangkanambone apan iaaṛṛa'u Mawu si'o; sahipunte udde sulal᷊ummu naungngu.

1 TESALONIKA 4:1

Panginsueanne manga tuṛṛangnga, i yami suete nanul᷊ada si yamiu su ola'u ereapa i yamiu ṛinone mabbiakka malluassa naungngu Ruata. Atonna i yamiu suete nabbiakka ereudde. Arawe orassa indi sulal᷊ummu taṛṛinon Mawu Yesus, i yami sumal᷊ande si yamiu wuṛṛu mamata'i yamiu tadea'u i yamiu lembon maddea'a lai olangnge udde!

1 TESALONIKA 2:13

Pia lai sambau hatto waine apan naaola'a si yami sidutu maadiangkamanna su Ruata. Hatto udde eteudde, manungku su tempo i yami mammasingkatu watti'u Ruata si yamiu, i yamiu naddaringikka wuṛṛu nanengkamma watti'a udde wal᷊ine ere watti'a wuassu taumata, arawe watti'a apan atonna-tonna wuassu Ruata. Ete i Tou apan mammanara sulal᷊ummu watangannu apan mangngimanna si Kristus.

LUKAS 8:15

Wualanna nanawo su leta'a masuwukka isassumandingnga su taumata madaringikka watti'a udde, see sinahipunna sulal᷊ummu naungnge apan baresi wuṛṛu matul᷊ida. I mangitou natataṛṛangnga na'oman sara nabua.”

YEHEZKIEL 2:8

Ei taumata apan mattate, paddaringi'o apa apan iwisara-U si'o. Arie mallaṛṛenggenna lumawangnga lai. Wu'ate moṛṛongngu wuṛṛu ante apa apan Ta'u ionggolla si'o.”

AMSAL 19:20

Amungkangngu i'o mappulu mangurumma wuṛṛu maddaringikka tatantiro, sal᷊immurine i'o mabbal᷊i taumata apan pia apande.

AMSAL 8:10

Arega'e tatantiro'u nangillembo wuassu sal᷊a'a tutune, pakkoroa'e asingkatta nangillembo wuassu wul᷊awanna tutune.

YEHEZKIEL 2:7

Pasingkata'e anambon tanata-U si mangitou, tanne i mangitou mappulu maddaringikka ara'e maddiri. Naungete manungku i mangitou udde manga lumal᷊awangnga.

YEHEZKIEL 3:9

I'o Ta'u olaanna atohanne ere rapappakka wuṛṛu aatikke ere intan. Arie mata'uttu manga lumal᷊awangnga udde.”

YEHEZKIEL 3:11

Roote ringannu walahannu poi su pamuanganna udde, wuṛṛu wal᷊oa'e apa apan i Ya'u, Mawu Apan Atanggaṛṛane mamasingkatta si mangitou, tanne i mangitou mappulu maddaringikka ara'e maddiri.”

DARALO 85:9

I ya'u maapulu maddaringikka wisaran Mawu Ruata; i Tou naddiandin lal᷊umanna'a si ite, al᷊aṛanang-Nge, sawal᷊iate i ite tate ma'ola'a rosa.