YEHEZKIEL 28:4 - WUKE SUSI WATTI'U AL᷊AL᷊USASSA

⁴ I'o napa'attu asingkatta wuṛṛu pasasunnanu ipangammulu darotongnga, wul᷊awanna wuṛṛu sal᷊a'a.

YEHEZKIEL 28:4 Referans Kwoze

AMSAL 18:11

Arawe taumata ala massunna tumba'u darotongnga apan ual᷊u'adda si tou naal᷊ihidda tanda'a watu matanggakka wuṛṛu matohassa uapal᷊iwutta soa.

HABAKUK 1:16

Ana see soma udde nionggolli mangitou wuṛṛu niola'a sasamba, ana waugu ringannu soma udde i mangitou buatte naasomba wiakka manambo-nambo wuṛṛu mabbiakka su lal᷊umanna'a.

YEHEZKIEL 29:3

Mawu Apan Atanggaṛṛanne nandolo'u iapapasingkatta su ratu Mesir tanata indi, “I ya'u indi seennu, ei wuala masallakka apan ual᷊allowanga su sal᷊ukka. I'o mammahia manungku Sal᷊ukku Nil uddewe pussa'anu wuṛṛu manungku ete i'o apan na'ola'a.

MANNANASE 9:11

Su runia indi piaddu lai apan ta'u niasiloanna: patatalumma tawe sidutu asombangannu tumatal᷊angnga mal᷊ihakka, pangalo tawe sidutu auntungannu taumata apan matohassa. Taumata pande tawe sidutu maasomba manarane. Taumata masiṛṛungnga tawe sidutu maasomba paa'ala. Wuṛṛu lai manga mapapande tawe sidutu tumelengnga. Ana waugu suapan taumata wotongnge aṛṛiaannu pal᷊addu pabbiaṛṛanna lal᷊eo.

YESAYA 10:13

Ratun Asyur mammunga, wisarane, “Sarangkanambone udde ta'u olaanna ringannu taṛṛino'u sassane. I ya'u masiṛṛongnga wuṛṛu pande. I ya'u mamappassa passarannu manga walahanna, wuṛṛu i ya'u nangaṛṛo saddia mangitou. Ere bantenga i ya'u naṛṛinda manga taumata apan uaparenta.

YEREMIA 49:4

Ei i yamiu apan mal᷊awangnga! Anio i yamiu mangngunsandakku manga wawal᷊annu apan masuwukka? Anio i yamiu mangngasakku paa'alanu? Ereapa wotongnge i yamiu mabbisara manungku tawe saran sangkatou apan waṛṛani mamangalo si'o?

YEHEZKIEL 27:33

Sutempo i'o namare laudda ringannu luranna apan nasadda-saddatta, i'o nanuungngu hausannu manga walahanna; manga ratu lai niolangngu ala.

DANIEL 5:11

Ana waugu sulal᷊ummu araratuanni Tuangku pia sangkatou esakka apan aintaṛṛoannu ghaṛṛahon manga monganna apan susi. Sutempo pamamarentan iamangngi Tuangku, taumata udde niatialanna uatahuanna asingkata, pasasunna wuṛṛu apande, apan ere apandean manga monganna. Iamangngi Tuangku Ratu Nebukadnezar buatte nanenegi tou naola'a piaṛṛa'u manga mapapanden taṛṛa si'atta, taṛṛa ṛopa, wuṛṛu manga taumata pia asingkanne wuṛṛu mapapanden anumpitanna.