YEHEZKIEL 29:6 - WUKE SUSI WATTI'U AL᷊AL᷊USASSA

⁶ Ne anambon tumana'u Mesir maasingkatte manungku ete i Ya'u Mawu.” Mawu nabbisara, “Ei walahannu Mesir! Taumatan Israel mangngantimma sasumbalanu, arawe inauranna i'o tumba'u naal᷊ihidda sambau ta'inna apan lome.

YEHEZKIEL 29:6 Referans Kwoze

YESAYA 36:6

Atonna i'o uaantimma sasumbala Mesir, arawe udde nassul᷊ungngu mappaattu alun akke olaanna ta'inna; – sal᷊immurine ta'inna udde mapaddi wuṛṛu limanu ma'usu'a. Etearoddi ratun Mesir su anambon taumata apan uaantimma si tou.’ ”

2 MARARATU 18:21

I'o atonna uaantimma sasumbala wuassu Mesir, arawe udde uasul᷊ungu nappaattu akke niola'a ta'inna; ta'inna udde sarun mapaddi wuṛṛu limanu mal᷊okko'a. Etearoddi inolaannu ratun Mesir su anambon taumata apan mangngantimma si tou.’ ”

YEHEZKIEL 28:26

I mangitou sarun mabbiakka ringannu matammudda isudde wuṛṛu mapararisikku manga wal᷊en see ma'ola'a manga waillu anggore. I Ya'u sarun makkuumannu anambon al᷊indonganni mangitou apan buatte nangal᷊uandaga si mangitou, ma'oman sara Israel maola'a mal᷊angnganna. Ne i mangitou masingkatte manungku ete i Ya'u, Mawu Ruata mangitou.”

LAL᷊ALLU 4:17

Matan kami naasilote, ual᷊aṛṛaddo sumbala apan tawe rumanta. I yami uaantimma aontollu sambau walahanna, apan ṛinone tawe mapangonggollu manga apa.

YEREMIA 2:36

Mal᷊ihakka atonna i yamiu inai ringannu manga mongannu walahannu waine tadea'u maiontolla! I yamiu sarun iapasassillu taumata Mesir, ere lai i yamiu niapasassillu Asyur.

SASABANGNGA 14:18

Ne taumata Mesir sarun maasingkatta manungku ete i Ya'u Mawu.”

SASABANGNGA 9:14

Paasa indi i Ya'u sarun mandantan asasilaka tawe tumba'u su manga mammamanaran araratuanna wuṛṛu tumanangnge, arawe si'o lai, tadea'u i'o maasingkatta manungku i Ya'u tawe doappa su ahewallu runia indi.

YEHEZKIEL 17:17

Ewe'e lai manga tantaran Mesir apan matohassa udde, tawe maapatul᷊ungngi tou wuassu saruannu manga taumatan Babel apan nangundu'u leta'a wuṛṛu naal᷊i manga hote pamateanna anambon taumata.

YEHEZKIEL 29:16

Israel tate lai maddorongnga sasumbala si'o. Pal᷊addu pabbiaṛṛannu ei walahannu Mesir sarun mapanaungngu Israel aroddi nial᷊iwune mangngasakku Mesir, ere buatte niolangne. Ne Israel naasingkatte manungku ete i Ya'u Mawu Apan Atanggaṛṛanne.”

YEHEZKIEL 30:8

Sutempo i Ya'u nanoṛṛobba Mesir wuṛṛu namate anambon hawene, i mangitou masingkatte manungku ete i Ya'u Mawu.

2 MARARATU 18:24

Sara ipando'appa tembonannu tantaran kami awawoanne lai, yamiu wal᷊ine ro'amme. Arawe i yamiu lai uaantimma Mesir mangirimmu sasumbala keretan pangalo wuṛṛu tantara uasa'e awal᷊o!