YEHEZKIEL 29:5 - WUKE SUSI WATTI'U AL᷊AL᷊USASSA

⁵ Wua'udde i'o wuṛṛu al᷊awo'u inassa udde Ta'u ituntungnga su wadda'u anne. Wadangngu sarun mawantingnga su leta'a wuṛṛu tumal᷊allada isudde. Tawe sarang sangkatou apan mallabingu. Wadangngu sarun Ta'u ionggolla su manga manu'u winalanganna wuṛṛu manga winatangnga waine iapa'inassa.

YEHEZKIEL 29:5 Referans Kwoze

YEREMIA 34:20

I Ya'u sarun manantilli yamiu su seetta apan mappulu mamate si yamiu. Winal᷊unannu sarun inasannu manu'u winalanganna wuṛṛu winatangnga mal᷊aṛṛaga.

YEREMIA 8:2

wal᷊ine tadea'u iammulla wuṛṛu ilabbingnga apia ewe'e iawala su leta'a maola'a sapadda. Duṛṛi manga taumata udde sarun iwati su saruannu matannallo, wul᷊anna wuṛṛu manga anumpitanna apan sassubbanni mangitou, a'imbeanna, sassubbanna, wuṛṛu paddoronganna tatantiro.

YEREMIA 7:33

Manga winal᷊unanni mangitou sarun maola'a inassu manu'u winalanganna wuṛṛu winatangnga mal᷊aṛṛaga, ringannu taweddu mallimbuakka.

YEREMIA 25:33

Su allo udde winal᷊unannu manga taumata apan nipate Mawu uatal᷊eṛṛongnga su ahewallu runia. I mangitou tawe luaianna, tawe lai wengketanna ilabbinga, arawe iwala aroddi su leta'a ere sapadda ua'ombo.

YEHEZKIEL 31:18

Aaluanna udde sasummandingngu ratu Mesir wuṛṛu walahanne. Tawe aaluanna su Eden apan aroddi atanggakke wuṛṛu mawantuga. Arawe orassa indi, ere manga aaluanna lai su Eden, aaluanna udde lai sarun sumossokka watukku runian taumata nate wuṛṛu maammulli mangitou apan tawe maaillal᷊a Ruata wuṛṛu ringanni mangitou apan nate sulal᷊ummu pangalo. I Ya'u, Mawu Apan Atanggaṛṛanne buatte nabbisara.”

YEREMIA 16:4

I mangitou sarun mate amatannu sa'itta apan mangipiddi mangitou su papate, wuṛṛu i mangitou sarun mate sulal᷊ummu pangalo ara'e maten al᷊aṛṛutumma. Tawe saran sangkatou apan lumuai ara'e mallabbingngi mangitou. Winal᷊unanni mangitou sarun massal᷊iawukka ere pupukka su leta'a, wuṛṛu inasannu manu'u winalanganna wuṛṛu winatangnga mal᷊aṛṛaga.

DARALO 74:14

I'o nakkimunsa'a manga puan Lewiatan wuṛṛu i tou niola'a inassu mamanuan wadda'a.

1 SAMUEL 17:44

See lai i tou nanal᷊u'atta si Daud, wisarane, “Wette inawarendite! Wadangngu sarun ta'u ionggolla su manu'u winalanganna wuṛṛu winatangnga iapa'inassa.”

SONDAPPA 6:8

I ya'u na'ellega, see niasiloangku sambau awal᷊o hatine namillosa. Sumasa'ene aranne Papate. Wuassu liudde, i tou tatantalongannu Runiam Papate marani-rani. Taṛṛino su wageangnge aiappane su runia indi tinantilla si mangitou, tadea'u i mangitou wotongnge mamate sulal᷊ummu pangalo, sulal᷊ummu ṛutumma, ara'e al᷊aṛṛusa'itta wuṛṛu wuassu manga winatangnga mal᷊aṛṛaga.

YEHEZKIEL 31:13

Manga manu'u winalanganna sarun dumanta wuṛṛu umarunna su manga aal᷊uanna apan naṛṛaate udde, wuṛṛu manga winatangnga matengnga sarun maṛṛinda manga rannane.