YEHEZKIEL 27:13 - WUKE SUSI WATTI'U AL᷊AL᷊USASSA

¹³ I'o mabbal᷊u'a watukku Yunani, su Tubal, wuṛṛu su Mesekh, wuṛṛu naola'a wawaekke i'o nanengkamma wuassi mangitou manga allangnga wuṛṛu manga saranapa wuassu witu'a.

YEHEZKIEL 27:13 Referans Kwoze

PANDARIADDI 10:2

Al᷊aṛṛana'i Yafet eteudde i Gomer, i Magog, i Madai, i Yawan, i Tubal, i Mesekh wuṛṛu i Tiras.

YESAYA 66:19

I Ya'u sarun mangaddon sambau tatiala su pattangnganni mangitou. Sambageanganna addio'a suwallatti mangitou Ta'u iapaasal᷊amatta. I mangitou sarun Ta'u irolokka ringannu manga walahanna su manga wanua marau apan taambe saran paassa naaringikka si Ya'u ara'e naasilo awawantuga wuṛṛu taṛṛino-U: watukku Spanyol, Libia, wuṛṛu Lida ringannu manga mamamitingnge apan masiṛṛongnga, watukku Tubal wuṛṛu Yunani. I mangitou sarun mamasingkattu awawantu-Ku su pattangngannu manga walahanna udde.

SONDAPPA 18:13

pising kalu matemangnga, manga rampa, setanggi, mur, wuṛṛu amania; anggore wuṛṛu lana, taponna wuṛṛu gandumma; sapi wuṛṛu domba, awal᷊o wuṛṛu kereta, manga allangnga, see lai niawan taumata.

YEHEZKIEL 39:1

Mawu Apan Atanggaṛṛanne nabbisara, “Ei taumata apan mattate, wansaha'e i Gog, ratu mawantuga wuassu manga wanua Mesekh wuṛṛu Tubal, wuṛṛu wal᷊oa'e si tou manungku i Ya'u indi seenne.

1 TAWARIKH 1:5

Al᷊aṛṛana'i Yafet eteudde i Gomer, i Magog, i Madai, i Yawan, i Tubal, i Mesekh wuṛṛu i Tiras. Ete i mangitou udde al᷊amonan apan nisaggo tumuṛṛuttu aranni mangitou.

YOEL 3:3

I mangitou mangngundi tadea'u manantunna isai apan maasomba manga taumata nitawanna. I mangitou mabbal᷊u'u maṛṛuala wuṛṛu umbasanna tadea'u olaanna allangnga. Wuṛṛu roinne ipaatti mangitou ionggolla su wawine masandaga wuṛṛu ipa'inumma anggore.

YEHEZKIEL 32:26

Mesekh wuṛṛu Tubal isudde lai, papal᷊iwutannu holangu manga tantara mangitou. Ringannu tawe nisunatta, i mangitou sarangkanambone nate sulal᷊ummu pangalo. Sutempo wiakka, i mangitou mammata'utta su runia.

DANIEL 11:2

Wuṛṛu apa apan ta'u iwisara si'o udde atonna.” Mala'ekatta udde mabbisara, “Siri tallu ratu waine sarun mamarenta Persia, tatantalongannu ratu aiappanne apan sarun lembon aalanne wuasi ngana'a waine. Su panginsueannu taṛṛinone wuṛṛu awawantuge, i tou sarun masasaruannu atatohanne ringannu araratuannu Yunani.

DANIEL 10:20

Wua'udde i tou sinumimbakka, “Masingkattawe i'o anio i ya'u nirumata ringannu? Pandumanne eteudde tadea'u mamasingkatta si'o apa apan uaweṛṛetta sulal᷊ummu Buken Atatul᷊idda. Orassa indi i ya'u ṛinone mabbelengnga inai mapapangalo mala'ekatta mallal᷊u'adda Persia. Wua'udde mala'ekatta mallal᷊u'adda Persia. Wua'udde mala'ekatta mallal᷊u'adda Yunani sarun dumanta. Taweddu mangontolla si ya'u tumba'u Mikhael, mala'ekatta mallal᷊u'adda Israel, araratuannu.

DANIEL 8:21

Ambingnga mendanggenna udde mabbal᷊on araratuannu Yunani, wuṛṛu tandu'a apan al᷊o'enganne suwallattu darua matane uddewe ratune apan paarorone.

1 TAWARIKH 1:7

Papapulunni Yawan eteudde taumatan Elisa, Spanyol, Siprus wuṛṛu Rodes.

PANDARIADDI 10:4

Papapulunni Yawan eteudde tumana'u Elisa, Spanyol, Siprus wuṛṛu Rodes.

DARALO 120:5

Nasilakate i ya'u ana waugu sidutu mabbiakka ringannu; tawe paṛalane ere uatana'a su Mesekh, ara'e suwallatu taumatan Kedar.

YEHEZKIEL 27:12

I'o mabbal᷊u'u manga saranapa wal᷊u'annu apan manambo-nambo watukku Spanyol, wuṛṛu maola'a wawaekke i'o nanengkamma sal᷊a'a, atta'a, timah mawira wuṛṛu timah ma'itumma.

YOEL 3:6

Tumana'u Yehuda wuṛṛu Yerusalem niapiddi yamiu marau wuassu wanuane; wua'udde niwal᷊u'i yamiu su walahannu Yunani.