YEHEZKIEL 23:41 - WUKE SUSI WATTI'U AL᷊AL᷊USASSA

⁴¹ Wua'udde itarua niuma'ianna su wowon tampa atatiil᷊anna apan maṛṛansanga. Su saruanne pia medda apan napenen anna ua'imbe, nasutta amania wuṛṛu lanan zaitun apan buatte Ta'u nionggolla si tarua.

YEHEZKIEL 23:41 Referans Kwoze

ESTER 1:6

Rallakku wal᷊en araratuanna nilogaṛṛannu gorden wuassu mal᷊aṛṛenessa linen ma'elomma wuṛṛu mawira, niwa'issu tali linen al᷊ussa wuṛṛu ni'aitta su manga hal᷊asangnga sal᷊a'a apan ua'ele su manga diṛṛi pualan. Su al᷊ungnge niaddo manga rosobba wul᷊awanna wuṛṛu sal᷊a'a su wowon apampakku wal᷊en apan nilogaṛṛannu pualam mawira, hablur maṛṛammu, lammannu mutiara apan sussal᷊ol᷊otta wuṛṛu watu pirus ma'elomma.

AMOS 6:4

Nasilakate i yamiu apan mattiilla su lallowanganna apan mangkapia wuṛṛu maandeangngu ṛemessu sapi wuṛṛu domba apan ta'e saṛṛen tumuwo!

YEHEZKIEL 44:16

Tumba'u i mangitou sassane apan botongnge sumutta su Wal᷊e-U, mangimbe si Ya'u su manga mezbah-Ku, wuṛṛu mamiaṛṛa'u patataṛṛamawu su Wal᷊e-U.

YEREMIA 44:17

Al᷊awo'a apan buatte pina'ireng kami, sarun olaanni yami lai. I yami sidutu sarun mangngonggollu sasamba su Ratun Surga, wuṛṛu mallal᷊innu anggore maola'a sasamba si tou ere inanaramanne apan ilallagu su manga soan Yehuda wuṛṛu su manga lal᷊annu Yerusalem apan a'olaannu al᷊amonan kami, manga ratu wuṛṛu manga tembonannu araratuanni yami see lai i yami sassane. Sutempo udde i yami uatahuanna manambo anna, i yami su lal᷊umanna'a, wuṛṛu tawe asasusa apa-apa.

YESAYA 65:11

Arawe wal᷊ine aroddi pal᷊addu manga taumata apan nanantang-Ku, apan tawe pandumme su Sion, wui-U apan susi, apan mannengokku anna si Gad wuṛṛu si Meni, manga mongannu auntunganna wuṛṛu pal᷊addu taumata.

YESAYA 57:7

I yamiu inaite watukku manga puiddu wowone wuṛṛu mangonggollu sasamba wuṛṛu mapaawusa apulu naungngu runianu.

MALEAKHI 1:7

Ringannu mangonggollu anna sasamba apan tawe suṛṛinone maola'a sasamba su wowon mezba-Ku. Wua'udde i yamiu maiwal᷊o, ‘Ringannu olangnge ereapa i yami mangngaddio'a Si'o?’ Ringannu nandal᷊eo mezbah-U.

AMOS 2:8

Suapan tampa patataṛṛamawuanna, manga taumata mattiilla ringannu laubba apan nianun mangitou maola'a wataṛṛun awalassu taumata asiangnga. Su Wal᷊en Ruatan mangitou, i mangitou ma'inumma anggore apan nianun mangitou wuassu taumata apan pia awallassa si mangitou.

1 SAMUEL 28:23

I Saul nanal᷊a'a wuṛṛu nabbisara manungku i tou maddiri umanna. Arawe napawe mammamanarane lai mangke mammata'a, i tou niumante. I tou nabbuatta wuassu leta'a niumanna su pal᷊assa.

YEHEZKIEL 41:22

Atanggakke sambau setenga metere wuṛṛu al᷊alakke sambau su meterene. Manga pabbuuanne, apampakke wuṛṛu darandunge niola'a wuassu alu. Esakka udde nabbisara si ya'u, “Eteindi medda apan uaraddo su saruannu daranta Mawu.”

YEHEZKIEL 6:13

Manga winal᷊unanna sarun uaseṛṛopa suwallatu manga paal᷊uanna wuṛṛu uapal᷊iwutta manga mezbah, uatal᷊eṛṛonga su manga wuidda apan matanggaka, wuṛṛu su pappusungannu manga wowone, su al᷊ungngu manga aaluanna apan masaṛṛihalo wuṛṛu su manga aaluanna apan masallakka; aunne, suapan tampa i mangitou mannambunnu sasamba su paal᷊uanni mangitou. Ne suapan taumata sarun maasingkatta manungku ete i Ya'u Mawu.