Biblia Todo Logo
Bib sou entènèt

- Piblisite -




YEHEZKIEL 27:31 - WUKE SUSI WATTI'U AL᷊AL᷊USASSA

31 Ana waugu i'o i mangitou nallunggukka pua, nalluṛṛen laubba karongnga napenen asasusa. I mangitou lulluai lullal᷊o wuṛṛu lullallun ola'u wiakku.

Gade chapit la Kopi




YEHEZKIEL 27:31
17 Referans Kwoze  

I mangitou sarun malluṛṛen nasa karongnga wuṛṛu ahewallu wadangnge sarun mangiladda. Pua mangitou sarun lungguṛṛanna wuṛṛu i mangitou sarun pansilianna.


Sutempo udde Ruata Apan Atanggaṛṛanne wuṛṛu Lembontaṛṛino nandolokki yamiu lumuai wuṛṛu lumallu, mallunggukka pua wuṛṛu malluṛṛe nasa karongnga.


Orassa indi i ya'u lulluaiten baillu anggori Sibma ere lai i ya'u lulluain Yaezer. Allo mata'u tinumuro ana waugu Hesybon wuṛṛu Eleale, ana waugu hessin sinuananne ni'annu seetta sara nasue.


Tumana'u Dibon sinuma'a wuidda maddea'a luaianna su tampa passubbanna manga monganna. Tumana'u Moab ringannu massusa nilumallun soa Nebo wuṛṛu Medeba. I mangitou nangiṛṛi pua wuṛṛu omengnga tatiala massusa.


Imbaṛṛangnga ma'innunu si ya'u; wala'e i ya'u lumuai manga taumata wuassu pabbawala'u apan natete. Arie maannamma maminalatta si ya'u.


Ei taumatan Yehuda, pol᷊ote utangngu maola'a tatiala lullal᷊o su manga anangngu apan arangnguani yamiu. Iṛṛite puanu ma'oman sara mal᷊unggukka ere manu'u winalanganna apan u'inassa winal᷊unanna, ana waugu manga anangngu sarun ṛuwoanna watukku pamamuanganna.


Ana waugu udde i ya'u, Mikha, massusa naungnga wuṛṛu sussal᷊iomanna. I ya'u sarun umamatta ringannu tawe laubba wuṛṛu tawe sapatu tadea'u iapal᷊iatta'a aroddi asusane naungku. I ya'u sarun tumawanna ere asun ahuranganna wuṛṛu maggontol᷊anna, ere manu'a unta.


Manga rameanu sarun Ta'u wal᷊uanna mabbal᷊i lullal᷊o, wuṛṛu manga aantarinu mabbal᷊i lal᷊uai. I Ya'u sarun ma'ola'a si yamiu mangiṛṛi utangngu wuṛṛu malluṛṛen laubba karongnga tattialan massusa. I yamiu sarun maola'a ere iamangnga inangnga apan lulluain papaten anangnge tinggassa. Allo udde sarun umuddussa ringannu lembon maasusa.”


I mangitou sarangkanambone buatte nangiṛṛi uta'u pua wuṛṛu omengnga, nallessa ta'iakka, wuṛṛu nalluṛṛe nasa tatiala massusa.


Taumatan Gaza niaṛṛiaannu asasusa wahewalla; tumna'u Askelon nimoune. Sara tingngera taumatan Filistin lambene udde sidutu lullal᷊o?


Taumata ala wuṛṛu taumata asiangnga su wanua indi sarun mate ringannu taweddu mallabbingngi mangitou. Taweddu saran sangkatou apan manansara watanganne ara'e mallunggukka puanne tatialan lullal᷊o mangitou.


“Ete i yamiu al᷊aṛṛana'u Mawu Ruatanu. Nariaddi su tempo i yamiu lullal᷊on taumata nate, imbaṛṛangnga mallessa watangannu ara'e mangiṛṛi saruannu puanu ere apan buatte niola'u manga walahanna waine.


Sangkatou imam tawe wotongnge mallunggukka sambageanganna wuassu puane wuṛṛu tawe wotongnge mamol᷊o omengnge ara'e mallessa watanganne ringannu saranapa maṛṛoro tadea'u mapal᷊iatta'a manungku i tou tantal᷊anna lullal᷊o.


Orassa indi i mangitou mappaatten lana mawangngi, sal᷊immurine hal᷊uru mangitou mawukku'a. Papeṛṛeti mangitou al᷊ussa sarun hantianni mangitou tal᷊i apan masalla. Puan mangitou apan pia utangnge maṛṛamaga sarun lungguṛṛanna. Laubbi mangitou apan maṛṛansangnga sarun hantiannu laubba nahahesa'a. Orassa indi i mangitou maṛṛamaga, tawe mal᷊anna'a addio'a hati mangitou mal᷊al᷊eo ana waugu cappanna.


“Ei taumata apan mattate, i Ratu Nebukadnezar wuassu Babel tantal᷊anna mammangalo Tirus. I tou nandolokku manga tantarane mamasanna manga winabbawa aroddi awakkanne, na'oman sara pua mangitou nabbal᷊i lunggukka wuṛṛu wambangngi mangitou nangkalisi, arawe mawae ratu aroddi lai tantarane tawe naasomba hessine wuassu inasaharanne udde.


Sutempo ratun Niniwe naaringikka watti'a udde, i tou nasasaṛṛawutta sinumossokka wuassu adderan araratuanne. I tou nalluatta juban araratuanne wuṛṛu nalluṛṛe nasa karongnga, see niuma'ianna su wowon awu.


Ei manga imam apan mangngimbe su mezbah, palluṛṛeten nasa karongnga, wuṛṛu lalluaite. Suttate su Wal᷊en Mawu tadea'u sumangitta saṛṛabbi tuudda, ana waugu tate sasamba anggore wuṛṛu gandumma su Ruatanu.


Swiv nou:

Piblisite


Piblisite