YEHEZKIEL 26:17 - WUKE SUSI WATTI'U AL᷊AL᷊USASSA

¹⁷ Wua'udde i mangitou mangantarin aantari pallal᷊abinga indi si'o: Naṛṛimunsa'e soa apan raddal᷊oanna! Al᷊awo'u apalla nisahangginna wuassu laudda. Tumanangnge dorone uataṛṛino su tahal᷊oangnga na'oman sara taumatan sahatta matta'utta.

YEHEZKIEL 26:17 Referans Kwoze

YESAYA 14:12

Ei ratun Babel, dorone i'o anumpitanna aṛṛusuallo apan mal᷊ansiangnga, arawe orassa indi nundu'e su leta'a! Dorone i'o mammaddon manga walahanna, arawe orassa indi i'o nema'e su leta'a.

YEHEZKIEL 19:1

Ruata nandolo'u niapaantarin sasangitta indi hunan duang katou parinsin Israel:

YEHEZKIEL 32:16

Tatagu apan maṛṛagissa indi sarun maola'a aantarin lall᷊al᷊o. Manga wawine wuassu manga walahanna waine sarun mangantari maola'a tatiala lullal᷊o su Mesir wuṛṛu anambon tumanangnge. I Ya'u, Mawu Apan Atanggaṛṛanne buatte nabbisara.”

YEHEZKIEL 32:2

“Ei taumata apan mattate, onggol᷊e'on tatagu apan maṛṛagissa su ratu Mesir. Wal᷊oa'e tanata-U indi si tou, ‘I'o nattanno ere singa parangganga suwallattu manga walahanna, arawe i'o naal᷊ihidda wuala apan mannalangnga sulal᷊ummu ua'e. Leddanu mallabukka wuṛṛu mannapadda al᷊awo'u sal᷊ukka.

YEHEZKIEL 19:14

Punnu anggore udde nilewan putungnga; ranna wuṛṛu wuane nasue nepodda. Rannane indi tate auatanne; tawe mariaddi olaanna ta'innu araratuanna. Eteudde sasangitta apan masokka-sokka ia'antarin umatta.

YESAYA 23:4

Ei soan Sidon, awawantugu nawul᷊ite! Tahal᷊oangnga apan mal᷊al᷊umma tate manga'u si'o lai, wisarane, “I ya'u taambe saran paassa niṛṛumana'a, taambe saran paassa namaddul᷊i ana'a esakka ara'e wawine.”

ZEFANYA 2:15

Ete udde apan sarun mariaddi su soa apan lullala'a udde wuṛṛu massunna watanganne mal᷊angnganne su runia. Al᷊annabbawe eteapa wageangngu leta'a udde, taweddu uatana'a tumba'u manga winatangngu ahuranganna apan massal᷊akka isudde! Suapan taumata apan sumabbi su soa udde sarun ṛuminddu'a wuṛṛu maapendamma atata'utta.

MIKHA 2:4

Pal᷊addu pabbiaṛṛannu sarun ipaattu taumata maola'a papasendekka, wuṛṛu i mangitou sarun mangarangngu aantarin lal᷊al᷊o indi, ‘Mawu buatte mangaṛṛo wanuan kami indi wuṛṛu nionggolla su taumata apan nanawanna si yami. I yami mangke naṛṛimunsa'e atonna-tonna.’ ”

OBAJA 1:5

Taṛṛa ta'o ara'e mangangaṛṛo apan nirumanta sutempo ṛabbi, tumba'u manganu saranapa apan ipaapulune. Taumata apan manni'o anggore su wailla, sidutu mangngaddo manga piran bau. Arawe i'o sarun insueannu manga seennu.

YOEL 1:18

Winatangnga papadul᷊iananna mammiṛṛonganna wuṛṛu u'ambul᷊isadda; tate lai wadda'u nannal᷊o si tou. Ammul᷊annu domba lai ringanna naṛṛasa.

LAL᷊ALLU 1:1

Aroddi al᷊annabbe Yerusalem orassa indi, soa apan al᷊amonane rame atonna. Dorone tinumelengnga wuassu al᷊awo'u manga walahanna, orassa indi naola'e ere wawine wal᷊u. Dorone soa apan mangke raddaloanna, orassa indi niola'e allangnga.

YEREMIA 9:20

I ya'u nabbisara, “Paddaringikke manga wisara Mawu, ei wawine sarangkanambone! Su manga sinangiannu aṛṛa'en antarin lalal᷊o, su manga hawenu antarin asasusa.

YEREMIA 7:29

Mawu nabbisara, “Ei tumana'u Yerusalem, lallal᷊ote! Pol᷊ote utangngu wuṛṛu rammea'e! Pangantariten aantarin asasusa roso su manga puiddu panenteanna ana waugu i Ya'u Mawu, tantal᷊anna massa'u wuṛṛu nano'eten kami nambo.

YEREMIA 6:26

Mawu nabbisara su uman-Ne, “palluṛṛete laubba karongnga wuṛṛu tattal᷊inggite su awu. Lallal᷊ote wuṛṛu lalluaite ringannu massusa ere taumata apan lulluai niapateannu anangnge man sambau, ana waugu mamamate sarun mamangalo si yamiu ringannu mamaṛṛoro.”

YESAYA 23:8

Wal᷊inewe manga maddaraggange amonannu papunna apan lembon a'addatanna su runia? Isai apan makkawessa mangema'u Tirus, soa apan taṛṛinone ahewal᷊anne indi?

2 SAMUEL 1:19

“Israel, su manga wuiddu, poiaroddi marau natete atumannaṛṛanne, manga esakku wanua, i mangitou naṛṛaate maola'a maraṛṛamagu wanua.

YOSUA 19:29

Wua'isudde akkitu passaranna mabeṛṛo watukku Rama masal᷊a maddatingngu Soa Tirus, eteudde sambau soa apan pia tatandange; wua'udde akkitu passaranna mabeṛṛo apia watukku Hosa ana see masue su Tahal᷊oangnga Tangngane. Su lal᷊ummu manga passaranna udde nasutta lai Mahalab, Akhzib,

YEREMIA 48:39

Moab naṛṛimunsa'e! Asasiliwe eteapa su Moab! I tou lulluai ana waugu buatte nihelo wuṛṛu naola'a papal᷊agge manga walahanna maranine. I Ya'u, Mawu, buatte nabbisara.”

YEREMIA 50:23

Ahewallu runia nirupan Babel na'oman sara naṛṛimunsa'a, arawe orassa indi darupa udde napaddite! Al᷊awo'u walahanna niṛṛumoro naaringikka apa apan buatte nariaddi su wanua udde.

YEHEZKIEL 32:27

I mangitou tawe nilabbingnga ringannu mawantuga ere pahlawanna sutempo dorone apan sinumossokka su runian taumata nate ringannu ahidda nasuungnga. Manga pahlawanna udde nilabbinga ringannu hal᷊ele aillul᷊unanna wuṛṛu allungnga uarandanga su ro'o Sutempo ta'e wiakka, manga pahlawanna udde matohassa na'oman sara mammata'utta al᷊awo'u taumata.