Manga matatimmadu soa ua'ianna nimmoune su leta'a; i mangitou mannal᷊iawukku awu su pua wuṛṛu nalluṛṛen nasa karongnga tatialan massusa. Manga maṛṛuala lai niumaruutu puane sara leta'a.
Tiṛṛabbine, nirumantate sangkatou umbasanna wuassu paddasananni Saul. Maola'a tatiala lullal᷊o i tou nanggesa'a laungnge wuṛṛu nangaddon leta'a su wowon puane. I tou inaite ringanni Daud wuṛṛu niumal᷊intudda su saruanne.
Sutempo ratun Niniwe naaringikka watti'a udde, i tou nasasaṛṛawutta sinumossokka wuassu adderan araratuanne. I tou nalluatta juban araratuanne wuṛṛu nalluṛṛe nasa karongnga, see niuma'ianna su wowon awu.
Sangkatou wuassu ruanganni Benyamin tinumal᷊angnga wuassu tampa papangaloanna watukku Silo, wuṛṛu na'omate isudde su allo udde lai. Naola'a tatialan lullal᷊o, i tou nanggesa'a laungnge wuṛṛu niaddo su leta'a ana see puane niandangannu leta'a.
Imbaṛṛangnga mamasingkatta su manga seetti ite su Gad su ola'u asasilakan kite; arie mamalan mangitou ma'ellega si yamiu lulluai. Ei tumana'u Bet-Le-Afra, tattal᷊inggite su awu maol'a tatiala sinumassilla!
Ei manga piaṛṛa'a, ei manga mallal᷊u'addu umattu Mawu! Luaite pa'ikka-ikkatta! Tattal᷊inggite su awu, ana waugu nia'omante tempone i yamiu pateanna, wuṛṛu iapa naal᷊assanga sarun isal᷊iawukka. I yamiu naal᷊ihidda ere wensadda maarega apan nanawo see napesangnga.
Arawe ro'en ta'e marau i mangitou tallu naasilote si tou, i mangitou ete addio'a tate maaillal᷊a lai si tou. I mangitou nilumuai ringannu ma'ikkatta wuṛṛu nanggesa'a laubbi mangitou see nangalassu awu su winalanganna wuṛṛu su pua.