YEHEZKIEL 29:3 - WUKE SUSI WATTI'U AL᷊AL᷊USASSA

³ Mawu Apan Atanggaṛṛanne nandolo'u iapapasingkatta su ratu Mesir tanata indi, “I ya'u indi seennu, ei wuala masallakka apan ual᷊allowanga su sal᷊ukka. I'o mammahia manungku Sal᷊ukku Nil uddewe pussa'anu wuṛṛu manungku ete i'o apan na'ola'a.

YEHEZKIEL 29:3 Referans Kwoze

YEHEZKIEL 32:2

“Ei taumata apan mattate, onggol᷊e'on tatagu apan maṛṛagissa su ratu Mesir. Wal᷊oa'e tanata-U indi si tou, ‘I'o nattanno ere singa parangganga suwallattu manga walahanna, arawe i'o naal᷊ihidda wuala apan mannalangnga sulal᷊ummu ua'e. Leddanu mallabukka wuṛṛu mannapadda al᷊awo'u sal᷊ukka.

YESAYA 27:1

Sutempo udde Mawu sarun mappaattu hal᷊ele-Ne apan matohassa wuṛṛu maṛṛoro ipakkuumannu Lewiatan, atoanna apan tuttundo wuṛṛu mammul᷊issa udde, wuṛṛu ipamate nagan tahal᷊oangnga.

YEREMIA 44:30

Hofra ratun Mesir sarun Ta'u itanttilla su manga seetta apan mappulu mamate si tou, ere lai Ya'u nanantilli Zedekia ratun Yehuda si Nebukadnezar ratun Babel, seenne apan mappandumma mamate si tou.”

NAHUM 1:6

Isai wotongnge maataṛṛangnga amungkangngu Mawu masa'u? Taweddu maatal᷊angnga wuassu asasa'u-Ne? I Tou napaasabbangngu asasa'u-Ne apan lukkenggamma watu naṛṛimunsa'a wuṛṛu nabbal᷊i awu su saruan-Ne.

YEHEZKIEL 28:22

Pasingkata'e su tumanangnge manungku i Ya'u Mawu Apan Atanggaṛṛanne mabbisara si mangitou, ‘I Ya'u indi seennu, ei Sidon. Manga taumata sarun maddalo si Ya'u ana waugu inolaang-Ku su saruannu. Sutempo i Ya'u nakkuumannu tumanangngu, i mangitou sarun maasingkatta manungku ete i Ya'u Mawu apan na'ukkassa.

YEHEZKIEL 28:2

“Ei taumata apan mattate, wal᷊oa'e si ratun Tirus, apa apan i Ya'u Mawu Apan Atanggaṛṛanne mabbal᷊o si tou, ‘Ringannu mawunga i'o mangngantimma i'o monganna apan ua'ianna su pattangngannu tahal᷊oangnga. Wotongnge lai i'o mamunga ere monganna, arawe paanaunge, i'o tumba'u taumata wiasa.

DARALO 76:7

Anambon awal᷊o wuṛṛu sumasa'ene nanawo nate ṛatangannu asasa'u-Nu, oh Ruatan Yakub!

TAHIUL᷊E 8:17

Nariaddi, arie saran paassa i yamiu maṛṛingidda manungku ringannu apulu wuṛṛu atatohannu sassane i yamiu wotongnge mabbal᷊i ala.

SONDAPPA 20:2

See i tou nanametta naga udde, atoanna timmade, – eteudde Setanna ara'e Ghaṛṛaho Lal᷊eo udde – wuṛṛu niṛṛapussa saṛṛiwu su tonanne al᷊annune.

SONDAPPA 16:13

See i ya'u naasilo tatallu ghaṛṛaho lal᷊eo apan olangnge naal᷊ihidda a'akka. A'akka udde sambau-sambau sussabbanga wuassu moṛṛongu naga, wuassu moṛṛongu winatangnga, wuṛṛu wuassu moṛṛongu nabi awusu.

SONDAPPA 13:11

See i ya'u naasilo sambau winatangnga waine sinumabbanga wuassu lal᷊ummu runia. I tou pia tatandunge darua ere tatandu'u ana'u domba. Tingikke ere tingikku naga.

SONDAPPA 13:4

Wuṛṛu i mangitou maddalo naga udde ana waugu i tou suete nangonggolu taṛṛinone su winatangnga udde. Wuṛṛu i mangitou massubba winatangnga udde lai. I mangitou nabbisara, “Tawe sul᷊ungnge winatangnga indi! Tawedu wotongnge mamangalo lumawanna si tou!”

SONDAPPA 13:2

Winatangnga apan ta'u niasiloanna udde olangnge naal᷊ihidda ere macan tutul, wuṛṛu leddane naal᷊ihidda beruangnga, wuṛṛu sasumigge naal᷊ihidda sasumiggu singa. See winatangnga udde nionggol᷊annu naga atatohassi tou sassane, wuṛṛu adderan araratuanne, wuṛṛu taṛṛinone apan bahewalla.

YESAYA 51:9

Darisikke oh Mawu, ontol᷊ete i yami, papaasal᷊amata'awe i yami ringannu taṛṛino-Nu. Darisikke ere sutempo dorone sutempo I'o nakkimunsa'a si Rahab wuṛṛu nangusu'a nagan tahal᷊oangnga udde na'oman sara nate.

DARALO 68:30

Manga ratu uaapiddu sasamba Si'o su Wal᷊en-Nu su Yerusalem.

YEHEZKIEL 30:12

I Ya'u sarun mapaamaran Sal᷊ukku Nil wuṛṛu manantillu ahewallu Mesir su manga taumata lal᷊eo. Manga taumata raho sarun Ta'u irolokka iapaṛṛimunsa'a wanua udde. I Ya'u, Mawu, buatte nabbisara.”

YEHEZKIEL 30:22

I Ya'u Mawu Apan Atanggaṛṛanne nabbisara: i Ya'u indi seettu ratun Mesir, wuṛṛu ta'iakke ruan ba'a sarun Ta'u paddianna, mawae iapa ta'e matohassa ara'e lai iapa napaddite. Ne hal᷊ele udde sarun manawo wuassu limane.

DANIEL 4:27

Ana waugu udde rinone Tuangku maddaringikka tatantiron allangnga. Ariete Tuangku ma'ola'a rosa apia, arawe pa'ola'a inolaanna apan mapia wuṛṛu matul᷊idda, wuṛṛu aakkanten taumata asiangnga. Ringannu aroddi Tuangku sidutu sarun su lal᷊ummanna'a.”

AMOS 6:13

I yamiu mattal᷊imoṛṛonganna manungku i yamiu buatte namaddon Lodebar. I yamiu lai mabbisara, “I yami ta'e matohassa inai mangaṛṛo Karnaim.”